Binwat 21:5 - Hanunuu

⁵ Pagka lawuy pitu ka yabi, nighit maan kami siyun ginan naparargu di kanmi lakaw. Itinibu kami nida tanan, hanggan kanda manga asawa manga anak, tabug sa luwas banwa. Pagka sa baybay yi, linmuhud kami tanan nandarangin.

Binwat 21:5 Iomraidhean Croise

1 Hari 8:54

Pagka natapus ni Sulumun kay darangin hanggan kay manga paghagadun sa Panginuun, tinmindug siya sa atubangan harandugan Panginuun, nu naan pag maluhudan siya ag maabwatan kay kamang sa langit.

2 Krunika 20:13

Habang matindugan ati sa atubangan Panginuun ti tanan lalaki taga Huda, kaibahan kanda manga asawa kag anak, hanggan kanda manga lapsag,

Nihimyas 12:43

Pagka sa tunda pag sirang, nagpakaun sida mayamu gid pag manga handug ag nagbaya, dahil pinasulung gid sida Diyus. Hanggan ti manga babayi ag manga anak masulung diman. Nakan ti iringayan nida kabayaan mag-adnugan una sa arayu.

Kanta 95:6

Abala kamu, manluhud kita mansamba sa Panginuun ti naglalang sa kanta.

Matiyu 14:21

Manga lima ka libu ka lalaki ti nagkaun tuhay waya ti manga babayi manga anak.

Markus 1:40

Nagpakarani sa kan Hisus ti usa ka tawu may dilikadu pag sakit sa lukub, linmuhud sa kay atubangan bag-u nagpakihampang sa kanya magkun, “Duy nu gustu nimu, mapaayad nimu aku sa kang dilikadu pag sakit sa lukub hampay malumpiyu yi aku.”

Lukas 22:41

Nagpablag siya sa kanda ga bintukan lang batu kay karayu. Pagka ati siya nagluhud nagdarangin,

Binwat 15:3

Nakan sinugu ngani sida iglisya. Sa kanda maglakaw sa daga Pinisya hanggan sa Samarya itinultul nida nu kabitay ti manga balaw Hudiyu nagsarig yi waydi sa Diyus. Pagka nadnugan manga patar-ari inda pag manga barita, nakabaya gid ungud sida tanan.

Binwat 17:10

Ati katpung pag yabi pinaighit manga patar-ari sida ni Pablu ni Silas ginan sa Tisalunika atag sa banwa Biriya. Pagka sida rinmas-ug sa Biriya, sinmaka sida sa simbahan manga Hudiyu.

Binwat 20:36

Pagka nakatapus kan Pablu manga sinabi linmuhud siya, nandarangin siya hanggan sida tanan.

Binwat 20:38

Lalu gid ungud sida rinmuku dahil sa kay sinabi magkun, udyi makitan nida siya aban. Bag-u kanda itinibu siya tag sa bangka.

Binwat 9:40

Ipinalwas dapu ni Pidru sida tanan bag-u siya linmuhud nandarangin. Bag-u nag-atubang siya sa bangkay kay sinabi magkun, “Tabita, pagbangun yi duy kawu.” Minmuklat yi ngani kan Tabita manga mata. Pagka nakitan niya si Pidru, siya tinmukaw.

Huswi 24:15

Dapat nu dayu kamu manirbi sa Panginuun, mamili kamu taynguna pag sirang nu si unu kanyu sirbihan. Manirbi aw lugud kamu sa manga diyus pag sirbihan niyu manga ginurang sa baliw dipay Sapa Iyupratis, ngatay sa manga diyus manga Amuriyu kanda daga taynguna kanyu pag-ulian. Dapat aku inda hanggan kang magtal-anakan mansirbi sa Panginuun.”

Huswi 8:35

Inusa-usa binasa ni Huswi ti manga sugu ni Muysis sa atubangan tanan kadamlan Israil, kaibahan diman ti manga babayi, ti anak hanggan ti manga day-uhan mag-uli kaibahan nida.