Binwat 5:11 - Hanunuu

¹¹ Masyadu yi gid nadala ti tanan manga patar-ari hanggan ti tanan tawu nakadnug sa nangyari sa kanda duwa mag-asawa.

Binwat 5:11 Iomraidhean Croise

Kanta 89:7

Paggalangun kawu sa pagtiripun taga langit pag manga linalang. Sida tanan masangputan sa kanmu may kadalaan gid sa kanmu.

Hirimyas 32:40

Mamuwat aku kasunduan unman may katugkaan sa kanda kuntay parargu aku magbuwat kaayadan sa kanda. Pakan-an niku sida maghinaum maggalang sa kangku hampay balaw yi sida pumakarayu sa kangku.

Binwat 19:17

Nabaritaan inda tanan manga tawu sa banwa Ipisu, una manga Hudiyu una manga balaw Hudiyu. Nadala gid ungud sida tanan, lalu nagdayaw gid sida sa makapangyarihan pag ngaran Panginuun Hisus.

Binwat 2:43

Pirmi nagbuwat ti manga apustul manga makadululaw pag tanda dahil sa kapangyarihan kanda tinanggap ginan sa Diyus. Nakan lubus naglingut ag magkadala ti tanan tawu.

Binwat 5:5

Pagka nakadnug si Ananiyas sa kan Pidru sinabi, naplid lang siya rargu naugtas kay arup. Masyadu yi lang gid nadala ti tanan tawu nakadnug sa nangyari ati.

Binwat 9:31

Nakan ngani may kahusayan maan dapu ti iglisya sa buu daga Hudiya, sa Galiliya hanggan sa Samarya. Pinarig-un Ispiritu Banal ti iglisya. Nagyamu ti manga nagsarig sa kan Hisus. Mag-ugali sida maggalang sa Panginuun.

Pilipus 2:12

Nakan ngani manga patar-ari, kailangan pagmasurundun kamu, lalu taynguna aku unman asan sa kanyu. Paggalang yi gid kamu sa Diyus, pagparargu hanggan sa ud mamhan kanyu karibrihan.

Hibriyu 11:7

Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Hibriyu 12:28

Nakan pagpasalamat gid kita dahil dayu gid matandug ti kaharian kanta tinanggap sa Diyus. Pagsamba kita sa Diyus, pagdahan kita paggalang hampay pagbayaun niya kita.

Hibriyu 4:1

Hanggan taynguna tugka imaw diman pag taratu Diyus sa kanta, kita makaslud hampay may kaariwayahan sa kay arani. Inda ti dapat nita ingatan gid, bagay may tawu sa kanyu unman makahimu makaslud.

1 Pidru 1:17

Unman may pagpiliun ti Diyus. Pagpihuun niya ti kada tawu nu daut nu mayad angay sa kay binwat. Nakan paggalang kamu sa Diyus hanggan kamu sitay waya sa babaw daga. Dahil siya kanyu pag-ingarnan kanyu Ama.

Ipinakakit 15:4

Si unu nguna, Panginuun, ti unman magkadala sa kanmu? Si unu nguna ti dayu manultul sa kanmu kamaskihan? Kawu lang ti banal. Tanan pag manga nasyun pumakarani, sumamba sa kanmu. Dahil nakitan tanan tawu matadlung kanmu manga buwat.”