Binwat 7:16 - Hanunuu

¹⁶ Bag-u kanda dinara ti manga bangkay tabug sa Sikim, kanda ilinbung sa kalubngan kan Abraham binili sa manga linahi ni Hamur.

Binwat 7:16 Iomraidhean Croise

Gimpuunan 23:16

Nagpasnu ngani si Abraham sa sinabi ni Iprun pag halaga. Nakan namayad siya 400 bilug pilak angay sa kiluhan kaybi manga manug-ahinti. Ag ibinayad niya inda sa kan Iprun ati sa atubangan manga Hitiyu.

Gimpuunan 23:4

“Mag-uli aku sitay sa kanyu rugar usa ka day-uhan, nakan nu mahimu pabilihi aku niyu daga mahimu lulubngan niku asawa.”

Gimpuunan 35:19

Namatay si Rakil ag ilinbung sa saruy dalan atabug sa Iprata (pag-ingarnan taynguna Bitlihim).

Gimpuunan 47:30

Nu mamatay yi aku, lubngan nimu aku sa lulubngan niku manga ginurang.” Nagsagut si Husi, “Tupadun duy niku kanmu pagsabihun.”

Gimpuunan 50:12

Tinupad manga anak ni Hakub kay bilin sa kanda.

Gimpuunan 50:13

Dahil dinara nida kay bangkay sa Kanaan ag ilinbung sa lukib ati sa tanman Makpila, sa butlakan Mamri. Binili ni Abraham tunda pag tanman sa kan Iprun usa ka Hitiyu hampay buwatun lulubngan.

Pag-ighit 13:19

Dinara ni Muysis kay manga but-ul ni Husi, angay sa ipinasumpa kaybi ni Husi imaw ti buwatun manga Israilita. Magkun kaybi si Husi, “Pihu gid palpasan kamu Diyus. Nu mangyari yi tunda, daran-a niyu kang manga but-ul sa kanyu pag-ighit ginan sa inda pag rugar.”

Huswi 24:32

Kay manga but-ul ni Husi dinara manga Israilita ginan sa Ihiptu ilinbung sa Sikim, sa daga binili ni Hakub halaga 100 bilug pilak sa manga anak ni Hamur kay ama ni Sikim. Inda pag bahagi nasakupan daga ipinakaun sa manga lahi ni Husi.