Binwat 2:4 - Hanunuu

⁴ Sida tanan lubus sinuldan Ispiritu Banal. Bag-u nag-umpisa sida nagbagaw sa tuhay-tuhay pag pamagaw sigun sa kay pakaun Ispiritu pag kadunungan sa kanda.

Binwat 2:4 Iomraidhean Croise

2 Samwil 23:2

“Nagbagaw ti Ispiritu Panginuun sa panab-anan niku; kay manga bagaw atay sa kang bibig.

Isayas 28:11

Dahil sa dayu sida mamatingi, manpakihampang ti Panginuun sa inda pag manga tawu sa panab-anan manga day-uhan tuhay kay pamagaw.

Isayas 59:21

Inda kang kasunduan sa kanyu: Dayu madura kang Ispiritu asan sa kanyu hanggan kang manga itinultul pag bagaw sa kanyu. Tultulan niyu inda sa kanyu manga anak, ag kailangan itultul maan nida inda sa kanda manga anak tugka sa dumasun pag manga sinulput. Aku, ti Panginuun, ti magsabi inda.”

Hirimyas 6:11

Masyadu diman ti galit magkaramdaman niku parihu sa Panginuun ag balaw niku maampara.” Magkun ti Panginuun, “Ipadamdam niku kang galit hanggan sa manga anak magbuybuya sa karsada, sa manga kalay-awan lalaki magtiripnan, sa manga may asawa ag hanggan yi sa manga gurangun.

Isikil 3:11

Taynguna, pag-atag kawu sa kanmu manga kasimanwa ti kaibahan nimu sa pagkabihag, ag tultulan sa kanda, ‘Inda ti tultulanun ginan sa Panginuun Diyus!’ Buwata inda una mamatingi man sida ngatay unman.”

Mikas 3:8

“Dapat aku pag-ulianan di Ispiritu Panginuun imaw ti mag-ayaw sa kangku kapangyarihan hampay maipatupad niku ti katadlungan, ag mag-ayaw sa kangku mabisug nalub-anan hampay masabi sa nasakupan Israil ag Huda kuntay nagsalan sida.

Matiyu 10:19

Pagka kamu ipabahala nida sa husgadu, danga kamu magkakuri sa kanyu sarabihun nu kabitay kanyu bagawun. Pagka ati katpung pag udas, itudlu di waydi Ispiritu Banal sa kanyu ti dapat niyu sabihun.

Markus 16:17

Ti manga tawu nu magsarig may makitan inda pag manga tanda tungkul sa kamaskihan: sa ngaran niku pag ipalwas nida ti manga labang, ag bumagaw sida sa tuhay-tuhay pag pamagaw.

Lukas 1:15

Dahil may kamaskihan siya aban sa atubangan Panginuun. Danga uminum siya intus, una hintay pag manga makalangu pag irinmun. Ginan di waya sa sulud tiyan niya ina sa kanya yi ti Ispiritu Banal.”

Lukas 1:41

Pagka nadnugan ni Ilisabit kay magbagaw ni Marya, namurag ti lapsag sa kan Ilisabit tiyan. Ag lubus sinuldan Ispiritu Banal si Ilisabit.

Lukas 1:67

Si Sakaryas kay ama ni Huwan lubus sinuldan Ispiritu Banal, bag-u nagpurupita siya magkun,

Lukas 12:12

Dahil itudlu Ispiritu Banal sa kanyu sa ati katpung ti dapat niyu sabihun.”

Lukas 21:15

Dahil pakan-an niku kamu bagaw pananagut hanggan kadunungan hampay udyi makalaban udyi waydi tumanggi kanyu tanan manga kalaban.

Lukas 4:1

Pagka itinulbaw si Hisus, lubus sa kanya ti Ispiritu Banal, bag-u linmakaw siya ginan sa sapa Hurdan. Bag-u giniyahan siya Ispiritu tabug sa pangawakawaan.

Huwan 14:26

Dapat suguun Ama ti Manug-awat ti Ispiritu ngani Banal sa kanyu sa manga napasakup sa kangku. Itudlu niya sa kanyu ti tanan pag manga bagay. Umawat siya sa kanyu hampay balaw malimtan niyu ti tanan manga itinudlu niku sa kanyu.

Huwan 20:22

Pagka sinabi niya tunda, kay inarupan niya sida bag-u magkun siya, “Tanggapa niyu ti Ispiritu Banal.

Binwat 1:5

Si Huwan nagtulbaw sa danum dapat ay balaw yi dumugay kamu itulbaw yi sa Ispiritu Banal.”

