Binwat 6:1 - Hanunuu

¹ Ati katpung pagka amat-amat mayamu yi ti manga nagsarig sa kan Hisus nagriklamu ti manga Hilinista pag Hudiyu laban sa manga Hibriyu pag Hudiyu. Magkun sida ti manga Hilinista pag babayi buranday pagpabay-anan kunu unman pagpakan-an kanda pangailangan sa udas maghururayan sirang-sirang.

Binwat 6:1 Iomraidhean Croise

Hub 29:13

Pagpapaladan aku hirimatyanun pag manga tawu ti kang inawatan ag magbaya gid ti manga buranday babayi ti kang inawatan diman.

Hub 31:16

“Nu unman aku nangawat sa manga pugri hanggan sa manga buranday babayi magkakuri,

Kanta 110:3

Sa sirang manggira kawu sa kanmu manga kalaban, buluntad mangawat sa kanmu ti nasakupan nimu. Kanmu kalay-awan pag manga nasakupan umatag sa kanmu sa banal pag bantud ga tun-ug kada surip.

Kanta 72:16

Mana umabunda ti manga ani sa daga una sa katayungtungan bantud, parihu sa manga ani sa Libanun. Mana yumamu ti manga mag-uli sa manga banwa, parihu sa manga ilamnun sa manga karatagan.

Isayas 1:17

Pagpaanad kamu sa magbuwat mayad ag ilantag ti katadlungan. Sungyawa niyu ti manga mag-api ag apinan niyu ti karampatan manga ulila hanggan manga buranday.”

Isayas 27:6

Rumas-ug ti sirang ti nasakupan Israil kay lahi ni Hakub manggamut parihu sa halaman. Mansanga inda, mamusang, hanggan mamurak mayamu ag pun-un ti buu kalibutan.

Hirimyas 30:19

Bag-u kumanta sida manga pasalamat ag manhuyaw sa kasulungan. Payamuun ag pakan-an niku sida kadayawan.

Isikil 22:7

Sitay sa kanmu unman yi paggalangun ti manga gurang. Ti manga day-uhan mag-uli sa kanmu pagkuwartahan, ag ti manga ulila ag manga balu pag babayi balaw pag-itaratu mayad.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Binwat 11:20

Dapat ti iba sa kanda manga taga Sipru hanggan taga Sirini pag manga tawu. Pagka rinmas-ug sida sa Antiyukya, itinudlu ngap nida sa manga balaw Hudiyu ti Mayad pag Barita tungkul sa Panginuun Hisus.

Binwat 11:26

Pagka nakitan niya si Saulu, tinaban niya siya atag sa Antiyukya. Ati sida duwa sa sulud usa gid ka timpu magpakiusa sa iglisya. Mayamu tawu kanda tinudluan. Ati diman sa Antiyukya pag inumpisahan iningarnan Kiristiyanu ti manga napasakup sa kan Kiristu.

Binwat 11:29

Nakan nagharampangan ti manga patar-ari hampay angay sa kanda kaya sa kada usa pumadara sida pakaun tabug sa manga patar-ari nangulian sa Hudiya.

Binwat 2:41

Nakan ti manga tawu nagpaniwala sa kay paliwanag ni Pidru napatulbaw yi. Ati katpung pag sirang tulu ka libu tawu ti dinmagdag sa kanda.

Binwat 2:45

Nu kas-a ginan ipinabili nida kanda daga hanggan kanda kasiyunan bag-u nanhururayan ngani sida kay kuwarta angay sa pangailangan sa kada usa.

Binwat 2:47

Magdayaw sida sa Diyus. Ag ti tanan tawu nagbaya gid sa manga patar-ari. Sirang-sirang may idinagdag maan sa kanda ti Panginuun manga tawu kay irinibri.

Binwat 4:35

Bag-u kay kabilyanan pag-ipaintirga nida sa manga apustul. Bag-u pag-ihuray maan manga apustul sa kada usa angay sa kay pangailangan.

Binwat 4:4

Dapat mayamu ti nakadnug sa kanda ni Pidru paliwanag ti nagsarig sa Panginuun. Kay kabuuhan manga lalaki nagsarig sa Panginuun manga lima yi ka libu.

Binwat 5:14

Mayamu ngap ti manga bag-u nagsarig sa Panginuun una lalaki una babayi napadagdag sa iglisya.

