Binwat 2:23 - Hanunuu

²³ Si Hisus ipinahintulut sa kanyu angay sa kay nalub-anan gayak Diyus. Bag-u kanyu apinapaku sa kurus ipinamatay sa manga tawu balaw Hudiyu.

Binwat 2:23 Iomraidhean Croise

Gimpuunan 50:20

Ungud gid kamu naggayak daut sa kangku, dapat gayak yi Diyus tunda bumurak kaayadan imaw ti nagribri taynguna sa mayamu tawu sa taglun-us.

Kanta 76:10

Pihu kanmu pangagalit sa manga tawu makapakaun kadayawan sa kanmu; pagpigilan waya nimu ti nasawad nimu pangagalit.

Isayas 37:26

“Tutuu ngani winayak nimu ti manga naaladan batu pag banwa. Dapat unman aw nimu alam dugay yi niku pag itinagka tida? Ginan waya kaybi, ginayak yi niku inda ag taynguna tinupad niku inda.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Matiyu 20:19

Bag-u kanda ipabahala siya sa manga balaw Hudiyu, hampay kanda muransahun, hampakun, bag-u ipaku yi nida sa kurus. Dapat sa ikatlu pag sirang mabuhi maan siya uman.”

Matiyu 26:24

Mamatay gid ti Anak Tawu angay sa isinurat sa Banal Kasuratan, dapat kaawaawa duy tunda pag tawu ti pumakampi sa kalaban agud kay itudlu aku, ti Anak Tawu. Mayad waya nu unman nianak siya pag tawu.”

Matiyu 27:35

Pagka kanda ipinaku siya sa kurus, inayaw-ayaw nida kay manga rutay alinaban waya nida sa lunggungan.

Markus 15:24

Bag-u kanda ipinaku siya sa kurus, bag-u inayaw-ayaw nida kay manga rutay, alinaban waya nida sa lunggungan.

Lukas 22:22

Dahil ti Anak Tawu mamatay gid ngani angay sa kay gayak Diyus, dapat anung kaawaawa tunda pag tawu ti nagpakampi sa kay kalaban hampay siya kay itudlu.”

Lukas 22:37

Dahil pagsabihun niku sa kanyu kailangan matupad tungkul sa kangku inda pag sinabi sa Kasuratan magkun, ‘Imininsan siya sa bilang sa manga makasalanan pag tawu.’ Dahil ti isinurat tungkul sa kangku pihu mangyari aban.”

Lukas 23:33

Pagka rinmas-ug sa bantud kay ngaran Barut Ulu, kanda ipinaku siya ati sa kurus, bag-u ipinaku waydi ti manga tulisan, ti usa sa wala baliwa pag kurus, ti usa sa sikun baliwa.

Lukas 24:20

Idinimanda siya manga pangulu manughandug hanggan manga pinunu hampay sintinsiyahan matyun. Kanda ipinaku siya sa kurus.

Huwan 19:18

Pagka rinmas-ug sida ati, kanda yi ipinaku siya sa kurus. Ati katpung may duwa waya ka tawu kanda ipinaku sa manga kurus, ti usa sa wala baliwa pag kurus, ti usa sa sikun baliwa, si Hisus sa karaw-an.

Huwan 19:24

Nanharampangan ngani ti manga sundalu magkun, “Danga duy nita paggitasa. Kanta ilaban sa lunggungan nu sa kantapu tag inda.” Tida ti nangyari hampay matupad ti isinurat sa Banal Kasuratan magkun, “Inayaw-ayaw nida kang manga rutay. Ilinaban nida sa lunggungan kang balukas sadsad.” Katida ngani ti binwat manga sundalu.

Binwat 13:27

Ti manga taga Hirusalim hanggan kanda manga pinunu unman nakakilala sa kanya kuntay siya yi ti Manugribri. Unman diman naunawaan nida ti isinurat manga purupita kanda pagbasahun kada Sirang Pamahari. Dapat sida ngap ti nagtupad sa manga binagaw purupita sa kanda magsintinsiya sa kan Hisus sa kamatayan.

