Binwat 3:13 - Hanunuu

¹³ Bukun duy katida. Ti Diyus ni Abraham, ni Isaak, ni Hakub, hanggan nita manga ginurang imaw ti nagpakakit kay daka gid pag kamaskihan ni Hisus kay suruguun Diyus. Dapat kanyu ngap ipinabahala siya sa manga pinunu Hudiyu bag-u kanyu dinayu sa atubangan ni Pilatu, madi kay mana gustu palpasan di si Hisus.

Binwat 3:13 Iomraidhean Croise

Pag-ighit 3:13

Magkun si Muysis sa Diyus, “Nu abi umatag aku taynguna sa manga Israilita ag sabihun niku sa kanda kuntay ti Diyus nida manga ginurang ti nagsugu sa kangku hampay iribri sida, bag-u nu mamaingana sida sa kangku, ‘Si unu kay ngaran?’ Unu ti isagut niku sa kanda?”

Pag-ighit 3:15

Magkun waya ti Diyus sa kan Muysis, “Sabiha nimu inda sa manga Israilita: ‘Ti Panginuun, ti Diyus niyu manga ginurang nida ni Abraham, ni Isaak, ag ni Hakub, ti nagsugu sa kangku tag sa kanyu.’ Kilalan-un aku kang ngaran Yawi hanggan aban.”

Pag-ighit 3:6

Aku ti Diyus nimu manga ginurang, ti Diyus nida ni Abraham, ni Isaak, ag ni Hakub.” Pagka nadnugan inda ni Muysis, tinakluban niya kay uyahun, dahil magkadala siya magbantay sa Diyus.

Matiyu 11:27

Pagkatapus, magkun si Hisus sa manga tawu, “Ti tanan bagay ipinabahala niku Ama sa kangku. Unman may nakakilala sa Anak nu unman ti Ama. Ag unman may nakakilala sa Ama nu unman ti Anak ag ti manga tawu gustu Anak makakilala sa Ama.

Matiyu 20:19

Bag-u kanda ipabahala siya sa manga balaw Hudiyu, hampay kanda muransahun, hampakun, bag-u ipaku yi nida sa kurus. Dapat sa ikatlu pag sirang mabuhi maan siya uman.”

Matiyu 22:32

‘Aku ngani ti Diyus ni Abraham, Diyus ni Isaak ag Diyus ni Hakub.’ Ti Diyus balaw Diyus manga namatay nu unman Diyus ngap manga tawu may buhi.”

Matiyu 27:2

Kanda pinagapus siya bag-u kanda dinara hampay ipabahala siya sa kan Gubirnadur Pilatu.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Markus 15:11

Dapat pagpakaudyukan manga pangulu manughandug ti kayamuan tawu hampay kanda pamuhunun sa kan Pilatu si Barabas ngap ti palpasan.

Lukas 22:57

Dapat nagpaulam si Pidru magkun, “Duy, unman kilala niku tunda pag tawu.”

Lukas 23:4

Sinabi ni Pilatu sa manga pangulu manughandug hanggan sa kayamuan tawu siyun magkun, “Unman may nakitan aku kasalanan sa inda pag tawu.”

Lukas 6:37

Sinabi ni Hisus magkun, “Danga pagpihua niyu ti daut ti mayad niyu kaparihu hampay unman waydi kamu pihuun Diyus nu daut nu mayad. Danga kamu magpasipala sa kanyu kaparihu, hampay balaw kamu ipasipala Diyus. Pagmapinatawadun kamu, hampay patawadun waydi kamu Diyus.

Huwan 12:16

Ati katpung unman naintindihan manga tuludluan ni Hisus kay kahulugan tunda pag manga nangyari. Dapat pagka si Hisus binmalik sa langit bag-u di naala-ala nida inda ti isinurat sa Banal Kasuratan tungkul sa kanya ag katunda diman ti binwat manga tawu sa kan Hisus.

Huwan 18:40

Bag-u irininggit nida magkun, “Danga tunda pag tawu. Si Barabas ti palpasi.” Si Barabas usa ka tulisan.

Huwan 19:11

Sinmagut si Hisus magkun, “Nakan lang kawu may karampatan magbuwat katida sa kangku, dahil Diyus ti may pahintulut tunda sa kanmu. Nakan mabuyat man ti kasalanan tunda pag tawu ti nag-intirga sa kangku sa kanmu kamang.”