Binwat 5:28

“Hinigpitan yi nimi kamu magkun danga yi gid kamu magtudlu tungkul sa kamaskihan ni Hisus. Dapat malu, hintay ngap kanyu binwat? Sa buu banwa Hirusalim tanan-tanan tawu nakadnug yi gid kanyu tudlu. Gustu waya niyu kami pakan-an saragtun tungkul sa kamatayan siyun pag tawu.”

Binwat 6:2

Nakan tinipun sampulu may duwa ka apustul ti tanan manga patar-ari bag-u kanda sinabi magkun, “Unman duy mana kailangan pabay-anan nimi kanmi tudlu Bagaw Diyus hampay makaasikasu sa maghururayan pangailangan sa manga buranday.

Binwat 6:7

Pag-amat-amatan di nida kanda pagtudlu Bagaw Diyus una naan katpung pag manga rugar. Nagyamu di ti manga nagsarig sa kan Hisus ati sa Hirusalim. Una paman sa manga manughandug sa Balay Diyus mayamu ngap ti nagtanggap sa Mayad pag Barita.

Binwat 9:29

Naghampang diman siya ag nagdibati sa manga Hudiyu kanda pamagaw Giriyigu, dapat nangisug sida ag naghanap paraan hampay matyun siya.

Binwat 9:39

Nagkuyug ngani si Pidru sa kanda. Pagka rinmas-ug siya sa Lida, dinara nida siya atag sa sulud-sulud sa ikadwa pag ugpu salug. Nagpakarani diman sa kan Pidru ti tanan manga babayi buranday, ipinakakit nida sa kanya ti rutay kay ipinaalu ni Durkas sa kanda kay di waya buhi.

Binwat 9:41

Hiniyaptan ni Pidru kay kamang bag-u kay inawatan si Tabita kay ipinatindug. Bag-u tinawag niya ti manga patar-ari lalu hanggan ti manga babayi buranday, ipinakakit niya sa kanda si Durkas nabuhi yi maan.

Ruma 12:7

Nu kay ipinakaun Diyus sa kanta para manugsirbi sa kay buruwatun, pagsirbi yi kita. Pagtudlu yi nu kay tinanggap pag pakaun para manugtudlu.

1 Kurintu 10:10

Danga diman waydi kamu magriklamu laban sa Diyus, balaw parihu sa kanda, ti iba nagbirba laban sa Diyus nakan minatay sida anghil kay sinugu Diyus hampay magpapas sa kanda.

2 Kurintu 11:22

Manga Hibriyu aw lugud sida? Aku diman Hibriyu. Manga Israilita aw sida? Aku imaw diman. Linahi aw sida ni Abraham? Aku imaw diman.

Diyuturunumiyu 26:12

“Sa kada ikatlu pag timpu, iayaw niyu kanyu ikasampulu pag manga ani tag sa manga Libita, sa manga balaw Israilita, sa manga ilu hanggan sa manga buranday babayi, hampay may abunda sida pag karan-unun.

Pilipus 3:5

Pagka sa ikawalu pag sirang ginan sa pagkalusad niku, tinuri aku. Linahi aku ni Israil, minamat ni Binhamin, tutuu gid Hibriyu aku! Sa kang mag-ungud magtupad sa Kasuguan manga Hudiyu, Parisiyu aku.

1 Timutiyu 5:3

Pagmagalang kawu sa manga buranday babayi. Awatan nimu sida nu udyi may mag-asikasu sa kanda.

1 Timutiyu 5:9

Kainda ti mayad ilista nimu sa listahan manga babayi buranday hampay sida ti awatan, kay idad balaw kurang sa unumpulu ka timpu, kas-a lang ginan nangasawa,

Hibriyu 13:1

Kamu magtar-arian sa kan Kiristu, danga apasan niyu kanyu magmalahalan sa usa kag sa usa.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.

Santiyagu 4:5

Barang kanyu isip unman mahalaga ti nisurat sa Banal Kasuratan magkun, “Magkaibug gid ti Diyus magpakiusa sa manga tawu, dahil kay pinakan-an sida arup.”

Santiyagu 5:9

Danga kamu maghirinanakitan, manga patar-ari, barang kamu pihuun Diyus kanyu daut kanyu mayad, dahil udyi dugay rumas-ug yi ti Manugpihu.