Binwat 6:6 - Hanunuu

⁶ Pagka napili nida inda pag pitu ka tawu, kanda ipinaatubang sa manga apustul bag-u sida idinarangin ag kinup-an kamang manga apustul.

Binwat 6:6 Iomraidhean Croise

Bilang 27:18

Nakan magkun ti Panginuun sa kan Muysis, “Paataytagan si Huswi kay anak ni Nun, inulianan banal Ispiritu, bag-u ikupa nimu kanmu kamang sa kay ulu.

Bilang 8:10

Daran-a nimu ti manga lahi ni Libi sa kang atubangan ag ikupa manga Israilita kanda manga kamang sa ulu manga lahi ni Libi.

Markus 5:23

nagpakihampang gid sa kanya magkun, “Diit wadi duy magkaugtas kang anak babayi. Pagkuyug mana kawu sa kangku kup-an nimu manga kamang kang anak hampay maayadan di siya ag balaw mamatay.”

Binwat 1:24

Nandarangin sida magkun, “Panginuun, kawu ngani ti makaalam tagipusuun tanan manga tawu. Ipakilala nimu sa kanmi nu naan sa duwa inda ti kanmu pinili,

Binwat 13:3

Pagka nagpauray waya gid sida sa darangin, kinup-an nida kamang sida ni Birnabi ni Saulu bag-u kanda sinugu tag sa buruwatun.

Binwat 19:6

Ikinupa ni Pablu kay kamang sa kanda bag-u sida lubus sinuldan Ispiritu Banal. Nagbagaw sida sa unman magkasalman pag pamagaw ag nagpurupita sida.

Binwat 8:17

Dapat pagka kinup-an sida kamang nida ni Pidru ni Huwan, tinanggap ngapu nida ti Ispiritu Banal.

Binwat 9:12

May ipinakakit aku sa kanya may nagsaka usa ka tawu kay ngaran si Ananiyas, nagkupa kay kamang sa kanya hampay humiling maan kay mata.”

Binwat 9:17

Nag-ati ngani si Ananiyas. Pagka siya sinmaka yi sa balay, kinup-an niya kamang si Saulu, magkun, “Patar-ari Saulu, ti Panginuun ti nagsugu sa kangku, si Hisus yi ngani, imaw ti napakakit sa kanmu sa kanmu maglakaw sitay tabug. Nakan sinugu niya aku sitay tag sa kanmu hampay humiling maan kanmu mata ag hampay kawu lubus suldan Ispiritu Banal.”

Diyuturunumiyu 34:9

Taynguna, si Huswi kay anak ni Nun pinakan-an Ispiritu kadunungan dahil pinili siya ni Muysis kay kailis sa panab-anan pagkupa niya kamang sa kanya. Nakan nagsunud sa kanya ti manga Israilita, ag binuwat nida ti tanan pag-isugu Panginuun sa panab-anan ni Muysis.

1 Timutiyu 4:14

Danga paghamnua nimu ti ipinakaun Ispiritu Banal sa kanmu angay sa ipinurupita katpung sa nagkupa manga manug-asiwa iglisya kanda kamang sa kanmu.

1 Timutiyu 5:22

Danga magkadaldali sa magkupa kamang una sa kantapu hampay pakan-an siya katungkulan sa iglisya. Pagdahan kawu sa dayu kawu maabay sa kasalanan manga iba. Pagpirmi kawu unman may huput kasalanan.

2 Timutiyu 1:6

Nakan ngani pag-ipaalaala niku sa kanmu, danga paghamnua nimu ti pakaun Ispiritu kanmu tinanggap ginan sa Diyus, sa katpung kawu kinup-an niku kamang.

Hibriyu 6:2

tungkul sa tudlu sa manga tulbaw, sa pagkupa manga kamang, ag sa pagkabuhi uman manga namatay, ag tungkul sa pagsintinsiya unman may katapusan.