Binwat 6:9 - Hanunuu

⁹ May manga Hudiyu taga Sirini ag taga Alihandirya, ati sida pag magsamba sa simbahan manga Hudiyu pag-ingarnan Manga Pinalpasan sa Pagkapanawuhun. Pagka dugay ti iba sa kanda napaminsan sa manga Hudiyu taga Silisya hanggan taga Asya sa kanda maglaban sa kan Istiban sa bagaw.

Binwat 6:9 Iomraidhean Croise

Matiyu 10:17

Pag-aman kamu, dahil dakpun kamu manga tawu bag-u darahun tag sa Katipunan manga Pinunu. Litusun nida kamu sa simbahan manga Hudiyu.

Matiyu 23:34

Nakan ngani magsugu aku manga purupita atabug sa kanyu, manga madunung pag tawu hanggan manga manugtudlu. Matyun niyu aban ti iba, kay iba ipaku niyu sa kurus, kay iba garutihun niyu aban sa kanyu manga simbahan, kanyu unu-unuhun sa kabanwa-banwahan.

Matiyu 27:32

Pagka magluwas sida sa banwa, nakitan nida ti usa ka lalaki kay ngaran si Simun taga Sirini. Ipinalugus nida ipinapas-an sa kanya kay kurus ni Hisus.

Markus 13:9

“Pag-andam kamu. Dahil kamu ipasintinsiya aban sa Katipunan manga Pinunu. Kamu kanda hampakun sa manga simbahan manga Hudiyu. Ipaatubang kamu sa manga gubirnadur hanggan sa manga hari dahil sa kangku hampay kamu tumultul tungkul sa kangku sa kanda atubangan.

Lukas 21:12

“Dapat bag-u mangyari tunda, dakpun kamu ag unu-unuhun bistahun kamu sa simbahan manga Hudiyu bag-u pirisuhun. Daran-un kamu sa atubangan manga hari, manga gubirnadur dahil sa kanyu pakiusa sa kangku.

Binwat 11:20

Dapat ti iba sa kanda manga taga Sipru hanggan taga Sirini pag manga tawu. Pagka rinmas-ug sida sa Antiyukya, itinudlu ngap nida sa manga balaw Hudiyu ti Mayad pag Barita tungkul sa Panginuun Hisus.

Binwat 13:1

Sa iglisya sa Antiyukya may manga purupita hanggan manga manugtudlu Bagaw Diyus. Sida ngani ni Birnabi, ni Simyun kay palayaw si Nigir, si Lusyu taga Sirini, si Manain patar-ari sa tabid ni Gubirnadur Hirudis hanggan si Saulu.

Binwat 13:45

Dapat ay pagka nakitan manga Hudiyu ti kayamuan gid tawu, naghirak gid sida nakan pinahimudil lang nida kay manga pagsabihun ni Pablu, minura waya nida siya.

Binwat 15:23

Ipinadara nida kanda surat sa kanda ni Silas tabug sa Antiyukya. Kaindaay kanda surat: “Kami duy, ti manga apustul hanggan ti manga manug-asiwa iglisya magkamusta sa kanyu sa manga patar-ari balaw Hudiyu sa banwa Antiyukya, sa daga Sirya hanggan sa daga Silisya.

Binwat 15:41

Bag-u linmakaw si Pablu kaibahan niya si Silas, namalibutan sida sa daga Sirya hanggan daga Silisya, pinarig-un niya ti manga iglisya.

Binwat 16:6

Sinarak nida ni Pablu ti daga Pirigya hanggan ti daga Galasya, dahil unman pinahintulutan sida Ispiritu Banal manudlu sa daga Asya.

Binwat 18:24

May rinmas-ug sa Ipisu usa ka Hudiyu taga Alihandirya, kay ngaran si Apulus. Mahusay siya pag magtultulanun, mayamu diman kay magkaalaman sa Banal Kasuratan.

Binwat 19:10

Balaw gid nag-apas si Pablu sa kay magpanudlu sa sulud duwa ka timpu. Nakan ti tanan tawu nangulian sa daga Asya nakadnug gid sa bagaw Panginuun, una manga Hudiyu, una manga balaw Hudiyu.

Binwat 19:26

Taynguna tandai niyu ti kanyu nakitan ag nadnugan. Dahil tunda ngani pag tawu si Pablu magtudlu sa manga tawu magkun, ‘Ti manga diyus-diyusan binwat tawu kamang balaw ungud manga diyus, unman may kapangyarihan.’ Masyadu mayamu yi tawu ginarya yi ni Pablu, naniwala sida sa kay pagsabihun, una sitay sa banwa Ipisu una sa harus tanan rugar sa buu daga Asya.

Binwat 21:27

Pagka arani yi matapus ti pitu ka sirang, may manga Hudiyu taga Asya nakakit sa kan Pablu ati sa Balay Diyus. Ginulu nida ti kayamuan tawu bag-u kanda dinakup si Pablu.

Binwat 21:39

Nagsagut si Pablu magkun, “Bukun duy imaw. Aku Hudiyu, taga Tarsu sa daga Silisya. Ati gid kang ulian sa tunda pag mahalaga pag banwa. Pahintuluti duy nimu aku humampang sa inda pag kayamuan tawu.”

Binwat 22:19

Sinabi niku sa kanya magkun, ‘Panginuun, alam yi gid waydi nida nu kabitay nanalapudan aku sa simbahan manga Hudiyu hampay ipapirisu, saktan ti manga nagsarig sa kanmu.

Binwat 22:3

“Aku duy Hudiyu taga Tarsu sa daga Silisya. Dapat atay sa banwa Hirusalim aku pag nagdaka. Sitay diman aku pag nag-adal, si Gamalyil kang maisturu. Tinudluan niya aku mayad-mayad sa pagtupad sa Kasuguan kanta minana ginan sa kanta manga ginurang. Ati katpung masipag gid aku sa kang katungkulan sa Diyus, parihu diman sa kanyu manga masipag gid taynguna.

Binwat 23:34

Pagka binasa gubirnadur ti surat, pinaingana niya sa kan Pablu nu taga naan siya. Pagka naalaman niya siya taga Silisya,

Binwat 24:18

Katpung kanda nakakit sa kangku sa Balay Diyus imaw ngap kang pagbuwatun. Nakatupad aku sa manga ibinilin sa Kasuguan hampay aku malumpiyu sa kay magbantay Diyus. Unman may mayamu tawu, unman diman may magulu.

Binwat 26:11

Nanalapudan aku sa manga simbahan manga Hudiyu. Nu may nakitan aku manga napasakup sa kan Hisus, pinarusahan niku sida hampay pabul-iwun sida sa kanda pagsarig sa Panginuun. Sa mahigpit niku pangagalit sa kanda, nag-ati diman aku sa manga banwa luwas yi nita nasyun Israil hampay pag-unuunuhun di gid niku ti manga napasakup sa kan Hisus ati.

Binwat 6:10

Dapat mahal ngap pag kadunungan kay ipinakaun Ispiritu Banal sa kan Istiban nakan unman gid kaya nida taluhun siya.

1 Kurintu 1:20

Naan yi nguna ti madunung, naan ti manga manugtudlu Kasuguan? Naan ti marahusay magdibati sitay sa kalibutan? Unman aw binwat Diyus unman may kabuluhan ti kadunungan taga kalibutan?

Galasya 1:21

Siyun ginan nag-atag aku sa manga rugar ati sa daga Sirya hanggan Silisya.