Binwat 7:52 - Hanunuu

⁵² Unman gid may purupita nu unman inunu-unu niyu manga ginurang. Minatay niyu manga ginurang ti manga nagpurupita tungkul sa kay pagras-ug Matadlung pag Suruguun Diyus. Pagka siya rinmas-ug ngani, nagpakampi ngap kamu baliwa sa kalaban ag kanyu minatay siya.

Binwat 7:52 Iomraidhean Croise

Matiyu 5:12

“Pagbaya gid ungud kamu pagmasulung kanyu naisipan, daka nakan kay pirimyu aban sa kanyu ati sa langit. Dahil katunda diman waydi kanda nag-unuunu kaybi sa manga purupita, sa manga un-an man sa kanyu.”

2 Krunika 36:16

Dapat pinuyaan nida ti manga purupita Diyus, kinasarin-an, ag ipinalawuy kanda manga itinultul. Nakan nagalit ti Panginuun sa kanda, ag unman may makaampara sa kanya.

1 Hari 19:10

Sinmagut si Ilyas, “Panginuun, Diyus Makamaskihan, matinupadun duy aku magsirbi sa kanmu. Dapat dinayu manga Israilita ti kasunduan nida sa kanmu, winayak nida kanmu manga harandugan ag pinanmatay kanmu manga purupita. Aku wadi duy ti nasawad, ag paghingabtun diman nida aku matyun.”

1 Tisalunika 2:15

Tunda pag manga Hudiyu ti nagmatay sa Panginuun Hisus hanggan sa manga purupita. Sida diman waydi ti nag-unuunu sa kanmi. Maglaban sida sa kagustuhan Diyus, kalaban sida tanan tawu.

Hirimyas 2:30

Pinarusahan niku kanyu manga anak, dapat unman sida nagbag-u. Dayu sida magpatudlu. Kamu diman ti nagmatay sa kanyu manga purupita parihu sa pagmatay maisug ag magkalun-us pag liyun sa kay tinkub.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

1 Huwan 2:1

Aku inda may surat tabug sa kanyu, sa kang manga anak, hampay kamu balaw magkasala. Dapat nu abi may patar-ari magkasala, may usa ka matadlung pag manugpamag-itan kita tabug sa Ama, si Hisu-Kiristu yi ngani.

Binwat 22:14

Bag-u kay sinabi ni Ananiyas sa kangku magkun, ‘Kawu duy ti pinili Diyus nita ginurang hampay maalaman nimu kay kagustuhan niya, hampay makitan nimu kay matadlung pag Suruguun niya ag hampay madnugan nimu kay magbagaw.

Nihimyas 9:26

“Dapat madi katida, naglabag sida ag naglaban sa kanmu. Pinatlikudan nida kanmu Kasuguan, minatay nida kanmu manga purupita nagbutung sa kanda sa pagbalik-nalub-anan sa kanmu. Masyadu gid kanda paglapastangan sa kanmu!

1 Pidru 1:11

Inusisa gid nida kaybi nu hintay pag tawu ag nu kapira pag mangyari ti pagtukuyun Ispiritu ni Kiristu sa kanda tagipusuun. Dahil ipinauna ipinaalam Ispiritu sa kanda ti malakawan kakurian ni Kiristu hanggan ti kadayawan kay matanggap niya.

Binwat 4:10

Kailangan maalaman niyu hanggan tanan manga Israilita, inda pag tawu taynguna matindugan sa kanyu atubangan dahil sa ngaran ni Hisu-Kiristu taga Nasarit. Imaw ti nagpaayad sa kanya. Imaw diman pag Hisus kanyu ipinaku sa kurus dapat siya binuhi uman Diyus.

Binwat 3:24

Tunda pag manga purupita ti may iinadal ginan sa Diyus. Tanan-tanan ginan waya sa kan Samwil hanggan manga nagdasun sa kanya, nagpaalam yi sida daan tungkul sa manga mangyari taynguna.

Binwat 3:18

Dapat sa kanyu binwat tunda, natupad yi ti dugay yi pag ipinaalam Diyus sa panab-anan manga purupita magkun, kailangan umagwanta ti Pinili Diyus Manugribri pag Hari hanggan sa kamatayan.

Binwat 2:23

Si Hisus ipinahintulut sa kanyu angay sa kay nalub-anan gayak Diyus. Bag-u kanyu apinapaku sa kurus ipinamatay sa manga tawu balaw Hudiyu.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Hirimyas 26:23

Bin-ul nida si Uryas ati sa Ihiptu bag-u dinara sa kan Hari Hihuyakim, ag ipinamatay niya inda sa panab-anan baladaw, ag iyinmut kay bangkay sa kalubngan manga basta lang pag tawu.

Hirimyas 26:15

Dapat tandai niyu inda: nu matyun niyu aku, may saragtun kamu hanggan ti nasakupan sa inda pag banwa dahil sa pagmatay niyu sa tawu unman may kasalanan. Dahil tutuu aku ungud sinugu Panginuun hampay sabihun sa kanyu ti tanan nadnugan niyu taynguna.”

Hirimyas 20:2

ipinahampak niya siya ag ipinapirisu sa may sabian Balay Diyus Panginuun pag-ingarnan Puwirtahan ni Binhamin.

1 Hari 19:14

Sinmagut siya, “Panginuun, Diyus Makamaskihan, matinupadun duy aku magsirbi sa kanmu, dapat dinayu manga Israilita ti kasunduan nida sa kanmu, winayak nida kanmu manga harandugan, ag pinanmatay kanmu manga purupita. Aku wadi duy ti nasawad, ag paghingabtun diman nida aku matyun.”

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu:

2 Krunika 36:15

Pirmi magpakihampang sa kanda ti Panginuun, ti Diyus nida manga ginurang, sa panab-anan niya manga purupita, dahil magkaawa siya sa kanda hanggan sa kay Balay.

Lukas 6:23

Pagbaya kamu nu katida ti mangyari sa kanyu, pag-utbaw waya sa kanyu kabayaan, dahil daka pag pirimyu aban sa kanyu ati sa langit. Katida diman waydi ti binwat nida manga ginurang sa manga purupita.

Huwan 16:10

Ipakakit niya aku matadlung, dahil aku atabug sa Ama, ag unman yi niyu aku makitan.

2 Timutiyu 3:4

Balaw lang tunda, paradaya waya sida, daluk-daluk, palabi-labihun, mahilig sa daut pag kasayahan, unman ngap pagpahalgaan nida ti Diyus.