Binwat 23:1 - Hanunuu

¹ Nagturun si Pablu sa buu Katipunan manga Pinunu bag-u kay sinabi magkun, “Manga kaparihu niku Hudiyu, kaybi ginan hanggan taynguna tugka nag-ugali aku sa malumpiyu kang tagipusuun hanggan naisipan sa atubangan Diyus.”

Binwat 23:1 Iomraidhean Croise

Kabagawan 28:1

Ti daut pag tawu magpalagiw una unman may maglagas sa kanya, dapat ti matadlung pag tawu maisug parihu sa liyun.

Matiyu 5:22

Dapat kang pagsabihun sa kanyu, ti kada magkutub daut sa kay patar-ari, parusahan diman. Una si unu ti magpuya sa kay patar-ari, daka kay saragtun sa atubangan Katipunan manga Pinunu. Una si unu ti magsabi sa kay patar-ari, ‘Buang kawu’ iyamut gid siya sa impirnu.

Binwat 22:1

Magkun si Pablu, “Kamu duy pag manga katubu niku hanggan manga gurangun, pagpatingi sa kang paliwanag hampay maalaman niyu aku unman may kasalanan.”

Binwat 22:30

Gustu gid maalaman kumandir nu hintay ti pag-idimanda manga Hudiyu laban sa kan Pablu. Nakan pagka sa usa ka sirang pinatipun niya ti manga pangulu manughandug hanggan ti tanan manga Pinunu bag-u linbadan niya si Pablu kay pusas, ipinadugsun siya bag-u ipinaatubang sa Katipunan manga Pinunu.

Binwat 22:5

Una ti pangulu manughandug Balay Diyus una ti tanan manga paggurangunun sa nasyun makapatutuu diman sa kang pagsabihun kainda. Pinakan-an waya nida aku manga surat hampay kang darahun atag sa kanta manga kaparihu Hudiyu sa Damasku. Linmakaw ngani aku atabug sa Damasku hampay dakpun niku tunda ngani pag manga tawu magsunud sa bag-u ugali, bag-u kang mana darahun sida may pusas kay kamang sitay tag sa Hirusalim agud parusahan.”

Binwat 23:15

Nakan duy kamu hanggan ti Katipunan pagpaabisu sa kumandir pagkun kailangan daran-un niya si Pablu sitay tag, hampay paingan-un waya gid niyu siya tungkul sa kay binwat. Alistu kami pumuut sa dalan hampay matyun siya.”

Binwat 23:20

Sinmagut ti kan-akan magkun, “Nagkarasunduan ti manga Hudiyu hampay sabihan nida kawu nu mahimu ipadara si Pablu aldaw surip agud ipaatubang sa Katipunan. Kay singyanan hampay paingan-un waya gid siya tungkul sa kay binwat.

Binwat 23:28

Gustu niku maalaman nu hintay kanda dimanda laban sa kanya, nakan ipinadara niku siya tag sa Katipunan nida.

Binwat 23:6

Alam ni Pablu ati sa Katipunan ti iba manga Sadusiyu ag ti iba Parisiyu, nakan iinalsa niya kay magbagaw sa Katipunan magkun, “Manga kaparihu niku Hudiyu, aku Parisiyu, kang manga gurang Parisiyu diman waydi. Taynguna aku idinimanda dahil sa kang mag-asa mabuhi maan ti manga namatay.”

Binwat 24:16

Nakan pirmi aku mag-ugali sa mayad hampay malumpiyu kang tagipusuun hanggan kang naisipan sa atubangan Diyus una sa atubangan tawu.

Binwat 6:15

Tinurun gid si Istiban tanan manga Pinunu matukawan siyun. Nakitan gid nida kay uyahun bilang parihu ga uyahun anghil.

1 Kurintu 4:4

Unman aku may magkaisipan daut sa kang sadili bilug. Dapat unman pagsarigan niku inda hampay aku tanggapun Panginuun. Dahil ti Panginuun di tigpihu sa kangku nu mayad nu daut.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

2 Kurintu 4:2

Dinayu nimi ti makakaray-a ag lihim pag manga buruwatun. Balaw kami magdaya, unman mag-uman kami Bagaw Diyus. Bagkus ngap ipinaburayhaw nimi ti katutuuhanan, nakan alistu kami pausisa una sa kantapu nu may pagkutubun sa atubangan Diyus.

2 Timutiyu 1:3

Magpasalamat aku sa Diyus imaw kang pagsirbihan lubus parihu sa binwat niku manga ginurang. Magpasalamat ungud aku sa Diyus sa kada magkaisipan niku kawu sa kang magdarangin sirang yabi.

Hibriyu 13:18

Daranginan niyu kami, dahil tutuu kami unman may pag-isipun daut sa kanmi tagipusuun una sa kanmi naisipan. Gustu lang nimi pagmarinu kanmi ugali sa tanan nimi buruwatun.

1 Pidru 3:16

Dapat pagmaalumanay kamu paggalang nu kamu magpaliwanag. Pag-ugali kamu sa malumpiyu kanyu tagipusuun hanggan naisipan hampay mangay-a ti manga magmuransa sa kanyu hanggan ti manga mag-away sa kanyu mayad ugali, dahil ngani kamu kay suruguun ni Kiristu.