Binwat 2:43 - Hanunuu

⁴³ Pirmi nagbuwat ti manga apustul manga makadululaw pag tanda dahil sa kapangyarihan kanda tinanggap ginan sa Diyus. Nakan lubus naglingut ag magkadala ti tanan tawu.

Binwat 2:43 Iomraidhean Croise

Istir 8:17

Sa kada banwa ngatay purubinsiya naabut kasuguan hari, nagbarayaan gid masyadu ti manga Hudiyu ag nagpista sida. Ag aduk sa ati pag daga ti nagbaliw Hudiyu dahil sa kadalaan nida sa manga Hudiyu.

Hirimyas 33:9

Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Markus 16:17

Ti manga tawu nu magsarig may makitan inda pag manga tanda tungkul sa kamaskihan: sa ngaran niku pag ipalwas nida ti manga labang, ag bumagaw sida sa tuhay-tuhay pag pamagaw.

Lukas 7:16

Nadala gid sida tanan. Dinayaw nida ti Diyus magkun, “Nagsitay sa kanta karaw-an ti mamaski pag purupita. Nagsitay ti Diyus hampay iribri niya kay nasyun.”

Lukas 8:37

Bag-u ti tanan tawu mag-uli sa daga manga Girasinu nagsabi sa kan Hisus, “Danga yi mana kawu sitay sa kanmi.” Dahil kinulbaan sida, daka kanda kadalaan. Nagsakay si Hisus sa duunduun, nuli yi siya.

Huwan 14:12

Ungud duy kang pagsabihun sa kanyu, ti tawu nu magsarig siya sa kangku, buwatun diman niya ti manga makadululaw ga kang diman binwat. Lalu waya paman makadululaw kay buwatun, dahil aku umati yi sa Ama.

Binwat 2:22

Magkun maan si Pidru, “Kamu pag manga kaparihu niku Israilita, pamatingi kamu. Udyi kamu pumahimudil sa kan Hisus taga Nasarit, dahil may nakitan yi waydi kamu puruyba. Binwat yi ni Hisus sa kanyu atubangan ti manga makamaskihan hanggan makadululaw pag tanda dahil sa kay kapangyarihan Diyus. Tunda balaw yi ngap nilihim sa kanyu.

Binwat 4:33

May daka pag kapangyarihan kay tudlu manga apustul tungkul sa kay pagkabuhi uman Panginuun Hisus. Ilinubus Diyus kay papalad sa kanda tanan.

Binwat 5:5

Pagka nakadnug si Ananiyas sa kan Pidru sinabi, naplid lang siya rargu naugtas kay arup. Masyadu yi lang gid nadala ti tanan tawu nakadnug sa nangyari ati.

Binwat 9:34

Bag-u sinabi ni Pidru sa kanya, “Iniyas, pagpaayadun yi kawu kainda ni Hisu-Kiristu. Pagbangun yi kawu, luhuta yi kanmu amak.” Susun tinmindug yi ngani si Iniyas.

Binwat 9:40

Ipinalwas dapu ni Pidru sida tanan bag-u siya linmuhud nandarangin. Bag-u nag-atubang siya sa bangkay kay sinabi magkun, “Tabita, pagbangun yi duy kawu.” Minmuklat yi ngani kan Tabita manga mata. Pagka nakitan niya si Pidru, siya tinmukaw.