Binwat 27:1 - Hanunuu

¹ Pagka inisip nida kailangan kami sumakay yi atabug sa Italya, iinintirga nida si Pablu hanggan manga iba waya pirisu sa kan Hulyu. Si Hulyu kapitan manga sundalu sakup Pangulu Hari.

Binwat 27:1 Iomraidhean Croise

Gimpuunan 50:20

Ungud gid kamu naggayak daut sa kangku, dapat gayak yi Diyus tunda bumurak kaayadan imaw ti nagribri taynguna sa mayamu tawu sa taglun-us.

Kanta 33:11

Dapat ti gayak Panginuun pumarargu sa unman may katapusan; kay manga turunu pumirmaminti hanggan aban.

Kanta 76:10

Pihu kanmu pangagalit sa manga tawu makapakaun kadayawan sa kanmu; pagpigilan waya nimu ti nasawad nimu pangagalit.

Kabagawan 19:21

Mayamu kanta gayak, dapat ti kagustuhan Panginuun di ti masunud.

Karukuan 3:27

Mayad para sa usa ka tawu una anak waya madunung yi magsunud.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Matiyu 27:54

Pagka nadnugan nida ti linug ag pagka nakitan nida ti nangyari, nadala masyadu ti kapitan hanggan ti manga sundalu kaibahan niya magbantay sa kan Hisus. Magkun sida, “Tutuu ungud Anak Diyus inda.”

Lukas 23:47

Pagka nakitan kapitan sundalu ti nangyari, dinayaw gid niya ti Diyus, magkun, “Tutuu matadlung gid inda pag tawu.”

Lukas 7:2

May usa ka kapitan manga sundalu taga Ruma, siya may suruguun pagmahalun gid niya ag ti suruguun may sakit, diit wadi siya mamatay.

Binwat 10:1

Ati katpung may usa ka tawu sa banwa Sisariya, kay ngaran si Kurnilyu. Kapitan siya manga sundalu taga Ruma sakup sa gurupu sundalu taga Italya.

Binwat 10:22

Sinmagut sida magkun, “Kami duy sinugu ngani ni Kapitan Kurnilyu. Mayad siya pag tawu, niabay yi sa surundanun manga Hudiyu. Paggalangun diman siya tanan manga Hudiyu. Sinabihan siya anghil Diyus kawu yi ngani kunu ti ipabuul niya atag sa kay balay hampay makapatingi siya sa kanmu manga pagsabihun.”

Binwat 16:10

Pagka naalaman ni Pablu ti ipinakakit Panginuun sa kanya, susun naghiwat yi kami hampay magdipay atag sa Masidunya, dahil nasalman nimi kami yi ngani kay pagsuguun Diyus hampay itudlu nimi ti Mayad pag Barita sa Masidunya.

Binwat 18:2

Pagka siyun sa Kurintu nisampak siya sa usa ka Hudiyu kay ngaran si Akila, taga Puntu. Bag-u lang nakaras-ug siya ginan sa Italya kaibahan kay asawa si Pirisila, dahil pinaighit ni Pangulu Hari Kalaudyu ti tanan manga Hudiyu ginan sa Ruma. Nansabang si Pablu sa kanda ni Akila,

Binwat 19:21

Pagka nakalawuy tunda pag manga nangyari, inudyukan si Pablu Ispiritu Banal, kailangan siya lumakaw sa daga Masidunya, hanggan sa daga Akaya bag-u umati siya sa Hirusalim. Nagsabi siya magkun, “Nu aku makaati ginan sa Hirusalim, kailangan umati diman aku sa banwa Ruma.”

Binwat 21:32

Susun bin-ul kumandir kay manga kapitan hanggan manga sundalu, nalagiw sida tanan atag sa kayamuan tawu. Pagka nakitan manga tawu ti kumandir hanggan kay manga sundalu, inapasan nida kanda magpulpug sa kan Pablu.

Binwat 22:26

Pagka nadnugan kapitan tunda, nag-ati siya sa kumandir bag-u sinabi niya, “Hintay kanmu buwatun? Nasakupan maaw Ruma tunda pag tawu.”

Binwat 23:11

Ati katpung pag yabi tinmindug ti Panginuun sa kan Pablu arani magkun, “Pagmatutum duy kanmu naisipan. Nagtultul kawu tungkul sa kangku sa atubangan manga tawu sitay sa Hirusalim. Katunda diman kailangan tumultul kawu tungkul sa kangku sa banwa Ruma.”

Binwat 23:17

Tinawag ni Pablu ti usa ka kapitan bag-u kay sinabi sa kanya magkun, “Ibahi duy nimu inda pag kan-akan tag sa kumandir, may itultul siya sa kumandir.”

Binwat 24:23

Bag-u sinabihan niya kay kapitan magkun, “Guwardiyahi nimu si Pablu sa pirisuhan, dapat danga paghigpiti nimu. Danga pag-irangi kay manga manug-awat magsabang sa kanya.”

Binwat 25:12

Naghampang dapu si Pistu sa kay manga kunsihal bag-u sinabi niya sa kan Pablu magkun, “Kanmu sinabi ipahusay nimu kanmu kasu sa Pangulu Hari. Nakan duy darahun ngani kawu atag sa Pangulu Hari.”

Binwat 25:25

Dapat ay pagka inusisa niku kay kasu, unman aku may nakitan kasalanan sa kanya hampay siya sintinsiyahan sa kamatayan. Pagka sinabi niya kay gustu ipahusay niya kay kasu sa Pangulu Hari, inisip niku siya ipadara yi ngani tabug sa Pangulu Hari.

Binwat 27:11

Dapat ti kapitan naniwala sa manugtimun hanggan sa may apu bangka, balaw ngap pinaniwalaan niya kan Pablu sinabi.

Binwat 27:43

Dapat kay gustu kapitan danga nida matyun si Pablu, nakan inampara niya kanda gayak. Bag-u sinabihan kapitan ti manga tawu madunung maglanguy, pag-una sida pagluksu, pagtakas yi atag sa baybay.

Binwat 27:6

Ati sa Mira hinanap kapitan ti usa ka bangka taga Alihandirya kay turunu atabug sa Italya. Bag-u pinasakay maan kami siti.

Binwat 28:1

Pagka kami nakaribri yi nakaras-ug yi sa daga, naalaman nimi tunda pag puru sa karaw-an dagat kay ngaran Malta.

Binwat 28:16

Pagka kami rinmas-ug sa Ruma, pinahintulutan nida si Pablu mag-istar sa usa ka balay, balaw sa pirisuhan, pagtandan siya usa ka sundalu.

Hibriyu 13:24

Ipadakit waydi niyu kang kamusta sa manga may katungkulan sa kanyu hanggan sa tanan patar-ari. Pagkamustahun diman kamu nita manga patar-ari taga Italya.