Binwat 15:18

Inda kay sinabi ngani Panginuun imaw ti nagpasandam inda kaybi waya ginan.’”

Binwat 2:36

“Nakan ngani kamu ti buu nasyun Israil, pagpasnui yi niyu kuntay tunda pag Hisus kanyu ipinaku sa kurus imaw ngap ti binwat Diyus Panginuun. Siya yi ti Pinili Diyus Manugribri pag Hari.”

Binwat 3:18

Dapat sa kanyu binwat tunda, natupad yi ti dugay yi pag ipinaalam Diyus sa panab-anan manga purupita magkun, kailangan umagwanta ti Pinili Diyus Manugribri pag Hari hanggan sa kamatayan.

Binwat 4:28

Binwat nida tunda angay sa kanmu kagustuhan mangyari, ti daan ihinanda nimu pag gayak.

Binwat 5:28

“Hinigpitan yi nimi kamu magkun danga yi gid kamu magtudlu tungkul sa kamaskihan ni Hisus. Dapat malu, hintay ngap kanyu binwat? Sa buu banwa Hirusalim tanan-tanan tawu nakadnug yi gid kanyu tudlu. Gustu waya niyu kami pakan-an saragtun tungkul sa kamatayan siyun pag tawu.”

Binwat 5:30

Ti Diyus nita ginurang imaw ti nagbuhi uman sa kan Hisus kanyu ipinapaku sa kurus ipinamatay.

Binwat 7:52

Unman gid may purupita nu unman inunu-unu niyu manga ginurang. Minatay niyu manga ginurang ti manga nagpurupita tungkul sa kay pagras-ug Matadlung pag Suruguun Diyus. Pagka siya rinmas-ug ngani, nagpakampi ngap kamu baliwa sa kalaban ag kanyu minatay siya.

Ruma 2:12

Ti manga balaw Hudiyu unman sakup sa Kasuguan ni Muysis. Nu magbuwat sida kasalanan, ipadamhak sida dapat unman angay sa isinurat sa Kasuguan. Ti tanan manga Hudiyu manga nasakup sa Kasuguan. Nu sida magkasala, sintinsiyahan sida angay sa isinurat sa Kasuguan.

Ruma 4:17

Kainda ti isinurat sa Banal Kasuratan magkun, “Binwat niku kawu ti pinagkagurang mayamu nasyun.” Sa atubangan Diyus si Abraham kanta ama, dahil sinarigan ni Abraham ti Diyus imaw tigpakaun buhi sa manga namatay, imaw diman ti naglalang sa tanan bagay.

1 Tisalunika 2:15

Tunda pag manga Hudiyu ti nagmatay sa Panginuun Hisus hanggan sa manga purupita. Sida diman waydi ti nag-unuunu sa kanmi. Maglaban sida sa kagustuhan Diyus, kalaban sida tanan tawu.

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.

1 Pidru 1:20

Udwaya linalang ti kalibutan daan di si Kiristu pinili Diyus. Taynguna pagka arani yi ti katapusan panahun, ipinaburayhaw siya Diyus sa ikaayad niyu.

1 Pidru 2:8

Ag “Ibinugtang ti usa ka batu karadayaanun, laun pagka batu kanda matalakpahan.” Ga nadayaan yi ngani sida, dahil unman sida naniwala sa Bagaw Diyus. Tunda yi ngani ti inalistu para sa kanda.

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.

Ipinakakit 13:8

Sumamba sa kanya ti tanan tawu magkabuhi sa babaw daga, purya lang ti manga tawu kay ngaran nisurat yi sa ribru kabuhian ginan waya sa pagkalalang kalibutan. Tunda pag ribru kay apu ti Anak Karanidu imaw ti minatay.