Binwat 26:13 - Hanunuu

¹³ Pagka karaw-an yi sirang kami sa dalan waya, Hari Agripa, may nakitan aku masyadu gid pag marayaw ginan sa langit, balaw di ga init kay pagkasilaw. Narayawan duy aku hanggan kang manga kaibahan.

Binwat 26:13 Iomraidhean Croise

Isayas 24:23

Mandulum ti init ag ti bulan dahil humari ti Panginuun Makamaskihan sa Bantud Siun, sa Hirusalim. Ag ati pag miburayhaw kay kadayawan sa atubangan manga takinan niya manga nasakupan.

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Matiyu 17:2

Pagka sida siyun nakitan nida nagtuhay gid kay histuda ni Hisus. Kay uyahun nagsinglaw ga init, kay manga rutay ga magsiriak-siak yi sa kay kalagti.

Binwat 22:6

Magkun si Pablu, “Kang sa dalan di waya aranirani yi sa Damasku, tag kumaraw-an sirang katpung, bigla may rinmayaw sa kangku ginan sa langit masilaw masyadu.

Binwat 22:9

Nakitan diman niku manga kaibahan ti rayaw dapat unman nadnugan nida kay bagaw sa kangku.

Binwat 26:12

“Nakan ngani sinugu aku manga pangulu manughandug sa Balay Diyus tabug sa Damasku may karampatan hampay unu-unuhun niku ti manga napasakup sa kan Hisus.

Binwat 26:14

Nag-irisubsub kami tanan sa daga bag-u nakadnug aku may magbagaw sa kangku sa bagaw Hibriyu magkun, ‘Saulu, Saulu, hayga aku kanmu pag-unuunuhun? Masaktan kawu nu kawu maglaban ga baka magtindas sa matarum.’

Binwat 9:3

Nighit yi ngani si Saulu atag sa Damasku. Pagka udyi arayu ti banwa Damasku, bigla may nagrayaw ginan sa langit sa kay libut ni Saulu.

Ipinakakit 1:16

Sa kay sikun may bitbit siya pitu ka pamgasan. Magluwang sa kay bibig ti usa ka baladaw matarum baliw-baliw may urup. Masilaw kay uyahun ga singgit init sa karaw-an sirang kay kasilaw.

Ipinakakit 21:23

Udyi may kailangan init una bulan hampay rayawan ti banwa dahil ti kadayawan Diyus tigparayaw ati, ti Anak Karanidu ti sulu.