Binwat 7:2 - Hanunuu

² Bag-u nagsagut si Istiban magkun, “Kamu duy pag manga kaparihu niku Hudiyu ag manga paggurangunun sa nasyun, pagpatingi kamu. Ti Diyus makamaskihan sa tanan napakakit sa kanta ginurang sa kan Abraham kay di waya sa Misuputamya ag udwaya nangulian sa banwa Haran.

Binwat 7:2 Iomraidhean Croise

Gimpuunan 11:31

Nighit si Tira sa Ur sakup manga Kaldiyu. Kaibahan niya kay anak si Abram, kay umagad si Saray, ag kay umput si Lut imaw kay anak ni Haran. Atabug mana sida sa Kanaan, dapat pagras-ug nida sa Haran siyun yi lang ngap sida pag nangulian.

Gimpuunan 12:1

Taynguna, magkun ti Panginuun sa kan Abram, “Tayaki kanmu nasyun, hanggan kanmu manga katawuhan, una ti magtal-anakan nimu ama, bag-u pag ati kawu sa ipakakit niku pag rugar sa kanmu.

Gimpuunan 15:7

Magkun waya siya tag sa kan Abram, “Aku ti Panginuun, ti nagsugu sa kanmu kuntay pag-ighit ginan sa Ur sakup manga Kaldiyu hampay ipakaun sa kanmu inda pag daga kanmu maapu.”

Gimpuunan 29:4

Taynguna, nagpaingana si Hakub sa manga manug-alaga karanidu, “Taga naan kamu?” Sinmagut sida, “Taga Haran duy.”

Nihimyas 9:7

“Kawu ti Panginuun Diyus ti nagpili sa kan Abram ag nagpalwas sa kanya sa Ur, sakup manga Kaldiyu. Ag iningarnan nimu siya Abraham.

Kanta 24:10

Si unu lugud ti may kadayawan pag Hari? Siya ti Panginuun Makamaskihan. Hu, siya ti may kadayawan pag Hari.

Kanta 24:7

Bukasi ti manga sabian Balay Diyus, ti unman may katapusan pag manga sabian, hampay makasaka ti may kadayawan pag Hari!

Kanta 29:3

Magkurarug ti busis Panginuun, ti makamaskihan pag Diyus, mag-adnugan di inda sa kalalawdan dagat.

Isayas 37:12

Rinuris niku manga ginurang ti manga banwa Gusan, Haran, Risip hanggan ti manga nasakupan Idin ati sa Tilasar. Nairibri aw sida nida manga diyus?

Isayas 6:3

Magsarabihan sida sa usa kag sa usa: “Banal, Banal, Banal ti Panginuun Makamaskihan! Kay kadayawan magsakup sa buu kalibutan.”

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Lukas 2:14

“Dayawun nita ti Diyus sa langit. Sa babaw daga may kahusayan yi sa manga tawu kay pagbayaun Diyus.”

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 12:41

Inda kay sinabi ni Isayas dahil ipinakakit Diyus sa kanya kay kadayawan aban ni Hisus ag kay binagaw ni Isayas tungkul ngani sa kan Hisus.

Binwat 22:1

Magkun si Pablu, “Kamu duy pag manga katubu niku hanggan manga gurangun, pagpatingi sa kang paliwanag hampay maalaman niyu aku unman may kasalanan.”

Binwat 23:7

Pagka nadnugan nida kan Pablu sinabi, nagtalaluhan ti manga Parisiyu hanggan ti manga Sadusiyu, nadwa yi ti Katipunan.

Binwat 7:1

Bag-u nagpaingana ti pangulu manughandug sa Balay Diyus sa kan Istiban magkun, “Tutuu aw tida?”

1 Kurintu 2:8

Unman may nakakilala una hintay pag manga pinunu taga kalibutan sa inda pag kadunungan Diyus. Dahil nu nakilala lang nida balaw mana ipinapaku nida sa kurus ti Panginuun, dahil siya ti gimpuunan kadayawan.

Ipisu 1:17

Kang paghagadun sa Diyus nita Panginuun Hisu-Kiristu, sa makamaskihan pag Ama, hampay ipakaun niya sa kanyu ti Ispiritu Banal, imaw ti tumudlu sa kanyu ag pumakakit tungkul sa Diyus hampay makilala niyu siya.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Hibriyu 11:8

Dahil sa kay pagsarig naniwala si Abraham, pagka siya tinawag. Diyus hampay atabug sa usa ka rugar imaw kay tanggapun aban pag maranahun. Linmakaw si Abraham madi unman niya alam nu naan tag.

Santiyagu 2:1

Manga patar-ari niku, kamu pag manga magsarig sa kanta Panginuun Hisu-Kiristu, imaw ti makamaskihan pag Panginuun, danga may pagpiliun kamu tawu.

Huswi 24:2

Magkun si Huswi sa tanan tawu, “Imaw inda ti pagsabihun Panginuun, ti Diyus Israil: Sa kabag-u, kanyu manga ginurang mag-uli sa dipay Sapa Iyupratis ag nagsamba sa iba ka manga diyus. Usa sa kanda si Tira kay ama ni Abraham ag ni Nahur.

Ipinakakit 4:11

“Panginuun, kawu kanmi Diyus, kawu ti dapat makatanggap kadayawan, paggalang hanggan kamaskihan. Dahil kawu ti naglalang sa tanan manga bagay, ag angay diman sa kanmu kagustuhan linalang nimu sida.”