Binwat 1:8

Dapat makatanggap kamu kapangyarihan nu lubus kamu suldan Ispiritu Banal. Bag-u kamu yi gid ti manga manugpadakit magtudlu tungkul sa kangku sa Hirusalim una sa bilug Hudiya hanggan sa Samarya, hanggan waya sa katugkaan daga.”

Binwat 10:46

Dahil nadnugan nida ti manga balaw Hudiyu magbagaw yi sa tuhay-tuhay pag pamagaw magdayaw sa kamaskihan Diyus. Nakan magkun si Pidru,

Binwat 10:47

“Ipinakaun Diyus ti Ispiritu Banal sa inda pag manga tawu, parihu diman ga sa kanta. Udyi nguna may umampara sa inda pag manga tawu hampay itulbaw sa danum.”

Binwat 11:15

Magkun si Pidru, “Kang diway nag-umpisa nagbagaw sa kanda, kadaka sinuldan sida lubus Ispiritu Banal, parihu diman ga nangyari sa kanta sa kabag-u.

Binwat 11:24

Mayad gid pag tawu si Birnabi. Lubus siya sinuldan Ispiritu Banal, marig-un kay pagsarig. Mayamu tawu ti binutung tag sa Panginuun.

Binwat 13:52

Dapat ti manga nagsarig sa kan Hisus sa Antiyukya may kabayaan gid sa kanda tagipusuun, lubus sida sinuldan Ispiritu Banal.

Binwat 13:9

Lubus sinuldan Ispiritu Banal si Saulu, kay usa ka ngaran si Pablu. Tinurun gid ni Pablu si Ilimas,

Binwat 15:8

Diyus lang ti makausisa sa tagipusuun tawu. Ipinakaun niya ti Ispiritu Banal sa kanda parihu diman sa kanta, imaw yi kay puruyba Diyus kuntay kay tinanggap sida.

Binwat 19:6

Ikinupa ni Pablu kay kamang sa kanda bag-u sida lubus sinuldan Ispiritu Banal. Nagbagaw sida sa unman magkasalman pag pamagaw ag nagpurupita sida.

Binwat 2:11

manga taga Kiriti, manga taga Arabya. Dapat nadnugan nita sida magbagaw sa kanta sadili manga pamagaw tungkul sa manga makadululaw pag buwat Diyus.”

Binwat 2:3

Bag-u may nakitan sida manga ga labdab apuy magbululagan nagrugpu sa kada usa sa kanda.

Binwat 4:31

Pagka nakadarangin yi sida nauyug ti balay kanda tinipunan, sida tanan lubus sinuldan Ispiritu Banal ag matutum kanda naisipan nanudlu sida Bagaw Diyus.

Binwat 4:8

Bag-u si Pidru, lubus sinuldan Ispiritu Banal, nagsagut sa kanda magkun, “Kamu duy pag manga pangulu ag manga paggurangunun manga Hudiyu,

Binwat 6:3

Nakan manga patar-ari, pagpili kamu ginan sa kanyu sa manga patar-ari pitu ka lalaki tunda manga magkaalaman yi waydi kuntay mabuut ag lubus sinuldan Ispiritu Banal. Bag-u sida ti pakan-an nimi inda pag katungkulan sa mag-asikasu sa maghururayan pangailangan sa manga buranday.

Binwat 6:5

Ti tanan manga patar-ari nagbaya sa sinabi manga apustul. Nakan pinili ngani nida si Istiban, marig-un siya sa kay pagsarig sa Diyus ag lubus sinuldan Ispiritu Banal. Bag-u kanda waya pinili sida ni Pilipi, ni Puruku, ni Nikanur, ni Timun, ni Parminas hanggan si Nikulas taga Antiyukya. Siya balaw Hudiyu dapat kaybi niabay siya sa surundanun Hudiyu.

Binwat 6:8

Lubus pinapaladan Diyus si Istiban ag pinakan-an siya kamaskihan hampay makabuwat makadululaw gid pag manga tanda sa atubangan manga tawu.

Binwat 7:55

Dapat ay si Istiban lubus sinuldan Ispiritu Banal nagtangda sa langit. Nakitan niya ti masyadu masilaw pag rayaw sa kay libut Diyus hanggan si Hisus matindugan baliwa sa sikun Diyus.

Binwat 8:17

Dapat pagka kinup-an sida kamang nida ni Pidru ni Huwan, tinanggap ngapu nida ti Ispiritu Banal.

