Binwat 26:18 - Hanunuu

¹⁸ Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

Binwat 26:18 Iomraidhean Croise

Kanta 119:18

Bukasi kang kaisipan hampay maintindihan niku ti marinu pag manga katutuuhanan sa kanmu kasuguan.

Kanta 146:8

pagpaayadun niya ti manga buta hampay makakit, pagpabisugun niya ti manga magpanlumuy, pagmahalun niya ti manga matadlung,

Isayas 29:18

Sa ati pag sirang, ti bungul makadnug sa pagbasahun pag ribru. Ag ti buta, kumakit yi, madi unman may mag-akitan nu unman ti kaduluman lang.

Isayas 32:3

Manhanap ag mamatingi ti manga tawu sa Diyus.

Isayas 35:5

Bag-u nu mangyari tunda, kumakit ti manga buta ag makadnug ti manga bungul.

Isayas 42:16

Abatun niku kang manga nasakupan buta sa katutuuhanan, tabug sa dalan udwaya nida nalakawan. Rayawan niku ti paglakawan nida madlum ag tadlungun niku ti manga nangunha-kunha pag dalan kanda paglakawan. Buwatun niku inda ag balaw niku sida pabay-anan.

Isayas 42:7

hampay pamuklatun ti manga buta, palpasan ti manga bihag, hanggan ti ipinaslud sa madlum pag pirisuhan.

Isayas 43:8

Magkun waya ti Panginuun, “Tawaga nimu kang manga nasakupan may manga mata, dapat unman makakit; may manga tuli dapat unman magdungug.

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 9:2

Ti manga tawu sa kadudulman makakit masyadu gid pagkarayawan, ag marayawan ti may manga kakurian.

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Matiyu 4:10

Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Matiyu 4:16

Ti manga tawu nitukmud sa basad kaduluman may makitan aban daka pag rayaw. Ti manga tawu sa sirung kapangyarihan kamatayan pakan-an ngap karayawan.”

Lukas 1:77

Ipaalam nimu ti karibrihan Panginuun sa kay nasyun, sa panab-anan pagpatawad nida kanda manga kasalanan.

Lukas 1:79

Marayawan ti manga tawu nangulian sa kadudulman ag hinarian kamatayan. Ilakaw kanta raprapa sa dalan kahusayan sa Diyus hanggan sa kanta kaparihu.”

Lukas 2:32

usa ka sulu hampay marayawan ti manga balaw Hudiyu, ag hampay ipakilala ti kadayawan nimu nasyun Israil.”

Lukas 24:45

Bag-u binukasan niya kanda manga naisipan hampay maintindihan nida ti manga Kasuratan.

Lukas 24:47

Ag itudlu sa tanan nasyun, umpisa ginan sa Hirusalim, sa panab-anan niya patawadun Diyus ti manga tawu mag-ampu sa kanda kasalanan.”

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Huwan 17:17

Ipablag nimu sida sa panab-anan katutuuhanan. Kanmu bagaw imaw ti katutuuhanan.

Huwan 3:19

Parusahan sida dahil nagsitay sa kalibutan ti katutuuhanan ga karayawan ginan sa Diyus. Dapat pinalabi waya manga tawu ti kadudulman sa karayawan, dahil daut kanda manga buwat.

Huwan 4:10

Sinmagut si Hisus magkun, “Nu abi maalaman lang nimu nu hintay kay pag-ipakaun Diyus ag nu si unu ti naghagad kam danum, mahimu kawu ngap mana ti humagad sa kanya, hampay ipakaun niya sa kanmu ti danum imaw ti makapakaun buhi sa tawu.”

Huwan 4:14

Dapat dayi gid uwawun ti tawu una kapira aban nu inmun niya ti danum kang ipakaun sa kanya. Dahil ti danum kang ipakaun sa kanya bumaliw ga bulbugan sa kay tagipusuun may danum magpakaun buhi. Tunda pag danum tigpakaun buhi unman may katapusan.”

Huwan 8:12

Nagbagaw maan si Hisus sa manga Parisiyu magkun, “Aku ti sulu sa kalibutan. Nu ti tawu magpasakup sa kangku, sa kanya yi ti karayawan tigpakaun buhi ag balaw yi siya lumakaw sa madlum.”

Huwan 9:39

Sinabi ni Hisus magkun, “Nagsitay aku sa kalibutan hampay sintinsiyahan niku ti kasalanan manga tawu, hampay ti manga buta humiling yi, ag ti manga maghiling bumaliw ngap ga buta.”

Huwan 9:5

Nu aku sitay waya sa babaw daga, aku tigpakaun karayawan sa manga tawu sa kalibutan.”

