Binwat 20:4 - Hanunuu

⁴ Kinmuyug diman sa kan Pablu kan Piru anak si Supatir taga Biriya, sida ni Aristarku ni Sigundu taga Tisalunika, si Gayu taga Dirbi, si Timutiyu, hanggan sida ni Titiku ni Turupimu taga Asya.

Binwat 20:4 Iomraidhean Croise

Binwat 14:20

Dapat pagka nagtirindug sa kay palibut ti manga magsarig sa kan Hisus, tinmindug si Pablu bag-u nagbalik maan tag sa banwa. Pagka surip nag-ati sida ni Pablu ni Birnabi sa banwa Dirbi.

Binwat 14:6

Dapat ay pagka naalaman manga apustul sida paggayakun yi, nagpalagiw sida ginan sa Ikunyu, nag-ati sa banwa Listara hanggan banwa Dirbi, sakup sa Likaunya pag daga. Nag-ati diman sida sa manga rugar sa palibut.

Binwat 16:1

Nag-ati diman si Pablu sa banwa Dirbi hanggan sa banwa Listara. May usa ka tawu ati magsarig diman sa kan Hisus, kay ngaran si Timutiyu. Kay ina ni Timutiyu Hudiyu, napasakup diman sa kan Hisus. Kay ama Giriyigu.

Binwat 16:6

Sinarak nida ni Pablu ti daga Pirigya hanggan ti daga Galasya, dahil unman pinahintulutan sida Ispiritu Banal manudlu sa daga Asya.

Binwat 17:1

Pagka nakasarak sida ni Pablu sa banwa Ampipulis ag sa banwa Apulunya, rinmas-ug sida sa banwa Tisalunika. May simbahan ti manga Hudiyu sa Tisalunika.

Binwat 17:13

Dapat ay pagka nabaritaan manga Hudiyu sa Tisalunika kuntay itinudlu diman ni Pablu sa Biriya ti Bagaw Diyus, nag-ati sida inudyukan nida ti manga tawu banwa hampay magbuwat kaguluhan.

Binwat 19:29

Nakan pagka dugay pasay yi kaguluhan ti banwa. Dinakup manga tawu sida ni Gayu ni Aristarku, kan Pablu manga kaibahan taga Masidunya. Bag-u mirinsanan nandaray-u ti kayamuan tawu atag sa lig-ung tiripnan paranuudan.

Binwat 2:9

Kita manga taga Partiya, manga taga Midya, manga taga Ilam, manga mag-uli sa Misuputamya, sa Hudiya, sa Kapadusya, sa Puntu ag sa Asya,

Binwat 20:16

Dahil inisip ni Pablu udyi siya humapit sa banwa Ipisu hampay balaw yi mana siya dumugay sa Asya pag daga. Nagdali yi ngani siya hampay mana nu sa sirang Pintikustis pagsa Hirusalim yi siya.

Binwat 20:18

Pagka sida rinmas-ug, sinabi ni Pablu sa kanda magkun, “Alam yi waydi niyu duy, nu kabitay kang ugali buhi kang di waya sa kanyu, ginan waya sa sirang kang kabag-u rinmas-ug sa purubinsiya Asya.

Binwat 21:29

Nakan katida kanda sinabi, dahil nakitan nida si Pablu sa banwa kay kaibahan si Turupimu taga Ipisu. Kanda hantup dinara ni Pablu si Turupimu tag sa sulud Balay Diyus.

Binwat 27:2

Sinmakay kami sa usa ka bangka taga Adramityu atabug sa manga banwa sa baybay dagat sa purubinsiya Asya. Pagka kami nakasakay, nighit yi kami kaibahan diman nimi si Aristarku taga Tisalunika sakup daga Masidunya.

Ruma 16:21

Kang kaawat sa buruwatun si Timutiyu magpaingana nu kabitay kamu asan hanggan kang manga kaparihu Hudiyu sida ni Lusyu, ni Hasun, ni Susipatru magpaingana waydi.

