Binwat 21:11 - Hanunuu

¹¹ Pagka nag-ati siya sa kanmi, bin-ul niya kan Pablu huragkus bag-u ginapus niya kay sadili lulud hanggan kamang bag-u kay sinabi magkun, “Inda kay pagsabihun Ispiritu Banal magkun, ‘Kainda waydi gapusun aban manga Hudiyu sa Hirusalim ti may apu inda pag huragkus bag-u kanda ipabahala siya sa manga balaw Hudiyu.’ ”

Binwat 21:11 Iomraidhean Croise

1 Hari 22:11

Si Sidikyas usa sa manga purupita kay anak ni Kanaana nagbuwat manga sungay baul. Magkun siya, “Inda ti pagsabihun Panginuun sa kan Hari Akab: ‘Sa panab-anan manga sungay inda, rurisun nimu ti manga Aramiyu tugka sa matabu sida.’ ”

Isayas 20:2

Bag-u inda nangyari, magkun ti Panginuun sa kan Isayas kay anak ni Amus, “Ubaha nimu kanmu rutay panruku hanggan lapak.” Binwat ngani inda ni Isayas, bag-u palakaw-lakaw siya uba ag unman may lapak.

Hirimyas 19:1

Magkun ti Panginuun sa kangku, “Pagbili kawu tapayan sa manugpanday anglit. Bag-u ibahun nimu ti manga paggurangunun banwa hanggan ti paggurangunun manga manughandug,

Husyas 12:10

“Naghampang aku sa manga purupita ag pinakan-an niku sida mayamu pag manga pangakakitun. Sa panab-anan nida, pinasandaman niku kamu midamhak.

Huwan 18:1

Pagka nakadarangin si Hisus katida, linmakaw yi siya hanggan kay manga tuludluan, nagdipay sida sa laad Kidrun. Sa ati pag rugar may halamanan. Sinmulud si Hisus hanggan kay manga tuludluan sa tunda pag halamanan.

Binwat 13:2

Sa kanda magpauray sa samba nida sa Panginuun, sinabi Ispiritu Banal sa kanda magkun, “Ipablag niyu sida ni Birnabi ni Saulu dahil sida kang pinili hampay tumupad sida sa kang buruwatun kang ihinanda para sa kanda.”

Binwat 16:6

Sinarak nida ni Pablu ti daga Pirigya hanggan ti daga Galasya, dahil unman pinahintulutan sida Ispiritu Banal manudlu sa daga Asya.

Binwat 20:23

Inda lang kang magkaalaman, sa kada banwa may ipinasandam gid ti Ispiritu Banal sa kangku kang patabgan ati sa pirisuhan hanggan mahigpit pag kakurian.

Binwat 21:33

Nagpakarani ti kumandir bag-u kay dinakup si Pablu, kay ipinagapus duwa ka tarikada. Nagpaingana ti kumandir magkun, “Si unu inda pag tawu, hintay lugud kay binwat?”

Binwat 21:4

Ati sa banwa Tiru hinanap nimi ti manga patar-ari. Pagka nakitan nimi sida, dinmayun kami sa kanda pitu ka yabi. Inudyukan sida Ispiritu Banal, bag-u kanda sinabi sa kan Pablu magkun, “Danga kawu mag-atag sa Hirusalim.”

Binwat 22:25

Dapat pagka nagapus yi nida si Pablu ihinigut tag tungud, sinabi niya sa kapitan matindugan siyun magkun, “Angay aw lugud sa batas nu hampakun niyu ti usa ka tawu nu nasakupan siya Ruma ag udwaya paman nasintinsiyahan husgadu?”

Binwat 24:27

Pagka nakalawuy duwa ka timpu, si Pilik inublusan maan ni Pursiyu Pistu. Kay gustu ni Pilik siya di ti bayaun manga Hudiyu, nakan pinabay-anan niya si Pablu sa pirisuhan.

Binwat 26:29

Sinmagut si Pablu magkun, “Kawu hanggan ti tanan nakadnug sa kang binagaw taynguna kang gid pag-idarangin sa Diyus hampay una dugay una ngalay kamu pagga kangku waydi, purya lang inda pag manga tarikada.”

Binwat 28:17

Pagka nakalawuy tulu ka sirang, pinab-ul ni Pablu ti manga takinan manga Hudiyu sa Ruma hampay sida manharampangan. Pagka nagtipun yi sida, sinabi niya sa kanda magkun, “Manga kaparihu niku Hudiyu, madi unman gid aku may binwat kasalanan laban sa kanta nasyun hanggan laban sa patayak ugali nita manga ginurang, pinirisu aku sa Hirusalim bag-u kanda ipinabahala aku sa manga taga Ruma.

Binwat 28:20

Nakan hinigtan inda aku tarikada dahil sa kanya, sa pag-asahan nasyun Israil. Nakan ngani kang gustu magkarahampang kita.”

Binwat 28:25

Nakan unman magkabuu kanda naisipan. Pagka sida magkaginan yi, inda wadi kan Pablu sinabi sa kanda magkun, “Tama gid duy kay ipinabagaw Ispiritu Banal sa kan Purupita Isayas tag sa kanyu manga ginurang, magkun,

Binwat 8:29

Bag-u sinabi Ispiritu sa kan Pilipi, “Pagpakarani pagkuyug kawu sa tunda pag kalisa.”

Binwat 9:16

Ipaalam diman waydi niku sa kanya ti tanan niya kailangan tiisun sa kay magpakilala sa kangku sa manga tawu.”

Ipisu 3:1

Nakan magdarangin ngani aku sa kanyu, aku si Pablu ti napirisu dahil sa kan Kiristu Hisus tungkul sa kanyu sa manga balaw Hudiyu.

Ipisu 4:1

Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Ipisu 6:20

Sinugu aku Diyus hampay manudlu sa inda pag Mayad pag Barita una aku sa pirisuhan taynguna. Nakan ngani daranginan yi gid niyu aku hampay ilubus niku kang katutuman sa kang magpanudlu unman may subra unman diman may kurang.

1 Timutiyu 4:1

Malinaw ti pagsabihun Ispiritu magkun, sa uryan panahun tayakan manga iba kanda pagsarig. Sundun ngap nida ti manga manugpatalang ag ti manga tudlu ginan sa manga labang.

2 Timutiyu 2:9

Dahil sa kang magtudlu Mayad pag Barita nakan aku mag-agwanta sa kakurian hanggan sa pirisuhan parihu sa may kasalanan. Dapat balaw magkagapus ti Bagaw Diyus.

Hibriyu 10:34

Napadamay kamu sa manga napirisu, balaw diman waydi kamu nagruku una binul-an kamu kasiyunan, dahil alam ngani niyu lalu waya higit mahalaga ag udyi madura ti kayamanan ihinanda para sa kanyu.

Hibriyu 3:7

Parihu ngani sa sinabi Ispiritu Banal magkun, “Taynguna nu madnugan niyu kay magbagaw,

1 Pidru 1:12

Pagka ipinaalam manga purupita inda pag manga katutuuhanan itinudlu waydi Diyus sa kanda, kuntay kanda pagbagawun balaw may pakinabang sa kanda nu unman sa kanyu ngap. Inda pag manga katutuuhanan nadnugan yi niyu ginan sa manugpadakit Mayad pag Barita Diyus. Pagka sinugu Diyus ti Ispiritu Banal ginan sa langit tabug sa manga manugbarita, nanudlu sida sa kanyu angay sa udyuk Ispiritu Banal. Una ti manga anghil sa langit daka mana kanda gustu masalman nida inda pag manga katutuuhanan.