Binwat 10:43

Ti tanan purupita nagbarita diman waydi tungkul sa kan Hisus magkun, una hintay pag tawu nu sumarig sa kanya, patawadun Diyus kay manga kasalanan dahil sa kamaskihan niya.”

Binwat 13:47

Dahil kainda kay isinugu Panginuun sa kanmi magkun, ‘Ipinakana niku kawu ga sulu sa manga balaw Hudiyu hampay ibarita nimu ti karibrihan sa tanan tawu sa bilug kalibutan.’”

Binwat 15:9

Parihu lang kay magbantay Diyus una sa kanda una sa kanta. Pagka sida nagsarig sa kan Hisu-Kiristu, linumpiyu diman Diyus kanda tagipusuun sa kanda nagbuwat kasalanan.

Binwat 2:38

Nagsagut si Pidru magkun, “Ampuan niyu kanyu kasalanan ag paghagad kapatawadan sa Diyus. Pagpatulbaw ti kada usa sa kanyu, pagpasakup sa ngaran ni Hisu-Kiristu hampay patawadun yi kanyu manga kasalanan. Bag-u ipakaun Diyus sa kanyu ti Ispiritu Banal.

Binwat 20:21

Nangungud gid aku sa kang magpaliwanag sa manga Hudiyu una sa manga balaw Hudiyu, magkun kailangan gid sida pag-ampu sa kanda kasalanan sa atubangan Diyus, pagsarig sa kanta Panginuun Hisus.

Binwat 20:32

“Taynguna duy pag-iintirga niku kamu sa Panginuun hampay ingatan niya kamu. Hanggan ti Bagaw tungkul sa kay mayad nabubut-un Diyus umingat waydi sa kanyu. Kay Bagaw Diyus ti makaparig-un sa kanyu. Imaw gid ti pumapalad sa kanyu kay kaayadan kay ihinanda Diyus sa manga tawu magpasakup sa kanya.

Binwat 26:19

“Nakan duy Hari Agripa, lubus aku naniwala sa kay ipinakakit Panginuun ginan sa langit.

Binwat 26:23

Sinabi kabay nida magkun, kailangan mamatay ti Pinili Diyus Manugribri pag Hari bag-u un-an gid sa tanan tawu siya ti buhiun maan hampay ipakilala niya sa manga Hudiyu hanggan sa manga balaw Hudiyu nu kabitay sida maribri agud sida sa marayaw yi.”

Binwat 3:19

“Nakan duy patlikudi yi niyu kanyu manga kasalanan bag-u pag-atubang yi sa Diyus hampay duraun yi niya kanyu kasalanan,

Binwat 5:31

Pinakan-an si Hisus kadayawan, ipinatukaw siya Diyus sa kay sikun baliwa minsan sa kay karampatan maghari. Nakan si Hisus yi ngani ti Takinan hanggan Manugribri hampay pakan-an rugar ti nasyun Israil makaampu sa kanda manga kasalanan ag makahagad kapatawadan sa Diyus, agud sida patawadun.

Ruma 8:17

Nu ungud kita kay manga anak, kita yi gid ti makatanggap pamana kay ihinanda Diyus sa kay manga anak. Kita kaibahan ni Kiristu sa pagtanggap pamana. Dahil nu kita mag-agwanta kaibahan niya, kaibahan waydi niya kita sa kay kadayawan.

1 Kurintu 1:2

Inda pag surat tabug sa kanyu, sa iglisya Diyus sa banwa Kurintu. Kamu manga banal dahil sa kanyu pakiusa sa kan Kiristu Hisus. Kamu ipinablag yi ginan sa kalibutan minsan sa tanan tawu sa kada rugar magsampit sa ngaran nita Panginuun Hisu-Kiristu, kanda Panginuun, kanta diman tanan Panginuun.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

2 Kurintu 6:14

Danga kamu magpausa sa manga balaw magpasakup sa kan Hisus. Mahimu aw lugud miusa ti katadlungan tag sa kalikuan? Mahimu aw lugud miusa ti karayawan tag sa kaduluman?

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Galasya 3:14

Linukat kita ni Kiristu hampay ti manga papalad kay itinaratu Diyus sa kan Abraham tanggapun manga balaw Hudiyu ginan sa kan Kiristu Hisus. Nakan ngani nu sumarig kita sa kanya, tanggapun nita ti Ispiritu angay sa kay itinaratu Diyus.

Galasya 3:2

Inda lang ti gustu niku maalaman sa kanyu, tinanggap aw niyu ti Ispiritu Diyus dahil sa kanyu pagtupad sa Kasuguan aw ngatay dahil sa kanyu magpatingi hanggan magsunud sa Mayad pag Barita?

