Binwat 5:2 - Hanunuu

² Bag-u nag-ati si Ananiyas tag sa manga apustul, iinintirga niya sa kanda ti kabilyanan kay lang iba. Alam diman waydi niya asawa kay iba kabilyanan tinawidan di ni Ananiyas.

Binwat 5:2 Iomraidhean Croise

Malakyas 1:14

Saadan niku ti magdaya, madi may taratu manhandug kay mayad pag hayup dapat kay ihinandug sa kangku balaw mayad. Saadan niku siya dahil aku ti makamaskihan pag hari ag paggalangun aku manga nasyun. Aku, ti Panginuun Makamaskihan, ti magbagaw inda.”

Matiyu 23:5

Lunsay pakakit-kakit lang sa manga tawu kanda buwat. Paglapadun nida kanda kulimpay pandarangin. Ag hampay ipakakit nida kuntay matutum kanda pagsarig, pag-ipaaba nida kay paraway-raway sa sidsid nida kulimpay.

Huwan 12:6

Katida kay binagaw ni Hudas balaw kuntay sa magpasunaid siya sa manga pugri. Nakan sinabi niya katunda dahil siya mananakaw. Siya ti manughiyaput kanda kuwarta, bag-u paggawhinun niya kay iba.

Binwat 2:44

Ti tanan manga nagsarig sa kan Kiristu nagkarausa ag nanhururayan kanda kasiyunan.

Binwat 4:37

May tanman ngani si Husi kay ipinabili bag-u dinara niya ti kabilyanan kay iinintirga sa manga apustul.

Binwat 5:1

Ati katpung may usa ka mag-asawa, kay ngaran lalaki si Ananiyas, kay asawa babayi si Sapira. May ipinabili diman sida kasiyunan.

Binwat 5:3

Pagka ati si Ananiyas, sinabi ni Pidru sa kanya magkun, “Ananiyas, hayga duy sinakup ni Satanas kanmu tagipusuun hampay kawu mandaya yi sa Ispiritu Banal sa kanmu nagtawid kay iba kabilyanan niyu daga?

Binwat 5:8

Nagpaingana si Pidru sa kan Sapira magkun, “Sabiha duy nimu sa kangku, imaw lang aw inda kay halaga kanyu tinanggap sa kanyu nagpabili kanyu daga?” Nagsagut si Sapira magkun, “Hu duy, imaw lang waydi tunda.”

Pilipus 2:3

Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

1 Timutiyu 6:10

Dahil ti hangad sa kuwarta imaw ti gimpuunan tanan kadautan. Dahil may manga tawu maraibgun sa kuwarta nagsimray sa kanda pagsarig, nagpakaun sida kakurian sa kanda sadili buhi.