Binwat 3:6 - Hanunuu

⁶ Bag-u magkun si Pidru, “Unman aku may kuwarta una di. Dapat may tuhay pag kaayadan aku, kang ngap ipakaun sa kanmu. Sa ngaran ni Hisu-Kiristu taga Nasarit, kawu duy paglakaw yi.”

Binwat 3:6 Iomraidhean Croise

Matiyu 10:9

Danga kamu magdara kuwarta, danga kamu magdara una gintu, una pilak, una galang sa kanyu manga hagkus.

Matiyu 7:22

Sa ati katpung aban pag kaudasan mayamu ti sumabi sa kangku magkun, ‘Panginuun, Panginuun, unman aw sa kanmu ngaran kami nagpurupita? Sa kanmu diman ngaran pag nagpalwas kami manga labang ag nagbuwat kami mayamu makadululaw.’

Markus 14:8

Binwat babayi kay nakaya. Binuhusan yi niya pamanglu kang bilug bilang ga alistu yi sa udas aban maglubung sa kangku.

Markus 16:17

Ti manga tawu nu magsarig may makitan inda pag manga tanda tungkul sa kamaskihan: sa ngaran niku pag ipalwas nida ti manga labang, ag bumagaw sida sa tuhay-tuhay pag pamagaw.

Huwan 19:19

May ipinasurat diman si Pilatu bag-u kanda ipinauli sa kurus. Inda ti nakasurat magkun, “Si Hisus taga Nasarit, ti Hari manga Hudiyu.”

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.

Binwat 16:18

Imaw-imaw diman kay buwat tunda pag babayi suruguun sirang-sirang. Pagka dugay nauyamut si Pablu, nakan napasrangu siya tag sa babayi suruguun bag-u sinabi niya sa labang magkun, “Sa kamaskihan ngaran ni Hisu-Kiristu, kang pagsuguun kawu pagluwas yi kawu ginan sa inda pag babayi.” Susun yi ngani nagluwas ti labang ginan sa babayi suruguun.

Binwat 2:22

Magkun maan si Pidru, “Kamu pag manga kaparihu niku Israilita, pamatingi kamu. Udyi kamu pumahimudil sa kan Hisus taga Nasarit, dahil may nakitan yi waydi kamu puruyba. Binwat yi ni Hisus sa kanyu atubangan ti manga makamaskihan hanggan makadululaw pag tanda dahil sa kay kapangyarihan Diyus. Tunda balaw yi ngap nilihim sa kanyu.

Binwat 2:36

“Nakan ngani kamu ti buu nasyun Israil, pagpasnui yi niyu kuntay tunda pag Hisus kanyu ipinaku sa kurus imaw ngap ti binwat Diyus Panginuun. Siya yi ti Pinili Diyus Manugribri pag Hari.”

Binwat 3:16

Kay kamaskihan ni Hisus ti nagpakaun kabisugan sa inda pag tawu. Nangyari tunda dahil sa pagsarig sa kay ngaran ni Hisus. Ti pagsarig sa kan Hisus ti lubus nagpaayad sa kanya ga kanyu diman waydi nakitan taynguna.

Binwat 3:5

Nagbantay ngani siya sa kanda, kay isip barang siya pakan-an.

Binwat 3:7

Kay hiniyaptan ti lalaki sa kay sikun pag kamang bag-u kay itinindug ag susun nagbisug kay manga lulud hanggan burubuku.

Binwat 4:10

Kailangan maalaman niyu hanggan tanan manga Israilita, inda pag tawu taynguna matindugan sa kanyu atubangan dahil sa ngaran ni Hisu-Kiristu taga Nasarit. Imaw ti nagpaayad sa kanya. Imaw diman pag Hisus kanyu ipinaku sa kurus dapat siya binuhi uman Diyus.

Binwat 4:7

Pagka bin-ul ginan sa pirisuhan sida ni Pidru ni Huwan, ipinaatubang sida sa Katipunan manga Pinunu bag-u pinaingana nida magkun, “Sa hintay pag kamaskihan pag pinaayad niyu tunda pag tawu? Kantapu pag ngaran kanyu sinampit?”

Binwat 9:34

Bag-u sinabi ni Pidru sa kanya, “Iniyas, pagpaayadun yi kawu kainda ni Hisu-Kiristu. Pagbangun yi kawu, luhuta yi kanmu amak.” Susun tinmindug yi ngani si Iniyas.

1 Kurintu 4:11

Taynguna tugka kami magkalun-us di ag magkauwaw, manga daut yi kanmi rutay, sinampal waya kami, unman may turunu ulian.

2 Kurintu 6:10

Madi maruku-maruku dapat pirmi diman may kabayaan, ga anyu pugri dapat mayamu ngap tawu kanmi pagpayamanun. Ga anyu ud may kaasanan dapat sa kanmi ngap ti tanan bagay.

2 Kurintu 8:12

Dahil nu buluntad naisipan tagipusuun kanyu magpakaun, tanggapun Diyus kanyu nakaya ipinakaun. Balaw siya maghingbut nu imaw lang tugka kanyu kaya ipakaun.

2 Kurintu 8:9

Alam niyu nu kabitay kadaka kay pagmahal nita Panginuun Hisu-Kiristu. Madi mayaman nagpakipugri siya hampay yumaman kamu ginan sa kay kapugrihan.

Santiyagu 2:5

Isipa gid niyu, mahal niku pag manga patar-ari, pinili Diyus ti manga pugri sitay sa kalibutan hampay sida manga mayaman yi sa pagsarig, kaibahan yi niya sa kay maghari angay sa kay itinaratu sa manga magmahal sa kanya.

1 Pidru 4:10

Pagmatinupadun kamu pag manga piniyaran manga tuhay-tuhay pag kaayadan Diyus. Gamita niyu kanyu tinanggap ayaw-ayaw hampay mapakinabangan tanan patar-ari.