Binwat 26:23 - Hanunuu

²³ Sinabi kabay nida magkun, kailangan mamatay ti Pinili Diyus Manugribri pag Hari bag-u un-an gid sa tanan tawu siya ti buhiun maan hampay ipakilala niya sa manga Hudiyu hanggan sa manga balaw Hudiyu nu kabitay sida maribri agud sida sa marayaw yi.”

Binwat 26:23 Iomraidhean Croise

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Isayas 42:6

Magkun siya sa kay manugsirbi, “Aku ti Panginuun magtawag sa kanmu hampay ipakakit kang katadlungan. Awatan ag alagaan niku kawu, sa panab-anan nimu mamuwat aku kasunduan sa manga tawu. Buwatun niku kawu parihu sa sulu magpakaun rayaw sa manga nasyun,

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Matiyu 26:24

Mamatay gid ti Anak Tawu angay sa isinurat sa Banal Kasuratan, dapat kaawaawa duy tunda pag tawu ti pumakampi sa kalaban agud kay itudlu aku, ti Anak Tawu. Mayad waya nu unman nianak siya pag tawu.”

Matiyu 27:53

Napalwas sida ginan sa kalubngan. Pagka nabuhi uman si Hisus sinmulud sida sa sakup sa Diyus pag banwa. Mayamu tawu ati ti nakakit sa kanda.

Lukas 2:32

usa ka sulu hampay marayawan ti manga balaw Hudiyu, ag hampay ipakilala ti kadayawan nimu nasyun Israil.”

Lukas 24:26

Unman aw lugud kailangan ngani ti Pinili Diyus Manugribri pag Hari makalakaw inda pag kakurian bag-u makarubtan niya ti kadayawan?”

Lukas 24:46

Magkun siya sa kanda, “Katunda ngani ti isinurat kailangan maglakaw kakurian ti Pinili Diyus Manugribri pag Hari bag-u sa ikatlu pag sirang mabuhi siya uman ginan sa kay pagkamatay.

Huwan 10:18

Unman may tawu bum-ul kang buhi, buluntadan ngap kang ipakaun. May kapangyarihan aku mamatay, may kapangyarihan diman aku hampay mabuhi uman. Inda yi ngani ti ibinilin niku Ama sa kangku hampay kang tupadun.”

Huwan 11:25

Bag-u sinabi ni Hisus sa kanya magkun, “Sa kangku gid ginan duy pag mabuhi uman ti tawu. Aku diman ti gimpuunan buhi. Una abi mamatay ti tawu, nu siya magsarig sa kangku, balaw maduraan siya buhi.

Binwat 13:34

“Tungkul sa kay nagbuhi maan niya sa kan Hisus hampay dayu makalakaw karunutan hanggan aban, inda kay sinabi Diyus magkun, ‘Pihu gid pakan-an niku kamu kaayadan angay sa kang pakiusa sa kanyu, ga kang diman itinaratu sa kan Dabid.’

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

Binwat 26:8

Hayga lugud kamu pag manga Hudiyu magsabi dayu mahimu buhiun maan Diyus ti manga namatay?

Binwat 3:18

Dapat sa kanyu binwat tunda, natupad yi ti dugay yi pag ipinaalam Diyus sa panab-anan manga purupita magkun, kailangan umagwanta ti Pinili Diyus Manugribri pag Hari hanggan sa kamatayan.

Binwat 3:24

Tunda pag manga purupita ti may iinadal ginan sa Diyus. Tanan-tanan ginan waya sa kan Samwil hanggan manga nagdasun sa kanya, nagpaalam yi sida daan tungkul sa manga mangyari taynguna.

1 Kurintu 15:3

Ti itinudlu sa kangku imaw diman waydi kang itinudlu sa kanyu — ti pinakamahalaga: si Kiristu namatay dahil sa kanta manga kasalanan angay sa isinurat sa Banal Kasuratan;

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

Kulusas 1:18

Siya ti pinagkaulu, ti iglisya kay pinagkabilug. Siya tigpakaun buhi sa iglisya. Siya ti panganay, daan di siya Anak Diyus. Siya ti un-an nabuhi uman hampay siya yi gid ti makamaskihan sa tanan.

Hibriyu 2:10

Linalang Diyus ti tanan bagay angay sa kay gayak niya kagustuhan. Nakan ngani ipinalakaw niya si Hisus sa kakurian kay inagwanta hampay lubus tupadun niya ti kagustuhan Diyus, ag hampay mayamu tawu kay mataban sa kadayawan.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.