Binwat 3:14 - Hanunuu

¹⁴ Si Hisus banal ag matadlung. Dapat kanyu ngap dinayu. Bag-u hinagad ngap niyu ti manlilibun tawu hampay siya ti ipalpas.

Binwat 3:14 Iomraidhean Croise

Markus 1:24

magkun, “Hintay kanmu pakialam sa kanmi, Hisus taga Nasarit? Nakan aw kawu nagsitay hampay kami kanmu wasakun? Nakilala kawu niku, kawu yi gid ti Banal pag sugu ginan sa Diyus.”

Binwat 7:52

Unman gid may purupita nu unman inunu-unu niyu manga ginurang. Minatay niyu manga ginurang ti manga nagpurupita tungkul sa kay pagras-ug Matadlung pag Suruguun Diyus. Pagka siya rinmas-ug ngani, nagpakampi ngap kamu baliwa sa kalaban ag kanyu minatay siya.

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.

Binwat 4:27

“Dahil tutuu ngani nagkabuu sida ni Hirudis ni Punsiyu Pilatu hanggan ti manga balaw Hudiyu ag ti nasyun Israil sitay sa banwa Hirusalim hampay labanan nida kanmu mahal pag Suruguun si Hisus, imaw ti kanmu Pinili Manugribri pag Hari.

Santiyagu 5:6

Kanyu sinintinsiyahan bag-u ipinamatay ti manga tawu una unman may kasalanan ag unman sida naglaban sa kanyu.

Binwat 22:14

Bag-u kay sinabi ni Ananiyas sa kangku magkun, ‘Kawu duy ti pinili Diyus nita ginurang hampay maalaman nimu kay kagustuhan niya, hampay makitan nimu kay matadlung pag Suruguun niya ag hampay madnugan nimu kay magbagaw.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu:

1 Huwan 2:1

Aku inda may surat tabug sa kanyu, sa kang manga anak, hampay kamu balaw magkasala. Dapat nu abi may patar-ari magkasala, may usa ka matadlung pag manugpamag-itan kita tabug sa Ama, si Hisu-Kiristu yi ngani.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Binwat 2:27

Dahil dayu aku pabay-anan nimu sa ulian manga namatay. Unman pahintulutan nimu ti bangkay nimu matinupadun pag suruguun makalakaw karunutan.

Lukas 23:25

Pinalpasan yi ngani niya si Barabas imaw kanda hinagad pag pirisu. Pinirisu dahil sa pag-arburutu hanggan sa kay naglibun tawu. Dapat ipinabahala ni Pilatu si Hisus sa kanda hampay una hintay kanda gustu buwatun sa kanya.

Lukas 1:35

Sinmagut ti anghil magkun, “Pumakababa tag sa kanmu ti Ispiritu Banal, humamuy sa kanmu ti kapangyarihan Diyus Makamaskihan, nakan ti anak ianak aban pagsabihun banal, ti Anak Diyus.

Markus 15:11

Dapat pagpakaudyukan manga pangulu manughandug ti kayamuan tawu hampay kanda pamuhunun sa kan Pilatu si Barabas ngap ti palpasan.

Markus 15:7

Ati katpung may usa ka tawu kay ngaran si Barabas. Napirisu siya minsan sa kay manga kaibahan nag-arburutu sida kaybi laban sa gubirnu, sa katpung nida nagguluhan may minatay paman.

Kanta 16:10

dahil balaw nimu aku pagpabay-anan miatag sa ulian manga namatay. Balaw nimu pahintulutan marunut kanmu marig-un pag manugsirbi.

Matiyu 27:20

Ti kayamuan tawu waydi pagpakaudyukan manga pangulu manughandug hanggan manga paggurangunun manga Hudiyu hampay pamuhunun sa kan Pilatu si Barabas ti ipalpas ag si Hisus ti ipamatay.

Huwan 16:10

Ipakakit niya aku matadlung, dahil aku atabug sa Ama, ag unman yi niyu aku makitan.

Huwan 18:40

Bag-u irininggit nida magkun, “Danga tunda pag tawu. Si Barabas ti palpasi.” Si Barabas usa ka tulisan.

Binwat 5:28

“Hinigpitan yi nimi kamu magkun danga yi gid kamu magtudlu tungkul sa kamaskihan ni Hisus. Dapat malu, hintay ngap kanyu binwat? Sa buu banwa Hirusalim tanan-tanan tawu nakadnug yi gid kanyu tudlu. Gustu waya niyu kami pakan-an saragtun tungkul sa kamatayan siyun pag tawu.”

Binwat 13:28

Madi sida unman may nakitan sa kanya dapat ikasintinsiya sa kamatayan, dapat kanda ngap hinagad sa kan Pilatu hampay siya ipamatay.