Huwan 19:12

Pagka nadnugan ni Pilatu kan Hisus binagaw naghanap siya paraan hampay sa mipalpas ngani niya si Hisus. Dapat nagringgit maan ti manga Hudiyu magkun, “Nu kanmu palpasan tunda pag tawu, udyi masabi kawu kay ampud Pangulu Hari. Una hintay pag tawu nu mag-aku kuntay siya hari, kalaban siya Pangulu Hari.”

Huwan 19:15

Nanriringgitan sida magkun, “Bul-a, bul-a, papakuan siya sa kurus.” Pinmaingana si Pilatu sa kanda magkun, “Ipapaku aw niku sa kurus kanyu hari?” Sinmagut maan ti manga pangulu manughandug magkun, “Unman kami may hari nu ud ti Pangulu Hari lang.”

Huwan 7:39

Kay pagtukuyun ni Hisus ti Ispiritu ti matanggap manga tawu nu sida magsarig sa kanya. Ati katpung udwaya ipinakaun ti Ispiritu dahil udwaya nangyari una kay pagkamatay ni Hisus una kay pagkabuhi uman may kadayawan.

Binwat 22:14

Bag-u kay sinabi ni Ananiyas sa kangku magkun, ‘Kawu duy ti pinili Diyus nita ginurang hampay maalaman nimu kay kagustuhan niya, hampay makitan nimu kay matadlung pag Suruguun niya ag hampay madnugan nimu kay magbagaw.

Binwat 24:14

Unman duy pag-itanggi niku kang magsamba sa Diyus nimi manga ginurang angay ngani sa surundanun kanda pagkumnun salan. Dapat ay magpatutuu diman aku sa tanan nipalat sa Kasuguan ni Muysis hanggan sa tanan isinurat sa Ribru manga Purupita.

Binwat 3:12

Pagka nakitan ni Pidru ti kayamuan tawu, sinabi niya sa kanda magkun, “Kamu pag manga Israilita, hayga nadulaw kamu masyadu sa inda pag nangyari? Hayga kamu magpakaturun sa kanmi? Kanyu aw lugud hantup pinalakaw nimi siya dahil sa kanmi sadili kamaskihan, aw ngatay dahil kami manga maka-diyus?

Binwat 3:26

Nakan pinili Diyus kay Suruguun si Hisus bag-u un-an sinugu siya tabug ngap sa kanyu hampay papaladan kamu ag hampay awatan kamu pumatlikud sa kanyu daut ugali.”

Binwat 4:27

“Dahil tutuu ngani nagkabuu sida ni Hirudis ni Punsiyu Pilatu hanggan ti manga balaw Hudiyu ag ti nasyun Israil sitay sa banwa Hirusalim hampay labanan nida kanmu mahal pag Suruguun si Hisus, imaw ti kanmu Pinili Manugribri pag Hari.

Binwat 4:30

Ipakakit nimu kanmu kamaskihan sa kanmu magpaayad sa may manga sakit. Pagsa kanmi ti kamaskihan ngaran ni Hisus kanmu banal pag Suruguun hampay makabuwat kami manga makadululaw ag lilingutan pag manga tanda.”

Binwat 7:32

‘Aku ti Diyus nimu manga ginurang, ti Diyus nida ni Abraham, ni Isaak hanggan ni Hakub.’ Tinakigan gid sa dala si Muysis, udyi siya makasumbung.

Ruma 9:5

Sida minamat nida ni Abraham ni Isaak ni Hakub. Bag-u siti diman waydi ginan pag linahi si Kiristu sa kay pagkatawu, imaw ti Diyus makamaskihan sa tanan, siya ti pagdayawun hanggan waya aban. Amin.

Hibriyu 2:9

Dapat ay mag-akitan nita si Hisus, ti binwat Diyus ababa man sa manga anghil ngalay-ngalay lang. Taynguna bay pinakan-an siya karampatan sa maghari may kadayawan hanggan kagalangan, dahil nakalakaw siya kamatayan. Sa kay lubus pangaawa Diyus, nakan namatay si Hisus para sa kada tawu.

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.