Binwat 5:16 - Hanunuu

¹⁶ Linmuwang diman ti mayamu tawu ginan sa manga baryu sa libut Hirusalim, dinara waydi nida ti may manga sakit ag ti manga pinakurian manga labang. Ag sida tanan-tanan pinaayad.

Binwat 5:16 Iomraidhean Croise

Matiyu 2:16

Pagka naalaman ni Hirudis siya maaw pinudilan manga madunung pag tawu, nagalit siya masyadu. Nagsugu siya manga sundalu kay ipinamatay ti tanan manga anak lalaki sa banwa Bitlihim hanggan sa kay manga kalibut ginan sa lapsag hanggan sa duwa tugka ka timpu angay sa udas kay pinaingana sa manga madunung pag tawu.

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Matiyu 8:16

Tunda pag yabi mayamu tawu sinuldan manga labang ti dinara tag sa kan Hisus. Usa lang ka pagbagaw ni Hisus, nagluwas yi ti manga labang. Pinaayad niya ti tanan may mag-adnugan sa kay bilug.

Lukas 5:17

Pagka dugay nagtudlu maan si Hisus. May manga matukawan ati manga Parisiyu hanggan manga manugtudlu Kasuguan, nagluwang sida ginan sa kada banwa sa Galiliya hanggan Hudiya ag hanggan ginan sa Hirusalim. Ti kapangyarihan Panginuun lubus sa kan Hisus hampay paayadun ti may manga sakit.

Lukas 6:18

Nag-atag sida sa kan Hisus hampay mamatingi, ag hampay paayadun niya kanda manga sakit. Pinaayad diman ti manga pinakurian labang.

Lukas 9:11

Dapat pagka naalaman kayamuan tawu, nag-usig ngap sida sa kanya. Nagbaya siya sa kayamuan pagka sida rinmas-ug bag-u kay itinudlu sa kanda magkun, “Diyus ti maghari sa tanan bagay.” Pinaayad diman niya ti kailangan bulungun.

Huwan 14:12

Ungud duy kang pagsabihun sa kanyu, ti tawu nu magsarig siya sa kangku, buwatun diman niya ti manga makadululaw ga kang diman binwat. Lalu waya paman makadululaw kay buwatun, dahil aku umati yi sa Ama.

Binwat 4:30

Ipakakit nimu kanmu kamaskihan sa kanmu magpaayad sa may manga sakit. Pagsa kanmi ti kamaskihan ngaran ni Hisus kanmu banal pag Suruguun hampay makabuwat kami manga makadululaw ag lilingutan pag manga tanda.”

Binwat 5:15

Pagka naalaman manga tawu ti manga makadululaw pag buwat manga apustul, dinara nida ti may manga sakit atag sa luwas, kanda ibinugtang sa manga papag, ti iba sa manga amak siti sa puun dalan hampay nu si Pidru lumawuy siyun, una lang maaninwan niya kay iba.

Binwat 5:17

Pagka dugay magkadaut yi gid sa manga apustul ti pangulu manughandug sa Balay Diyus hanggan tanan manga kaibahan niya, ti manga napaminsan sa manga Sadusiyu siti sa banwa Hirusalim.

1 Kurintu 12:9

Sa iba imaw diman pag Ispiritu tigpakaun sarig, sa iba imaw diman waydi inda pag Ispiritu tigpakaun kapangyarihan magpaayad sa sakit.

Santiyagu 5:16

Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.