Binwat 2:42 - Hanunuu

⁴² Unman pagkalimtan nida ti itinudlu manga apustul, ti pagkarausa magtar-arian, ti magmirinsanan magkaun hanggan ti magmirinsanan sa darangin.

Binwat 2:42 Iomraidhean Croise

Lukas 24:30

Pagka nagpakarani siya sa lamak, binitbit niya ti tinapay bag-u ipinasalamat niya sa Diyus bag-u pinikapika bag-u ipinakaun sa kanda.

Lukas 24:35

Sida ni Kaliyupas nagsabi waydi tungkul kanda nakitan sa dalan, ag nu kabitay ti Panginuun nakilala nida sa kay magpika-pika tinapay.

Binwat 1:14

Pirmi sida tanan magtiripun sa darangin. Una manga babayi napaminsan sa kanda hanggan si Marya kay ina ni Hisus hanggan kay manga patar-ari lalaki ni Hisus.

Binwat 11:23

Pagka siya rinmas-ug ati, nakitan niya kay papalad Diyus sa kanda. Nakan nakabaya gid siya. Kay pinaanyuan sida magkun pangungud sida pagmatinupadun sa Panginuun, danga sida magbul-iw.

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Binwat 2:46

Kanda ugali sirang-sirang magtiripun sa Balay Diyus ag magmirinsanan magkaun sa balay manga patar-ari, masulung kanda tagipusuun sa kanda magkaun.

Binwat 20:11

Sinmaka maan si Pablu, nagpakiusa siya sa manga patar-ari sa karan-an, sinmaru diman siya sa Banal pag Yapun. Bag-u naghampang waya siya sa kanda dugay hanggan sa magkasurip bag-u siya linmakaw.

Binwat 20:7

Pagka sa malambung duminggu, nagtiripun kami hampay magpakiusa sa karan-an. Bag-u nanudlu si Pablu sa manga tawu, pinalawig niya kay paliwanag hanggan karaw-an yabi, dahil kay gayak nu aldaw yi lumakaw yi siya.

Binwat 4:23

Pagka pinalpasan yi ngani sida ni Pidru ni Huwan, nag-ati sida sa kanda manga kaibahan bag-u itinultul nida sa kanda ti tanan sinabi manga pangulu manughandug sa Balay Diyus hanggan manga paggurangunun manga Hudiyu.

Binwat 4:31

Pagka nakadarangin yi sida nauyug ti balay kanda tinipunan, sida tanan lubus sinuldan Ispiritu Banal ag matutum kanda naisipan nanudlu sida Bagaw Diyus.

Binwat 6:4

Nu katida ti buwatun nita, matupad diman waydi nimi kanmi pag katungkulan sa magdarangin ag sa magtudlu Bagaw Diyus.”

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

1 Kurintu 10:21

Dayu mahimu mainman niyu ti ungut Panginuun hanggan ti ungut gamit sa panagdahan sa manga labang. Dayu mahimu kamu magsaru sa lamak Panginuun hanggan sa lamak panagdahan.

1 Kurintu 11:2

Pagbayaun niku kamu dahil unman aku magkalimtan niyu, kanyu di pagsundun kang itinudlu sa kanyu.

1 Kurintu 14:6

Nu aku nangus makaasan sa kanyu, manga patar-ari, magbagaw sa tuhay-tuhay pag pamagaw unman inadalan, hintay nguna kanyu pakinabangun sa kangku? Mayad waya nu tultulun niku sa kanyu ngatay ti paliwanag, ngatay ti kaalaman, ngatay ti manga bagaw ginan sa Diyus, ngatay ti manga pag-iadal.

Galasya 1:6

Naglingut gid aku nu hayga madali lang tinalikdan niyu ti Diyus, ti nagbutung sa kanyu dahil sa kay pangaawa ni Hisu-Kiristu. Nagpatalad kamu sa tuhay maan pag mayad pag barita.

Ipisu 2:20

Kita tanan, Hudiyu man ngatay balaw Hudiyu, kanta pinagkabungsudan ti manga apustul ag ti manga purupita. Dapat ti pinakamahalaga pag kalap si Kiristu Hisus.

Ipisu 6:18

Tanan-tanan inda buwata niyu pag may darangin paghagad awat sa Panginuun. Pagdarangin kamu sa kada udas angay sa kay udyuk Ispiritu Banal. Nakan ngani pagpirmi gid kamu alistu, dag-apas kamu sa darangin sa tanan manga nasakup sa Diyus.

Pilipus 1:5

Dahil inawatan niyu aku sa kang magpadakit Mayad pag Barita ginan waya sa kabag-u kanyu nagsarig sa kan Kiristu hanggan taynguna tugka.

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.

Kulusas 4:2

Danga magsuku kamu sa magdarangin. Pangungud kamu sa darangin pag may pasalamat.

2 Timutiyu 3:14

Dapat danga nimu pagbul-iwi ti kanmu manga nataw-an sa kanmu mag-adal hanggan ti kanmu sinarigan, dahil nakilala yi waydi nimu ti manga tawu nagtudlu sa kanmu.

Hibriyu 10:25

Danga kalimtan nita pagluwang di kita sa kanta pagtiripun. Danga maghuwad sa manga magpalya. Pagparabisugan ngap kita ti kada usa. Lalu ngap taynguna dahil magkaalaman yi nita arani yi ti kaudasan pagras-ug Panginuun.

Hibriyu 10:39

Dapat kita balaw ay ga tunda pag manga mag-urung bag-u ipadamhak. Kita ga tunda ngap pag manga magsarig hampay iribri.

1 Huwan 1:3

Tunda ngani ti kanmi nakitan ag nadnugan imaw yi kanmi pag-itultul sa kanyu hampay kamu hanggan magpakiusa sa kanmi. Kita magpakiusa yi gid sa Ama ag sa kay Anak, sa kan Hisu-Kiristu.

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.

1 Huwan 2:19

Tunda pag manga tawu ginan diman waydi sa kanta karaw-an dapat daan balaw tutuu minsan sa kanta. Nu abi sida ungud minsan sa kanta, unman gid napablag sida sa kanta. Nakan sida napablag, hampay makilala sida tanan balaw tutuu gid minsan sa kanta.

Hudas 1:20

Dapat pagpakarig-un ngap kamu duy sa kanyu lubus pagsarig sa Diyus. Pagdarangin kamu angay sa udyuk Ispiritu Banal.