Binwat 9:17

Nag-ati ngani si Ananiyas. Pagka siya sinmaka yi sa balay, kinup-an niya kamang si Saulu, magkun, “Patar-ari Saulu, ti Panginuun ti nagsugu sa kangku, si Hisus yi ngani, imaw ti napakakit sa kanmu sa kanmu maglakaw sitay tabug. Nakan sinugu niya aku sitay tag sa kanmu hampay humiling maan kanmu mata ag hampay kawu lubus suldan Ispiritu Banal.”

Ruma 15:13

Diyus ti may pakaun pag-asa sa kanta imaw waydi ti pumakaun kabayaan sa kanyu, hanggan kahusayan sa kanyu magsarig agud lalu abunda kanyu pag-asa dahil sa kapangyarihan Ispiritu Banal.

1 Kurintu 12:10

Sa iba maan magpakaun siya kapangyarihan hampay magbuwat makadululaw, sa iba maan hampay magpurupita, sa iba maan pag-ipakaun Ispiritu hampay makakilala nu hintay ti inudyukan Ispiritu Banal ag nu hintay ti ginan sa labang, sa iba maan hampay bumagaw sa tuhay-tuhay pag pamagaw balaw inadalan, sa iba maan pag-ipakaun Ispiritu hampay makapaliwanag sa kahulugan tuhay-tuhay pag pamagaw.

1 Kurintu 13:1

Una aku magbagaw tuhay-tuhay pag pamagaw manga tawu hanggan manga anghil, bag-u unman aku may pagmahal, parihu lang aku sa agung maingay, ga lingganay magpanngil sa tuli.

1 Kurintu 13:8

Ti pagmahal balaw madura una hanggan aban. Ti magpurupita madura di aban, una tigbagaw manga tuhay-tuhay pag pamagaw unman inadalan umapas diman, una ti kaalaman madura di aban.

1 Kurintu 14:18

Magpasalamat aku sa Diyus, dahil aku makabagaw sa tuhay-tuhay pag pamagaw unman inadalan balaw lang ga kanyu tanan.

1 Kurintu 14:5

Kang gustu mana kamu tanan magbagaw sa tuhay-tuhay pag pamagaw balaw inadalan. Dapat lalu waya kang gustu kamu pagmakapurupita. Lalu ngap mahalaga ti magpurupita sa magbagaw sa tuhay-tuhay pag pamagaw purya lang mipaliwanag niya hampay maparig-un ti iglisya.

Ipisu 3:19

Magdarangin aku hampay masalman niyu ti pagmahal niya madi balaw maaput tawu naisipan, agud nu kabitay ti Diyus katida diman kamu.

Ipisu 5:18

Danga kamu maglangu dahil makarangga tunda sa mayad pag ugali. Bagkus alwasiha niyu sa masuldan kamu Ispiritu Banal.

Ipisu 6:18

Tanan-tanan inda buwata niyu pag may darangin paghagad awat sa Panginuun. Pagdarangin kamu sa kada udas angay sa kay udyuk Ispiritu Banal. Nakan ngani pagpirmi gid kamu alistu, dag-apas kamu sa darangin sa tanan manga nasakup sa Diyus.

1 Pidru 1:12

Pagka ipinaalam manga purupita inda pag manga katutuuhanan itinudlu waydi Diyus sa kanda, kuntay kanda pagbagawun balaw may pakinabang sa kanda nu unman sa kanyu ngap. Inda pag manga katutuuhanan nadnugan yi niyu ginan sa manugpadakit Mayad pag Barita Diyus. Pagka sinugu Diyus ti Ispiritu Banal ginan sa langit tabug sa manga manugbarita, nanudlu sida sa kanyu angay sa udyuk Ispiritu Banal. Una ti manga anghil sa langit daka mana kanda gustu masalman nida inda pag manga katutuuhanan.

2 Pidru 1:21

Dahil unman may ipinurupita nu ginan lang sa kagustuhan tawu. Inda pag bagaw ginan gid sa Diyus ag binagaw manga tawu angay sa udyuk Ispiritu Banal.

1 Samwil 1:14

Nakan magkun siya sa kanya, “Tugka kapira kawu maglangu? Apasi yi tunda!”

1 Samwil 10:10

Pagka rinmas-ug si Saul hanggan kay suruguun sa Gibiya, sinulang siya manga purupita. Bag-u sinuldan Ispiritu Diyus si Saul ag nanultul yi waydi siya bagaw Diyus kaibahan tunda pag manga purupita.