Binwat 7:43 - Hanunuu

⁴³ Unman magkalimtan niyu ti payag niyu diyus-diyusan ni Muluk, dinaradara diman niyu ti histuda pamgasan niyu diyus-diyusan ni Ripan. Manga diyus-diyusan tunda tinarabahu niyu kamang, hampay sambahun. Nakan kang tulakun kamu tabug sa arayu, sa un-an waya Babilunya pag daga.’

Binwat 7:43 Iomraidhean Croise

2 Hari 21:6

Isinagda niya kay sadili pag anak sa apuy. Binwat diman niya ti manga pagbuwatun manga panhirian hanggan manga manugpintu, ag nagpaingana siya sa manga pandaniwan maghampang sa karadwa manga namatay. Subra gid kay kasalanan sa Panginuun, pag-ikagalit inda Panginuun.

2 Hari 18:11

Dinara hari Asirya ti manga taga Israil sa Asirya bilang manga bihag, ag ipinatahan sida sa banwa Hala, sa manga rugar arani sa Sapa Habur sa Gusan, hanggan sa manga banwa manga Midyanita.

2 Hari 17:6

Pagka sa ikasiyam pag timpu kay maghari ni Husyas, nasakup hari Asirya ti Samarya, ag dinara niya ti manga taga Israil sa Asirya bilang manga bihag. Ipinatahan niya sida sa banwa Hala, sa manga rugar arani sa Sapa Habur sa Gusan, hanggan sa manga banwa manga Midyanita.

Libitiku 18:21

Danga nimu ipakaun kanmu anak bilang handug sa diyus-diyusan si Muluk, dahil paglapastangan tunda sa kangku sa kanmu Diyus. Aku ti Panginuun.

1 Hari 11:7

Nagpabuwat si Sulumun simbahan sa abwat pag rugar, baliwa sa butlakan Hirusalim, para sa kan Kimus, ti daut pag diyus manga Muabita. Nagpabuwat diman siya simbahan para sa kan Muluk, ti mayagting pag diyus manga Amunita.

Hirimyas 32:35

Nagpatindug sida manga simbahan para kan Baal ati sa Luung Bin Hinum, ati diman nida pag-isagda sa kan Muluk kanda manga anak. Balaw niku inda pag-isugu sa kanda; balaw diman inda sinmulud sa kang isip kuntay buwata nida inda pag mayagting pag bagay imaw ti pinun-an kasalanan manga taga Huda.

Amus 5:25

“Nasakupan Israil, katpung ati sa pangawakawaan kanyu manga ginurang sa sulud upatpulu ka timpu, nansagda aw sida sa kangku? Unman!