Binwat 23:9 - Hanunuu

⁹ Nakan nanriringgitan yi gid sida. Pagka dugay may tinmindug manga manugtudlu Kasuguan, manga Parisiyu waydi. Mahigpit sida nangatadlungan magkun, “Unman gid may nakitan kami kasalanan sa inda pag tawu. Barang ungud may nagbagaw sa kanya una anghil una ispiritu.”

Binwat 23:9 Iomraidhean Croise

Kabagawan 16:7

Nu pagbayaun Panginuun kanta ugali, una manga kalaban buwatun niya kaibahan nita.

Hirimyas 26:16

Magkun ti manga may kangaranan hanggan ti manga tawu sa manga manughandug ag manga purupita, “Balaw kailangan sintinsiyahan sa kamatayan inda pag tawu dahil nagbagaw siya sa kanta sa ngaran Panginuun nita Diyus.”

Markus 2:16

May manga Parisiyu ati, manga Manugtudlu ngani Kasuguan. Pagka nakitan nida si Hisus magkaun kay kasaru manga makasalanan hanggan manga manunukut buhis, sinabi nida sa kay manga tuludluan magkun, “Magkaun mag-inum aw siya kay kasaru manga manunukut buhis ag manga makasalanan?”

Lukas 23:22

Katlu ginan namaingana si Pilatu sa kanda, “Hayga duy hintay pag kadautan ti binwat inda pag tawu? Unman aku may nakitan kasalanan sa kanya sa ikamatay niya. Ipagaruti niku siya bag-u kang palpasan.”

Lukas 23:4

Sinabi ni Pilatu sa manga pangulu manughandug hanggan sa kayamuan tawu siyun magkun, “Unman may nakitan aku kasalanan sa inda pag tawu.”

Lukas 5:30

Ti manga Parisiyu hanggan manga manugtudlu Kasuguan nagsungyaw sa kay manga tuludluan ni Hisus magkun, “Hayga duy kamu magkaun mag-inum minsan sa manga manunukut buhis hanggan sa manga makasalanan?”

Huwan 12:29

Nadnugan kayamuan tawu may nagbagaw. Sinabi manga iba magkun, “Maglinti maaw.” Magkun ti manga iba, “Anghil ti naghampang sa kanya.”

Binwat 11:17

Ipinakaun yi ngani Diyus sa kanda ti Ispiritu Banal parihu ga kay diman ipinakaun sa kanta sa kanta nagsarig sa Panginuun Hisu-Kiristu. Kabitay aku? May karampatan aw lugud aku makaampara sa Diyus?”

Binwat 22:6

Magkun si Pablu, “Kang sa dalan di waya aranirani yi sa Damasku, tag kumaraw-an sirang katpung, bigla may rinmayaw sa kangku ginan sa langit masilaw masyadu.

Binwat 22:7

Nisubsub aku sa daga bag-u nakadnug aku may nagbagaw sa kangku magkun, ‘Saulu, Saulu, hayga pag-unuunuhun nimu aku?’

Binwat 23:29

Ati pag naalaman niku kanda dimanda laban sa kanya tungkul sa manga kakurian sa kanda Kasuguan. Dapat unman may idinimanda sida laban sa kanya kang-ud sa ikamatay una ikapirisu niya.

Binwat 23:8

Dahil magkun ti manga Sadusiyu unman magkabuhi maan ti manga namatay, unman kunu may manga anghil, unman diman may manga ispiritu. Ti manga Parisiyu bay magpatutuu di sa pagkabuhi uman manga namatay hanggan sa manga anghil hanggan sa manga ispiritu.

Binwat 25:25

Dapat ay pagka inusisa niku kay kasu, unman aku may nakitan kasalanan sa kanya hampay siya sintinsiyahan sa kamatayan. Pagka sinabi niya kay gustu ipahusay niya kay kasu sa Pangulu Hari, inisip niku siya ipadara yi ngani tabug sa Pangulu Hari.

Binwat 26:31

Pagka sida linmuwas yi sa balay hurusayan, nagharampangan sida magkun, “Unman may binwat kasalanan tunda pag tawu una sa ikamatay niya una paman sa ikapirisu.”

Binwat 27:23

Dahil kis-ab yabi may napakakit sa kangku usa ka anghil Diyus. Sa tunda pag Diyus aku pag napasakup hanggan magsamba.

Binwat 5:39

Nu bay inda ginan sa Diyus, dayi ngap niyu maampara, barang ngap kamu laban yi sa Diyus.” Nagpasnu ti manga Pinunu sa kan Gamalyil sinabi.

Binwat 9:4

Nisubsub siya sa daga bag-u nakadnug siya may magbagaw sa kanya magkun, “Saulu, Saulu, hayga pag-unuunuhun nimu aku?”

1 Kurintu 10:22

Gustu aw lugud nita masubukan kay irang Panginuun, kita aw lugud lalu mabisug man sa kanya?

1 Samwil 12:5

Bag-u sinabi ni Samwil sa kanda magkun, “Ti Panginuun maghiling di hanggan kay pinili pag hari, alam diman niya taynguna pag sirang balaw kamu may nakitan daut sa kangku.” Sinmagut ti manga tawu, “Maghiling di ti Panginuun.”

1 Samwil 24:17

Magkun waya siya, “Mas matadlung kawu kaysa kangku. Daut kang magbantay sa kanmu dapat mayad kanmu pag-ibalus sa kangku.