Binwat 5:5 - Hanunuu

⁵ Pagka nakadnug si Ananiyas sa kan Pidru sinabi, naplid lang siya rargu naugtas kay arup. Masyadu yi lang gid nadala ti tanan tawu nakadnug sa nangyari ati.

Binwat 5:5 Iomraidhean Croise

2 Hari 2:24

Nag-aliwliw si Ilisyu, tinurun niya ti manga kalay-awan ag sinaadan sa ngaran Panginuun. Bag-u may duwa ka babayi simarun idu nagluwang ginan sa kakayuhan ag ginutay-gutay ti 42 ka kalay-awan.

1 Krunika 13:12

Nadala si Dabid sa Diyus sa ati pag sirang, ag magkun siya, “Kabitay yi lang madara sa kang banwa ti Kaban Diyus?”

1 Krunika 15:13

Dahil balaw kamu ti nagdara sa Kaban Kasunduan kaybi sa un-an pag timpu, pinarusahan kita Panginuun nita Diyus sa kay pangagalit. Unman kita nagpaingana sa Panginuun nu kabitay inda darahun sa kang-ud pag kagustuhan.”

Kanta 119:120

Pagtakigan aku sa paggalang sa kanmu; magkadala gid aku sa kanmu pagsintinsiya.

Kanta 64:9

Bag-u dalaun ti tanan tawu. Isip-isipun nida ti binwat Diyus. Ag itultul nida inda.

Hirimyas 5:14

Nakan inda ti pagsabihun sa kangku Panginuun Diyus Makamaskihan: “Dahil katida ti sinabi tunda pag manga tawu, pakan-an niku kawu padakit parihu sa apuy umirub sa kanda ag bumaliw sida ga kayu magkasunug.”

Isikil 11:13

Habang magtultul aku tultulanun Diyus, namatay si Pilatyas anak ni Binaya. Susun nanpanikluhud aku ag nagringgit mabaskug, “Panginuun Diyus, tabuhun gid aw lugud nimu matyun ti nasawad pag manga Israilita?”

Libitiku 10:3

Magkun si Muysis sa kan Aarun, “Tunda ngani kay ibug sabihun Panginuun katpung magkumun siya, ‘Kailangan kilalan-un manga manughandug kang kabanalan, ag kailangan dayawun aku sa atubangan tanan manga tawu.’ ” Unman nakasagut si Aarun.

Binwat 13:11

Taynguna kawu parusahan yi Panginuun. Nakan mabuta yi kanmu manga mata, dugay gid bag-u kawu kumakit maan sa marayaw.” Pagka sinabi ni Pablu tunda, susun yi nasaydan ni Ilimas nagdulum kay mata, napsa yi, bag-u nan-garapgap kay kamang hampay may umabat sa kanya.

Binwat 2:43

Pirmi nagbuwat ti manga apustul manga makadululaw pag tanda dahil sa kapangyarihan kanda tinanggap ginan sa Diyus. Nakan lubus naglingut ag magkadala ti tanan tawu.

Binwat 5:13

Madi ti manga iba unman nagpanghas magpanuud sa kanda manga tiripun, ti tawu sa luwas iglisya nagbaya di gid sa manga patar-ari.

1 Kurintu 4:21

Hintay kanyu gustu? Asan tag aw aku sa kanyu may bitbit pamakul, aw ngatay sa pagmahal ag sa maalumanay pag naisipan?

2 Kurintu 13:10

Kang pag-isurat inda pag manga bagay kang udwaya asan sa kanyu hampay nu asan yi aku aban udyi kailangan ipakakit kang arisgadu sa kang magtupad sa karampatan kay ipinakaun Panginuun sa kangku. Inda pag karampatan ti ipinakaun sa kangku sa ikaayad niyu, bukun gid duy sa ikadamhak.

2 Kurintu 13:2

Taynguna aku atay di waya sa arayu, kang pag-ulitun waya gid maan sa manga nagkasala hanggan sa manga iba waya ti kang sinabi kaybi sa kang ikadwa pag sabang asan magkun, balaw yi may pasinsiya aban nu aku rumas-ug asan sa kanyu.

2 Kurintu 7:11

Isipa niyu kanyu buhi nu hintay ti nangyari sa kanyu dahil sa kanyu karukuan ginan sa Diyus. Nanipag yi gid ungud kamu hampay makilala kuntay kamu unman may kasalanan sa siyun pag manga nangyari, magkaaburidu kamu sa kanyu sadili bilug, dinurnan kamu dala, magpatigagad yi sa kang pagras-ug, pagpakibudlayan niyu sa gustu lang niyu maparusahan ti nagkasala. Ipinakakit niyu lubus kuntay unman may labut kamu sa siyun pag manga nangyari.

Diyuturunumiyu 13:11

Bag-u masaydan inda tanan Israilita ag madala sida, bag-u balaw yi sida bumuwat uman inda pag daut buruwatun.

Diyuturunumiyu 21:21

Kailangan bintukun siya tanan mag-uli sa banwa tugka sa mamatay. Kailangan duraun niyu inda pag kadautan sa kanyu. Nu maalaman inda tanan manga taga Israil, madala sida.

Huswi 22:20

Nalimtan yi aw lugud niyu si Akan kay anak ni Sira? Katpung linabag niya ti sugu tungkul sa manga bagay ihinandug buu sa Panginuun, pinarusahan siya ag kay buu nasakupan Israil. Balaw lang siya ti namatay dahil sa kay kasalanan.”

Ipinakakit 11:13

Ati katpung pag udas naglinug masyadu gid mabisug. Nawasak ti ikasampulu pag bahagi banwa, pitu ka libu tawu ti namatay sa linug. Ti nasawad pag manga tawu nadala yi masyadu, dinayaw nida ti Diyus sa langit.

Ipinakakit 11:5

Nu may pumanghas umunu-unu sa duwa ka manugpadakit, lumuwang ginan sa kanda sulang ti apuy imaw ti umirub sa kanda manga kalaban. Nu may magkaibug mag-unuunu sa tunda pag manga manugpadakit pihu siya matyun apuy ginan sa kanda sulang.