Binwat 6:11 - Hanunuu

¹¹ Nakan ngani may tinudluan sida manga tawu magkun, “Kainda kanyu sabihun, ‘Nadnugan nimi siya nagbagaw kalukuhan laban sa kan Muysis hanggan laban sa Diyus.’ ”

Binwat 6:11 Iomraidhean Croise

Pag-ighit 23:1

“Danga kamu magbarita kapudilan. Danga kamu magkastigus kapudilan agud maawatan ti usa ka daut pag tawu.

Hirimyas 26:11

Magkun ti manga manughandug ag manga purupita sa manga may kangaranan hanggan sa tanan tawu siyun, “Kailangan sintinsiyahan kamatayan inda pag tawu dahil nagbagaw siya laban sa inda pag banwa. Nadnugan diman niyu kay pagsabihun!”

Hirimyas 37:13

Dapat ay pagka rinmas-ug siya sa puwirtahan banwa ni Binhamin, dinakup siya kapitan manga guwardiya ni Iriya kay anak ni Silimya kay laki ni Hananiyas. Magkun sa kanya ti kapitan, “Kakampi kawu manga taga Babilunya.”

Huwan 1:17

Ti Kasuguan ipinadakit ni Muysis sa kanta. Dapat ginan sa kan Hisu-Kiristu pag naalaman nita ti mayad nabubut-un Diyus hanggan ti katutuuhanan tungkul sa kanya.

Huwan 16:3

Nakan katida kanda buwatun sa kanyu dahil unman nakilala nida una ti Ama una aku.

Huwan 9:29

Alam nimi ti Diyus nagbagaw sa kan Muysis. Dapat nu tunda bay pag tawu, unman nimi alam nu taga naan siya.”

Binwat 15:21

Dahil dugay yi pag timpu pagbasahun ti Kasuguan ni Muysis sa manga simbahan manga Hudiyu kada Sirang Pamahari ag sa kada banwa pag-itudlu diman kay manga binagaw.”

Binwat 18:6

Pagka dugay naglaban yi sida sa kanya naglibak hanggan. Nakan winagwag ni Pablu ti galbuk sa kay rutay kay tanda laban sa kanda magkun, “Kanyu yi sadili kasalanan nu kamu midamhak sa kaparusahan. Unman yi aku may saragtun. Taynguna ginan aku atag yi sa manga balaw Hudiyu.”

Binwat 21:28

Namagrit sida magkun, “Kamu duy pag manga Israilita, awati niyu kami. Inda yi ngani pag tawu tigtudlu sa tanan manga tawu una naan pag rugar laban sa nasyun Israil, laban sa Kasuguan ni Muysis ag laban diman sa inda pag Balay Diyus. Tuhay waya siti, nagtaban waya siya manga balaw Hudiyu atag sa sulud Balay Diyus. Nilapastangan niya inda ti banal pag rugar.”

Binwat 25:3

hampay nu mahimu sa kanya, ipadara niya si Pablu atag sa Hirusalim. Nakan kanda mana kailangan si Pablu atag sa Hirusalim, dahil kanda paggayakun puutan siya sa dalan.

Binwat 25:7

Pagka rinmas-ug ngani si Pablu, susun linibutan siya manga Hudiyu ginan sa Hirusalim. Mayamu pag manga sumbung mabuyat kanda binulwat laban sa kanya, dapat unman sida may puruyba kuntay tutuu kanda sumbung.

Binwat 26:11

Nanalapudan aku sa manga simbahan manga Hudiyu. Nu may nakitan aku manga napasakup sa kan Hisus, pinarusahan niku sida hampay pabul-iwun sida sa kanda pagsarig sa Panginuun. Sa mahigpit niku pangagalit sa kanda, nag-ati diman aku sa manga banwa luwas yi nita nasyun Israil hampay pag-unuunuhun di gid niku ti manga napasakup sa kan Hisus ati.

Binwat 6:10

Dapat mahal ngap pag kadunungan kay ipinakaun Ispiritu Banal sa kan Istiban nakan unman gid kaya nida taluhun siya.

Binwat 6:12

Isinumbung nida si Istiban sa manga tawu, sa manga paggurangunun manga Hudiyu hanggan sa manga manugtudlu Kasuguan. Bag-u kanda dinusmugan si Istiban, kanda dinara tag sa atubangan Katipunan manga Pinunu.

Binwat 6:13

Bag-u may bin-ul sida manga tawu magbintang sa kan Istiban magkun, “Inda pag tawu unman mag-apas sa kay sarabihun laban sa banal pag Balay Diyus ag laban sa Kasuguan ni Muysis.

Ruma 3:8

Hayga unman nita masabi magkun, “Pagbuwat yi lang kita daut hampay lalu miburayhaw ti kaayadan?” Magkun ti manga magpuya sa kangku, katunda kunu kang pag-itudlu. Parusahan sida aban Diyus, tunda yi ngani ti kailangan sa kanda.

1 Timutiyu 1:13

Madi kaybi waya kang linapastangan, inunu-unu ag unman diman waydi pinahalgaan niku siya. Dapat kinaawaan di gid aku Diyus dahil tunda kang binwat kaybi kang udwaya nakaalam ag udwaya may pagsarig sa kanya.