Binwat 5:41 - Hanunuu

⁴¹ Pagka ginan sa atubangan Katipunan manga Pinunu, nuli maan ti manga apustul. Nakabaya gid ungud sida, dahil pinakan-an sida karampatan hampay mag-agwanta parusa dahil ngani sa kan Hisus.

Binwat 5:41 Iomraidhean Croise

Isayas 51:7

Pagpatingi kamu sa kangku, kamu ti manga may alam nu hintay ti kang-ud ag magsunud sa kang kasuguan! Danga kamu magkadala sa manga magpakay-a ag magpuya pag manga tawu sa kanyu.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 65:14

Manganta sida sa kabayaan, dapat kamu lumumi sa karukuan hanggan sa daut pag nalub-anan.

Isayas 66:5

Kamu manga may dala sa bagaw Panginuun, patingihi niyu kay padakit, “Dahil kamu matinupadun sa kangku, kinadat-an ag binugyahan kamu manga iba niyu manga kasimanwa. Pag-aringun nida kamu magkun, ‘Ipakakit yi mana Panginuun kay kamaskihan hampay makitan nimi kanmu kabayaan!’ ” Dapat mangay-a sida.

Lukas 6:22

Papaladan Diyus kamu nu pagkagalitan manga tawu, nu pagdayuun ag pagmuransahun, nu pag-ikadaut kamu dahil sa kanyu pakiusa sa Anak Tawu.

Huwan 15:21

Pagkadat-an nida kamu dahil kamu napasakup sa kangku ag unman nakilala nida ti Ama ti nagsugu sa kangku.

Binwat 21:13

Dapat sinabi ni Pablu magkun, “Hayga katida kamu? Hayga kamu maglumi ag magparuku diman sa kang tagipusuun? Dahil una aku kanda gapusun una mamatay waya aku, handa gid aku dahil sa kang magpasakup sa Panginuun Hisus.”

Binwat 5:21

Nagpaniwala ti manga apustul sa bilin anghil, nakan surip-surip nag-ati yi sida sa Balay Diyus hampay manudlu. Pagka rinmas-ug ti pangulu manughandug sa Balay Diyus hanggan kay manga kaibahan, pinasuguan nida ti tanan paggurangunun manga Hudiyu hampay tiripun yi ti tanan Katipunan manga Pinunu. Bag-u kanda ipinab-ul ginan sa pirisuhan ti manga apustul.

Ruma 5:3

Bukun lang tunda. Magbaya yi ngap kita sa kanta manga pag-agwantahun, dahil magkaalaman diman nita nu kita may pag-agwantahun amat-amat kita magmatiniisun.

2 Kurintu 12:10

Nakan ngani magbaya diman aku una aku malumuy, una api-apihun, una pakurianan, una unu-unuhun, una lang hintay pag aragwantahun dahil ngani sa kan Kiristu. Dahil nu aku malumuy, ati katpung ngap aku may kabisugan.

Pilipus 1:29

Pinili diman kamu ag pinakan-an karampatan hampay magsirbi sa kan Kiristu, kay ibug sabihun balaw lang tugka sa magsarig sa kan Kiristu nu unman hanggan sa mag-agwanta para sa kanya.

Hibriyu 10:34

Napadamay kamu sa manga napirisu, balaw diman waydi kamu nagruku una binul-an kamu kasiyunan, dahil alam ngani niyu lalu waya higit mahalaga ag udyi madura ti kayamanan ihinanda para sa kanyu.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Santiyagu 1:2

Manga patar-ari niku, pagbaya kamu lubus nu kamu makalakaw sa tuhay-tuhay pag manga subuk.

3 Huwan 1:7

Linmakaw ngani sida dahil sa kanda magpasakup sa kay ngaran ni Kiristu. Unman sida nagtanggap una hintay pag awat ginan sa manga tawu unman magpasakup sa Diyus.