Binwat 21:3 - Hanunuu

³ Pagka dugay nagpakarani kami sa Sipru pag puru sa karaw-an dagat, kanmi linawyan, nakitan nimi baliwa sa wala. Nagparargu kanmi lakaw hanggan tugka sa daga Sirya. Pagka rinmas-ug sa banwa Tiru, dinmugsun kami ginan sa bangka, dahil ipadugsun waya nida kanda pangarga ati sa Tiru.

Binwat 21:3 Iomraidhean Croise

2 Samwil 8:6

Nagpatindug rargu si Dabid manga kampu sa Damasku, ti rugar manga Aramiyu. Ag sakup yi niya sida, nagbayad sida buhis sa kanya. Pinanalu Panginuun si Dabid sa kada labanan niya pag-atagan.

Kanta 45:12

Ti manga mag-uli sa Tiru hanggan ti manga pinakamayaman sa kanda mandara manga pamakaun sa kanmu hampay mayad kawu sa kanda.

Kanta 87:4

Magkun siya, “Nu ilista ti manga nasyun magkilala sa kangku, iminsan niku ti Ihiptu ag ti Babilunya, hanggan diman ti Pilistiya, ti Tiru, ag ti Itiyupya. Iminsan niku kanda manga nasakupan kuntay tinubu sa Siun.”

Isayas 7:2

Pagka nabaritaan hari Huda kuntay magkarampihan ti Aram ag ti Israil, tinakigan siya sa dala hanggan kay manga nasakupan. Tinakigan sida ga puun kayu paghaluun durus.

Matiyu 11:21

Sinabi ni Hisus, “Kaawaawa kawu pag banwa Kurasin, kaawaawa kawu hanggan pag banwa Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay saku, nagtukaw sa dapug ti manga taga ati, hampay ipakilala nida kanda nag-ampu yi sa kanda kasalanan.

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Lukas 10:13

Sinabi ni Hisus magkun, “Kaawaawa kamu pag manga taga Kurasin, kaawaawa kamu hanggan pag manga taga Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay rutay daan, nagtukaw sa dapug ti manga taga ati hampay ipakilala kanda nag-ampu nagpatawad yi sa kanda kasalanan.

Lukas 2:2

(Inda ti kabag-u pag sinsu natupad katpung gubirnadur sa daga Sirya si Kirinyu.)

Binwat 11:19

Ginan sa minatay si Istiban nag-umpisa ti pag-unuunu, nakan nangalat-kalat yi ti manga nagsarig sa kan Hisus. Ti iba nakaaput sa daga Pinisya, sa Sipru pag puru sa karaw-an dagat hanggan sa banwa Antiyukya. Una naan kanda lakaw itinudlu nida ti Barita tungkul sa kan Hisus sa manga Hudiyu lang.

Binwat 12:20

Pusuk gid kay isug ni Hari Hirudis sa manga taga Tiru hanggan taga Sidun. Nakan nagkaban sida nag-ati sa hari. Nagpakihampang dapu sida sa kan Balastu, imaw tig-asikasu sa tanan kasiyunan ni Hirudis. Bag-u nagpakarani sida sa kan Hirudis nagsuyu sa kanya hampay danga yi sida kagalitan niya dahil ti karabuhian sa kanda banwa ginan sa banwa hari.

Binwat 13:4

Nakan ngani pagka sinugu sida ni Birnabi ni Saulu sa panab-anan Ispiritu Banal, nag-ati sida sa banwa Silusya, bag-u nagsakay sida nagdipay atag sa Sipru pag puru sa karaw-an dagat.

Binwat 15:23

Ipinadara nida kanda surat sa kanda ni Silas tabug sa Antiyukya. Kaindaay kanda surat: “Kami duy, ti manga apustul hanggan ti manga manug-asiwa iglisya magkamusta sa kanyu sa manga patar-ari balaw Hudiyu sa banwa Antiyukya, sa daga Sirya hanggan sa daga Silisya.

Binwat 15:39

Nagtalaluhan gid sida ni Pablu ni Birnabi. Pagka unman gid sida nagparasnuan, nagbululagan yi sida. Tinaban ni Birnabi si Markus. Sida nagsakay nagdipay atag sa Sipru pag puru sa karaw-an dagat.

Binwat 15:41

Bag-u linmakaw si Pablu kaibahan niya si Silas, namalibutan sida sa daga Sirya hanggan daga Silisya, pinarig-un niya ti manga iglisya.

Binwat 18:18

Nadugay waya si Pablu sa manga patar-ari sa Kurintu. Bag-u siya namaalam sa kanda. Pagka siya rinmas-ug sa Sinkiriya napauguy yi kay buhuk, dahil nakatupad yi sa kay taratu. Bag-u sinmakay siya nagdipay atag sa Sirya pag daga, kay kaibahan sida ni Pirisila ni Akila pag mag-asawa.

Binwat 21:16

May kinmuyug sa kanmi manga patar-ari taga Sisariya. Dinara nida kami sa balay ni Manasun taga Sipru. Siyun kami pag dinmayun. Dugay yi pag timpu daan di si Manasun nagsarig sa kan Hisus.

Binwat 21:2

Pagka kami sa Patara, may nakitan kami bangka atabug sa daga Pinisya, nakan sinmakay kami ginan sa Patara.

Binwat 21:7

Ginminan ngani kami sa Tiru bag-u pagka dugay inmaput kami sa banwa Tulimaida. Nansabang kami sa manga patar-ari, nigya usa ka yabi.

Binwat 27:4

Nighit maan kami ginan sa Sidun. Pagsarungsungun kami durus nakan ipinalakaw nida ti bangka arani sa Sipru pag puru hampay magpakubli.

Binwat 4:36

Katunda diman waydi hanggan kay binwat ni Husi, usa ka Libita taga Sipru. Binansagan siya manga apustul Birnabi, kay ibug sabihun Manugparig-un.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.