Ruma 16:23

Hanggan si Gayu magpaingana waydi nu kabitay kamu asan. Kay balay ni Gayu kang pagdayunan. Sa inda diman pag balay pag magtiripun ti buu iglisya. Magpaingana waydi sa kanyu si Irastu ti kasuriru banwa. Hanggan kanta patar-ari si Kuwartu magpaingana waydi sa kanyu nu kabitay kamu asan. [

2 Kurintu 1:1

Inda ti may surat si Pablu kay pinili Diyus hampay kay apustul ni Kiristu Hisus, hanggan kanta patar-ari si Timutiyu. Inda pag surat tabug sa iglisya sa Kurintu hanggan sa manga banal mag-uli sa buu daga Akaya.

2 Kurintu 1:19

Ti Anak Diyus si Hisu-Kiristu imaw ti itinudlu nimi ni Silbanu ni Timutiyu sa kanyu magkun unman magkatalinduwa si Kiristu, balaw may “hu”, may “unman,” nu “unman” tutuu yi gid “hu”.

Ipisu 6:21

Ti pagmayadun nita pag patar-ari ag ti matinupadun sa kay buruwatun Panginuun, si Tikiku ngani imaw ti bumarita sa kanyu tanan bagay tungkul sa kang kahamtangan hanggan kang manga buwat.

Pilipus 2:19

May pag-asa aku sa Panginuun Hisus hampay udyi dugay masugu niku si Timutiyu asan tag sa kanyu hampay aku balaw yi maruku sa kang naisipan nu mabaritaan niku kanyu kahamtangan asan.

Kulusas 4:10

Pagkamustahun kamu ni Aristarku, parihu diman pinirisu kami. Pagkamustahun diman kamu ni Markus kay pinsan ni Birnabi. May bilin yi aku sa kanyu tungkul sa kan Markus, tanggapa niyu siya kaayad nu rumas-ug siya asan sa kanyu.

Kulusas 4:7

Si Tikiku kanta pagmahalun pag patar-ari ag matinupadun pag suruguun. Parihu diman ga kanmi siya panawuhun waydi sa buruwatun Panginuun. Siya ti bumarita sa kanyu sa tanan magpangyari tungkul sa kangku.

1 Timutiyu 1:1

Inda ti may surat si Pablu, kay apustul ni Kiristu Hisus angay sa kay sugu Diyus imaw ti Manugribri nita, ag ni Kiristu Hisus imaw kanta pag-asahan.

2 Timutiyu 1:2

Inda pag surat tabug sa kanmu, Timutiyu. Kawu kang pagmahalun dahil kawu kang pinagkaanak sa pagsarig sa kan Kiristu. Pagsa kanmu ti papalad, ti pangaawa hanggan ti kahusayan ginan sa kanta Diyus Ama hanggan ginan sa kanta Panginuun Kiristu Hisus.

2 Timutiyu 4:12

Sinugu niku si Tikiku tag sa Ipisu.

2 Timutiyu 4:20

Si Irastu natayak di sa Kurintu, si Turupimu tinayakan niku sa Militu, dahil may sakit siya.

Titu 3:12

Kang ipaasan si Artimas aw ngatay si Tikiku. Nu rumas-ug asan, pilit gid duy lumuwang kawu kadali sa kangku sa banwa Nikupulis. Kang gayak ati dap aku sa Nikupulis hanggan sa udwaya lumawuy ti amihanun.

Pilimun 1:24

Hanggan sida ni Markus, ni Aristarku, ni Dimas, ni Lukas manga kaibahan niku sa buruwatun, magpaingana waydi sa kanmu nu kabitay asan kawu.

3 Huwan 1:1

Inda ti may surat ti manug-asiwa sa iglisya atag sa kanmu duy Gayu. Kawu kang gid pagmahalun dahil sa kanta magpakiusa sa katutuuhanan.