Binwat 21:9 - Hanunuu

⁹ Kan Pilipi manga anak upat ka daraga lunsay manga magpurupita.

Binwat 21:9 Iomraidhean Croise

2 Hari 22:14

Nakan nag-atag sida ni Hilkiyas pag manughandug, si Ahikam, si Akbur, si Sapan, ag si Asaya sa usa ka purupita babayi sa kan Hulda hampay mamaingana. Inda si Hulda mag-uli sa bag-u pag bahagi Hirusalim ag asawa siya ni Salum kay anak ni Tikba kay laki ni Harhas. Si Salum imaw ti mag-asikasu sa manga rutay sa Balay Diyus.

Nihimyas 6:14

Nakan nandarangin aku, “Diyus niku, danga nimu pagkalimti kuntay parusahan si Tubyas hanggan si Sanbalat sa kanda pagbuwatun daut, hanggan ti purupita babayi si Nuwadyas ag ti iba waya pag manga purupita maghingbut kuntay padalaun aku.”

Pag-ighit 15:20

Si Miryam usa ka purupita kay patar-ari ni Aarun, nam-ul pamakaransing ag pinangunahan niya ti manga babayi magpatunug pamakaransing hanggan magsayaw.

Isikil 13:17

“Taynguna, kawu anak tawu, pagtultul diman kawu laban sa manga babayi maghula ginan sa kanda sadili lang.

Huwil 2:28

“Bag-u ipakaun niku kang Ispiritu sa tanan tawu. Kanyu manga anak lalaki hanggan babayi manpadakit kang manga bagaw. Kanyu manga gurangun lalaki managin-up, ag kanyu manga kan-akan makakit manga pangakakitun.

Lukas 2:36

Siyun diman ti usa ka purupita si Ana, kay anak babayi ni Panwil, kay lahi ni Asir. Siya masyadu yi gid gurangun. Pitu lang ka timpu kanda nag-amut mag-asawa namatay yi kay lalaki.

Binwat 13:1

Sa iglisya sa Antiyukya may manga purupita hanggan manga manugtudlu Bagaw Diyus. Sida ngani ni Birnabi, ni Simyun kay palayaw si Nigir, si Lusyu taga Sirini, si Manain patar-ari sa tabid ni Gubirnadur Hirudis hanggan si Saulu.

Binwat 2:17

‘Magkun ti Diyus, “Inda aban kang buwatun sa katapusan panahun. Ibuhus niku kang Ispiritu sa tanan tawu. Bag-u pumurupita kanyu manga anak una lalaki una babayi. Bukasan niku ti naisipan niyu manga kan-akan bag-u aku may ipakakit sa kanda. Ag kanyu manga gurangun lalaki tumagin-up.

1 Kurintu 7:38

Nu sa ungud mayad diman nu mag-asawa sa kay aguman dapat mas lalu mayad ti magpigil sa sadili kagustuhan ag magpalalbadan.

Ipinakakit 2:20

Dapat aku may pagsabihun inda laban sa kanmu: kanmu lang pinabay-anan si Hisibil, tunda ngani pag babayi tigpabalhinguun kuntay siya purupita Diyus dapat maaw unman. Magpatalang ngap siya sa kang manga panawuhun, siya ti suluhan sa panguragin, siya diman waydi ti magtaban hampay mangaun sa ihinandug sa manga diyus-diyusan.

Talaghusay 4:4

Sa ati pag panahun, si Dibura ti takinan Israil. Usa siya ka purupita Diyus ag asawa ni Lapidut.