Binwat 6:3 - Hanunuu

³ Nakan manga patar-ari, pagpili kamu ginan sa kanyu sa manga patar-ari pitu ka lalaki tunda manga magkaalaman yi waydi kuntay mabuut ag lubus sinuldan Ispiritu Banal. Bag-u sida ti pakan-an nimi inda pag katungkulan sa mag-asikasu sa maghururayan pangailangan sa manga buranday.

Binwat 6:3 Iomraidhean Croise

Pag-ighit 18:21

Dapat pagpili kawu manga tawu makaawat sa kanmu. Kailangan may imaw sida kakayahan maghusay, may dala sa Diyus, makatiwalaan, ag unman magtanggap suhul. Buwatun nimu sida tagahusay sa kada gurupu sa tig 1,000, 100, 50 ag 10 ka tawu.

Isayas 28:26

Alam niya ti kailangan niya buwatun dahil pagtudluan siya Diyus.

Isayas 28:6

Giyahan niya ti manga manughusay hampay ipaburayhaw ti katadlungan sa kanda maghusay. Pakan-an niya isug ti manga manugbantay sa banwa laban sa manga kalaban.

Matiyu 23:8

“Dapat kamu danga pagpaingarni maisturu. Dahil usa lang kanyu Maisturu, kamu tanan magtar-arian.

Huwan 21:23

Nakan nilantag ngani inda pag barita sa manga patar-ari unman kunu mamatay tunda pag tuludluan. Dapat balaw kay sinabi ni Hisus kuntay unman mamatay tunda pag tuludluan. Kay sinabi lang ni Hisus magkun, “Nu abi kang gustu siya sitay diman pag mabuhi hanggan sa ud rumas-ug aku atay tag, hintay nangus tunda sa kanmu?”

Binwat 1:15

Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

Binwat 1:21

Nakan ngani kailangan kita magpili kaawat nimi sa magpadakit barita tungkul sa kay pagkabuhi uman ni Hisus. Kailangan tunda pag tawu daan di kaibahan nimi sa kay sitay di waya sa kanta ti Panginuun Hisus, ginan sa kay napatulbaw sa kan Huwan hanggan sa nagbalik siya atag sa langit.”

Binwat 10:22

Sinmagut sida magkun, “Kami duy sinugu ngani ni Kapitan Kurnilyu. Mayad siya pag tawu, niabay yi sa surundanun manga Hudiyu. Paggalangun diman siya tanan manga Hudiyu. Sinabihan siya anghil Diyus kawu yi ngani kunu ti ipabuul niya atag sa kay balay hampay makapatingi siya sa kanmu manga pagsabihun.”

Binwat 15:23

Ipinadara nida kanda surat sa kanda ni Silas tabug sa Antiyukya. Kaindaay kanda surat: “Kami duy, ti manga apustul hanggan ti manga manug-asiwa iglisya magkamusta sa kanyu sa manga patar-ari balaw Hudiyu sa banwa Antiyukya, sa daga Sirya hanggan sa daga Silisya.

Binwat 16:2

Ti manga patar-ari sa Listara ag sa Ikunyu sa kanda magkilala sa kan Timutiyu siya mayad pag tawu.

Binwat 2:4

Sida tanan lubus sinuldan Ispiritu Banal. Bag-u nag-umpisa sida nagbagaw sa tuhay-tuhay pag pamagaw sigun sa kay pakaun Ispiritu pag kadunungan sa kanda.

Binwat 22:12

“Ati sa Damasku may usa ka lalaki kay ngaran si Ananiyas. Masipag siya magsamba sa Diyus angay sa Kasuguan ni Muysis. Pagbayaun siya tanan manga Hudiyu mag-uli sa ati pag banwa.

Binwat 28:14

Pagka ati may nakitan kami manga patar-ari, tinanggap nida kami sa kanda balay. Nakan nansabang kami sa kanda sa sulud usa ka duminggu. Pagka siyun ginan naglakaw ngani kami atag sa Ruma.

Binwat 6:2

Nakan tinipun sampulu may duwa ka apustul ti tanan manga patar-ari bag-u kanda sinabi magkun, “Unman duy mana kailangan pabay-anan nimi kanmi tudlu Bagaw Diyus hampay makaasikasu sa maghururayan pangailangan sa manga buranday.

Binwat 6:5

Ti tanan manga patar-ari nagbaya sa sinabi manga apustul. Nakan pinili ngani nida si Istiban, marig-un siya sa kay pagsarig sa Diyus ag lubus sinuldan Ispiritu Banal. Bag-u kanda waya pinili sida ni Pilipi, ni Puruku, ni Nikanur, ni Timun, ni Parminas hanggan si Nikulas taga Antiyukya. Siya balaw Hudiyu dapat kaybi niabay siya sa surundanun Hudiyu.

Binwat 6:6

Pagka napili nida inda pag pitu ka tawu, kanda ipinaatubang sa manga apustul bag-u sida idinarangin ag kinup-an kamang manga apustul.

Binwat 9:30

Pagka naalaman manga patar-ari ti gayak manga Hudiyu, itinibu nida si Saulu atag sa Sisariya. Magkun sida sa kanya, “Pag-uli dapu duy kawu sa Tarsu.”

1 Kurintu 12:8

Dahil ti Ispiritu magpakaun bagaw kaalaman sa usa ka patar-ari, sa iba ti Ispiritu diman tigpaburayhaw sa manga bagay unman magkaalaman.

1 Kurintu 16:3

Sa pagras-ug niku asan, una si unu pag manga tawu kanyu piliun, kang suguun hampay darahun kanyu pakaun kuwarta may tapil surat tag sa Hirusalim.

Ipisu 5:18

Danga kamu maglangu dahil makarangga tunda sa mayad pag ugali. Bagkus alwasiha niyu sa masuldan kamu Ispiritu Banal.

Diyuturunumiyu 1:13

Nakan ngani pagpili kamu ginan sa kada niyu lahi manga tawu madunung, maraintindi ag paggalangun, bag-u sida ti buwatun niku manugpanguna sa kanyu.’

1 Timutiyu 5:10

kailangan pagpatutuuhanan manga iba kuntay mayad kay buwat, mayad kay nagpadaka sa kay manga anak, mahusay kay nagtanggap sa manga nagsabang sa kay balay. Nagsirbi diman siya sa manga patar-ari sa Panginuun, nangawat sa manga may kakurian, ihinanda niya kay sadili sa tanan mayad pag buwat.

Santiyagu 1:17

Kada mayad hanggan kang-ud pag pakaun pasay ginan sa langit, ginan sa Ama, sa naglalang sa manga init, bulan hanggan pamgasan sa langit. Balaw siya magkauman. Kay karayawan dayu bumaliw kadudulman.

3 Huwan 1:12

Mayad ti itinultul tanan patar-ari tungkul sa kan Dimitriyu, hanggan ti katutuuhanan magpasnu sa kay mayad pag buwat. Imaw diman kanmi magkilala sa kanya. Ag alam nimi tutuu gid ti kanmi pagsabihun.