Binwat 26:22 - Hanunuu

²² Dapat ay hanggan taynguna tugka unman gid aku pinabay-anan Diyus. Nakan matindugan aku taynguna hampay itultul una sa may manga kangaranan una sa unman may kangaranan kang nadnugan ginan sa Panginuun. Kang pag-itudlu imaw yi ti ipinurupita manga Purupita hanggan ni Muysis.

Binwat 26:22 Iomraidhean Croise

Binwat 24:14

Unman duy pag-itanggi niku kang magsamba sa Diyus nimi manga ginurang angay ngani sa surundanun kanda pagkumnun salan. Dapat ay magpatutuu diman aku sa tanan nipalat sa Kasuguan ni Muysis hanggan sa tanan isinurat sa Ribru manga Purupita.

Huwan 5:46

Nu ungud pagpaniwalaan niyu si Muysis, paniwalaan diman waydi mana aku dahil nagsurat siya tungkul sa kangku.

Binwat 10:43

Ti tanan purupita nagbarita diman waydi tungkul sa kan Hisus magkun, una hintay pag tawu nu sumarig sa kanya, patawadun Diyus kay manga kasalanan dahil sa kamaskihan niya.”

Lukas 24:44

Sinabi niya sa kanda, “Inda imaw yi kang pagsabihun sa kanyu kaybi kang di waya sa kanyu. Sinabi kabay niku kailangan tupadun ti tanan nakasurat tungkul sa kangku sa Kasuratan ni Muysis hanggan sa Surat manga Purupita hanggan sa Ribru Manga Kanta.”

Lukas 24:27

Bag-u ipinaliwanag ni Hisus sa kanda ti manga bagaw tungkul sa kanya sa tanan Banal Kasuratan ginan sa kan Muysis hanggan waya sa manga Purupita.

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.

Ruma 3:21

Taynguna bay niburayhaw yi nu kabitay pagkilalan-un Diyus ti manga tawu kuntay sida manga matadlung bukud sa Kasuguan, ag balaw sa pagtupad nida sa Kasuguan ni Muysis. Pinatutuuhanan diman gid tunda sa manga ribru Kasuguan hanggan manga Purupita.

1 Samwil 7:12

Bag-u nam-ul si Samwil usa ka batu, ibinugtang niya sa tab-anan duwa ka banwa, Mispa ag Sin. Bag-u iningarnan niya tunda pag batu Ibinisir dahil magkun siya, “Taynguna tugka pag-awatan kami Panginuun.”

Binwat 28:23

Nakan nagtararatuhan sida sa iba sirang. Pagka ati katpung pag sirang, lalu waya mayamu tawu ti naglinuwang tag sa kan Pablu pagdayunan pag balay. Ginan surip hanggan yabi malinaw gid kay itinultul niya sa kanda tungkul sa kay paghari Diyus. Ginamit niya ti Kasuguan ni Muysis hanggan ti Kasuratan manga Purupita hampay maintindihan nida ti katutuuhanan tungkul sa kan Hisus.

Binwat 26:17

Bawiun niku kawu ginan sa kamang manga taga Israil hanggan ginan sa kamang manga balaw Hudiyu. Dahil suguun niku kawu atag sa manga balaw Hudiyu.

Binwat 26:6

Bag-u taynguna aku pagbistahun dahil sa kang pagsarig sa kay taratu Diyus sa kanta manga ginurang kaybi.

Huwan 5:39

Pirmi diman pag-adalun niyu ti manga Banal Kasuratan dahil kanyu pag-isipun siyun kamu pag makakit buhi unman may katapusan. Tunda pag manga Banal Kasuratan tigpakilala nu si unu aku.

Huwan 1:45

Nakitan maan ni Pilipi si Natanail. Bag-u sinabi ni Pilipi sa kanya magkun, “Nakabtaan nimi si Hisus taga Nasarit kay anak ni Husi. Imaw ti pagturunuhun ni Muysis sa kay isinurat sa Kasuguan, siya diman waydi hanggan ti pagturunuhun manga purupita.”