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Ipisu 1:14

Ti Ispiritu ti ipinakaun sa kanta imaw kay puruyba tupadun Diyus kay manga taratu sa kanta, sa manga pinili niya, hampay dayu umalinlangan kita hanggan sa udwaya kita lubus miribri Diyus. Dayawun nita kay kadayawan!

Ipisu 1:18

Kang pag-idarangin kamu hampay marayawan kanyu naisipan hampay maalaman niyu kanta pag-asahan dahil sa kay pagbutung niya sa kanta. Kay ihinanda niya ti daka gid pag kaayadan sa tanan manga binanal,

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,

Ipisu 2:8

Dahil lang sa mayad nabubut-un Diyus naribri kamu pagka kamu nagsarig sa kan Kiristu. Inda pag karibrihan kay ipinakaun Diyus sa kanyu, balaw kanyu sadili buwat.

Ipisu 4:18

Unman sida madunung mag-intindi dahil sa kanda ga ud may namuangan ag maganit waya kanda ulu. Nakan ud sida may kaparti sa buhi kay pag-ipakaun Diyus.

Ipisu 5:11

Danga kamu magpasalbug sa manga tawu magbuwat sa balaw ikamayad, sa manga ugali sakup sa kadudulman. Bagkus ngap ipaburayhaw niyu ti daut nida manga buwat.

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Ipisu 5:8

Kaybi kamu sakup sa kadudulman, dapat taynguna kamu sakup yi sa marayaw dahil sa kanyu pakiusa sa Panginuun. Nakan ngani pag-ugali kamu parihu sa manga tawu sakup yi sa marayaw.

Ipisu 6:12

Dahil kanta kalaban balaw manga tawu, nu unman ti kagadhan manga labang sa panungaan langit daga, manga pinunu, manga may kapangyarihan hanggan manga manugpamahala sa kadudulman magsaklaw sa inda pag kalibutan.

2 Timutiyu 2:26

Nu katunda marayawan kanda naisipan hampay makakalpas sa dit-ag diyablu imaw ti nagbutung sa kanda.

Hibriyu 10:10

Tinupad ni Hisu-Kiristu kay kagustuhan Diyus. Pagka ipinakaun niya kas-a lang kay sadili bilug sa Diyus, linumpiyu niya kita sa kasalanan.

Hibriyu 10:14

Usa lang ka bisis ihinandug kay sadili sa Diyus, ag inda ti naglumpiyu sa manga binwat banal tugka aban.

Hibriyu 11:6

Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Hibriyu 9:15

Sa kay pagkamatay linukat ni Kiristu ti manga tawu ginan sa manga kasalanan kanda binwat sa kanda di waya sakup sa un-an pag taratu. Nakan si Kiristu ngani tigpamahala sa bag-u pag taratu hampay ti manga pinili Diyus makatanggap sa kay itinaratu pag papalad unman may katapusan.

Santiyagu 2:5

Isipa gid niyu, mahal niku pag manga patar-ari, pinili Diyus ti manga pugri sitay sa kalibutan hampay sida manga mayaman yi sa pagsarig, kaibahan yi niya sa kay maghari angay sa kay itinaratu sa manga magmahal sa kanya.

1 Pidru 1:4

Nakan may pagsarig kita hampay matanggap nita ti usa ka kayamanan unman may kadautan, dayu marunut, udyi pumud-as. Tunda pag kayamanan itinigana sa kanyu ati sa langit.

1 Pidru 2:25

Kaybi kamu nanwayak-wayak yi parihu ga manga karanidu tinmalang, dapat taynguna tinipun maan kamu Manug-alaga, imaw ti manuggiya niyu manga karadwa.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

1 Huwan 1:9

Nu pag-akuun nita kanta manga kasalanan sa atubangan Diyus, patawadun niya kita sa tanan pag kadautan, dahil ti Diyus matadlung ag masarigan.

1 Huwan 2:12

Kamu duy pag manga anak, aku inda magsurat tabug sa kanyu dahil pinatawad yi kanyu manga kasalanan dahil sa kay ngaran ni Kiristu.

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.

1 Huwan 5:19

Magkaalaman nita kita nianak Diyus, dapat ti bilug kalibutan sakup di kapangyarihan ni Satanas.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.

Ipinakakit 21:27

Dapat unman may makasulud ati una hintay pag manga bagay mayagting sa kay magbantay Diyus, una hintay tigbuwat kahalayan, una ti manga magpudil unman gid sumulud. Tunda lang pag manga tawu ti makasulud ati ti nakasurat kanda manga ngaran sa ribru kabuhian. Anak Karanidu kay apu tunda pag ribru.