Binwat 6:7 - Hanunuu

⁷ Pag-amat-amatan di nida kanda pagtudlu Bagaw Diyus una naan katpung pag manga rugar. Nagyamu di ti manga nagsarig sa kan Hisus ati sa Hirusalim. Una paman sa manga manughandug sa Balay Diyus mayamu ngap ti nagtanggap sa Mayad pag Barita.

Binwat 6:7 Iomraidhean Croise

2 Krunika 29:34

Dapat pira-pira lang ti manga manughandug mag-iyaw inda pag manga hayup. Nakan nangawat sa kanda ti katawuhan nida pag manga Libita tugka sa natapus tida pag buruwatun ag tugka sa nagyamu ti manga manughandug naglumpiyu kanda sadili. Dahil mas matinupadun waya ti manga Libita sa paglumpiyu kanda sadili kaysa manga manughandug.

2 Krunika 30:24

Nangayaw si Hari Isikyas sa manga tawu 1,000 ka tudu baka ag 7,000 ka karanidu ag kambing. Nangayaw diman ti manga may kangaranan 1,000 ka tudu baka ag 10,000 ka karanidu ag kambing. Mayamu sa manga manughandug ti naglumpiyu kanda sadili.

Kanta 132:16

Pirmi niku iribri kay manga manughandug Balay Diyus, ag kay matinupadun pag manga nasakupan manganta pirmi sa kabayaan.

Kanta 132:9

Mana mangabuhi pirmi may matadlung kanmu manga manughandug ag manganta sa kabayaan kanmu tapat pag nasakupan.

Matiyu 19:30

Dapat mayamu ti nag-una mauryan. Mayamu ti nauryan umuna.”

Lukas 2:34

Nandarangin si Simyun sa kanda hampay sida papaladan Diyus, bag-u sinabi niya sa kay ina sa kan Marya, magkun, “Inda pag anak ihinanda Diyus sa ikadamhak ag sa ikaribri mayamu tawu taga Israil. Madi siya ti tanda ginan sa Diyus, labanan di ngap siya aban,

Huwan 12:42

Lang madi katida, mayamu manga pinunu Hudiyu ti nagsarig sa kan Hisus. Dapat sida magkadala sa manga Parisiyu nakan unman kanda ipinamalay sa manga tawu barang ipalwas sida ginan sa simbahan manga Hudiyu.

Binwat 12:24

Nilantag ti Bagaw Diyus, nag-amat yinmamu ti manga tawu sinmarig sa kan Hisus.

Binwat 13:8

Tunda pag manugsalumangka nu sa bagaw Giriyigu kay palayaw si Ilimas. Sinangsala ni Ilimas sida ni Birnabi hampay balaw sumarig sa kan Hisus ti gubirnadur.

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Binwat 19:20

Nakan ngani, dahil sa kay makamaskihan buwat Panginuun, lalu waya gid mayamu tawu ti nakadnug sa barita tungkul sa kan Hisus.

Binwat 2:47

Magdayaw sida sa Diyus. Ag ti tanan tawu nagbaya gid sa manga patar-ari. Sirang-sirang may idinagdag maan sa kanda ti Panginuun manga tawu kay irinibri.

Binwat 21:20

Pagka nadnugan nida kan Pablu manga tultulanun, nagdayaw gid sida sa Diyus. Bag-u kanda sinabi sa kan Pablu magkun, “Alam diman nimu, patar-ari, balaw di pira ka libu ka Hudiyu nagsarig sa kan Hisus. Sida tanan mahigpit gid pag magtuun sa Kasuguan ni Muysis.

Binwat 6:1

Ati katpung pagka amat-amat mayamu yi ti manga nagsarig sa kan Hisus nagriklamu ti manga Hilinista pag Hudiyu laban sa manga Hibriyu pag Hudiyu. Magkun sida ti manga Hilinista pag babayi buranday pagpabay-anan kunu unman pagpakan-an kanda pangailangan sa udas maghururayan sirang-sirang.

Ruma 1:5

Tinanggap nimi ginan sa kanya ti karampatan hampay kami apustul agud ti tanan nasyun butungun nimi sa pagsarig hanggan pagsunud sa kanya. Pagbuwatun nimi inda para sa kanya.

Ruma 16:26

Taynguna bay tunda pag katutuuhanan niburayhaw yi ngap sa Kasuratan manga Purupita. Bag-u ti Diyus ti unman may katapusan imaw ti nagpatigayun hampay ipakilala tunda pag katutuuhanan sa tanan manga nasyun tawu agud sida sumarig sa Diyus ag sumunud sa kanya.

Galasya 1:23

Nabaritaan lang nida tunda kaybi pag tawu mag-unuunu sa kanda, taynguna ngap magtudlu yi tungkul sa pagsarig sa kan Kiristu imaw kaybi kay gustu mana wayakun.

Galasya 6:10

Nakan ngani danga nita ipalawuy nu may rugar hampay magbuwat mayad sa kanta kaparihu, lalu gid sa manga kaparihu nita magsarig sa kan Kiristu.

Kulusas 1:6

Inda pag Mayad pag Barita linmantap sa buu kalibutan ag magdara papalad parihu diman sa nangyari sa kanyu pagka nadnugan niyu ag nasalman niyu ti katutuuhanan tungkul sa kay mayad pag nabubut-un Diyus.

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

2 Timutiyu 2:9

Dahil sa kang magtudlu Mayad pag Barita nakan aku mag-agwanta sa kakurian hanggan sa pirisuhan parihu sa may kasalanan. Dapat balaw magkagapus ti Bagaw Diyus.

Hibriyu 11:8

Dahil sa kay pagsarig naniwala si Abraham, pagka siya tinawag. Diyus hampay atabug sa usa ka rugar imaw kay tanggapun aban pag maranahun. Linmakaw si Abraham madi unman niya alam nu naan tag.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

Hudas 1:20

Dapat pagpakarig-un ngap kamu duy sa kanyu lubus pagsarig sa Diyus. Pagdarangin kamu angay sa udyuk Ispiritu Banal.

Hudas 1:3

Mahal niku pag manga patar-ari, kang gid mana gustu magsurat tag sa kanyu tungkul sa karibrihan nita tanan. Dapat ay pilit aku sumurat pumaanyu sa kanyu hampay kanyu ingatan ti katutuuhanan tungkul sa kanta pagsarig una may manga kalaban. Inda pag katutuuhanan kas-a lang ginan iinintirga sa manga napasakup sa Diyus.