Huwan 1:17

Ti Kasuguan ipinadakit ni Muysis sa kanta. Dapat ginan sa kan Hisu-Kiristu pag naalaman nita ti mayad nabubut-un Diyus hanggan ti katutuuhanan tungkul sa kanya.

Lukas 24:46

Magkun siya sa kanda, “Katunda ngani ti isinurat kailangan maglakaw kakurian ti Pinili Diyus Manugribri pag Hari bag-u sa ikatlu pag sirang mabuhi siya uman ginan sa kay pagkamatay.

Kanta 124:8

Ti kanta awat ginan sa Panginuun imaw ti nagbuwat sa kalangitan ag sa kalibutan.”

Kanta 66:12

Pinatat-an nimu kami sa kanmi manga kalaban; ga nangagwanta kami sa apuy ngatay sa baha. Dapat kainda ipinauli nimu kami sa mayad pag kahamtangan.

Kanta 18:47

Pagbalusan nimu kang manga kalaban, ag pag-ipasirung nimu ti manga nasyun sa kangku.

Isra 8:31

Nighit kami sa sapa Ahaba ag naglakaw tabug sa Hirusalim katpung ika-12 pag sirang sa un-an bulan. Inawatan kami nimi Diyus ag iningatan niya kami laban sa manga kalaban ag manga tulisan habang maglakaw kami.

Ipinakakit 20:12

Nakitan niku matindugan sa atubangan tukawan hari ti manga namatay, manga may kangaranan ag manga unman. Bag-u binuklad ti manga ribru. Binuklad ti usa waya ka ribru, imaw ti ribru kabuhian. Pinila ti manga matadlung ginan sa manga balaw matadlung angay sa kanda manga binwat parihu sa isinurat sa manga ribru.

Ipinakakit 11:18

Magkagalit ti manga unman magsarig sa Diyus, dahil nagras-ug yi ti kaudasan nimu pangagalit. Pihuun yi nimu ti manga namatay nu daut nu mayad. Kanmu diman kaudasan pamakaun pirimyu sa manga suruguun nimu, sa manga purupita. Pakan-an diman nimu pirimyu ti manga napasakup sa kanmu hanggan ti tanan maggalang sa kanmu ngaran, una mayaman una pugri. Udas yi hampay dautun nimu ti manga nagpakaun kakurian sa kalibutan.”

2 Timutiyu 3:11

Alam diman nimu ti manga mag-unuunu sa kangku hanggan kang inagwanta sa Antiyukya, sa Ikunya, ag sa Listara. Masyadu gid inunu-unu aku ati katpung, dapat sa tanan pag manga kakurian tunda ipinaribri di aku Panginuun.

Matiyu 26:24

Mamatay gid ti Anak Tawu angay sa isinurat sa Banal Kasuratan, dapat kaawaawa duy tunda pag tawu ti pumakampi sa kalaban agud kay itudlu aku, ti Anak Tawu. Mayad waya nu unman nianak siya pag tawu.”

Lukas 16:28

Dahil may lima waya aku ka patar-ari lalaki. Pasandami niya sida tungkul sa kanmi kahamtangan atay, barang sida sitay tabug waydi sa rugar kakurian.’

Binwat 13:29

Pagka tinupad nida ti tanan isinurat tungkul sa kanya, bin-ul nida siya ginan sa kurus bag-u kanda ipinauli sa tinaguktukan batu.

1 Kurintu 15:3

Ti itinudlu sa kangku imaw diman waydi kang itinudlu sa kanyu — ti pinakamahalaga: si Kiristu namatay dahil sa kanta manga kasalanan angay sa isinurat sa Banal Kasuratan;

1 Kurintu 15:4

ilinbung siya bag-u binuhi siya uman sa ikatlu pag sirang angay sa isinurat sa Banal Kasuratan;