Binwat 2:22 - Hanunuu

²² Magkun maan si Pidru, “Kamu pag manga kaparihu niku Israilita, pamatingi kamu. Udyi kamu pumahimudil sa kan Hisus taga Nasarit, dahil may nakitan yi waydi kamu puruyba. Binwat yi ni Hisus sa kanyu atubangan ti manga makamaskihan hanggan makadululaw pag tanda dahil sa kay kapangyarihan Diyus. Tunda balaw yi ngap nilihim sa kanyu.

Binwat 2:22 Iomraidhean Croise

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Matiyu 12:28

Nu bay Ispiritu Diyus ti nagpakaun kapangyarihan sa kangku hampay magpalwas manga labang, kay ibug sabihun rinmas-ug yi sa kanyu kay maghari Diyus.

Matiyu 2:23

Pagka rinmas-ug, ati sida pag nangulian sa banwa Nasarit, hampay matupad ti bagaw ipinadakit manga purupita magkun, “Siya aban ingarnan Nasarinu.”

Matiyu 9:8

Pagka nakitan manga tawu tunda, nadala sida ag nagdayaw sa Diyus sa nagpakaun katunda pag karampatan sa manga tawu.

Lukas 11:20

Dapat nu ginan sa Diyus kang kapangyarihan hampay magpalwas manga labang, ibug sabihun rinmas-ug yi ngap sa kanyu ti paghari Diyus.

Lukas 18:37

Sinabi nida sa kanya, “Maglawuy yi duy si Hisus taga Nasarit.”

Lukas 24:18

Ti usa, kay ngaran si Kaliyupas, nagsagut magkun, “Usa lang aw kawu ti pandayuhan sa Hirusalim? Unman aw lugud nimu alam nu hintay ti manga nangyari ati nakadwa lang ginan hanggan sa taynguna tugka?”

Huwan 1:45

Nakitan maan ni Pilipi si Natanail. Bag-u sinabi ni Pilipi sa kanya magkun, “Nakabtaan nimi si Hisus taga Nasarit kay anak ni Husi. Imaw ti pagturunuhun ni Muysis sa kay isinurat sa Kasuguan, siya diman waydi hanggan ti pagturunuhun manga purupita.”

Huwan 10:37

Nu unman pagtupadun niku ti buruwatun niku Ama, danga kamu magpaniwala sa kangku.

Huwan 11:47

Nakan nagtiripun ti manga Parisiyu, ti manga pangulu manughandug hanggan ti manga Katipunan manga Pinunu bag-u sida nagpululungan magkun, “Hintay kanta buwatun? Dahil mayamu pag manga makapangyarihan pag tanda kay pagbuwatun tunda pag tawu.

Huwan 12:17

Pagka si Lasaru tinawagan ni Hisus ginan sa basad lukib ag siya binuhi maan, mayamu pag manga tawu siyun diman sa kan Hisus arani ti nakakit sa kay binwat. Bag-u itinultul nida sa manga iba nu hintay ti nangyari.

Huwan 15:24

Nakan may saragtun gid sida sa kanda manga kasalanan, dahil nakitan gid nida ti makadululaw pag binwat niku unman mabuwat una sitapu pag tawu. Kanda gid nakitan tunda, bag-u kanda ngap kinagalitan aku hanggan ti Ama.

Huwan 19:19

May ipinasurat diman si Pilatu bag-u kanda ipinauli sa kurus. Inda ti nakasurat magkun, “Si Hisus taga Nasarit, ti Hari manga Hudiyu.”

Huwan 3:2

Nag-ati siya sa kan Hisus sa yabi. Bag-u kay sinabi sa kan Hisus magkun, “Maisturu, alam nimi duy kawu sinugu Diyus hampay manugtudlu sa manga tawu. Dahil tunda pag manga tanda kanmu pagbuwatun, mabuwat lang tawu nu sa kanya gid ti Diyus.”

Huwan 4:48

Sinabi ni Hisus sa kanya magkun, “Kamu unman gid magsarig nu ud may mag-akitan manga makadululaw pag tanda.”

Huwan 5:36

Dapat sa kang manga pagbuwatun pag makilala gid nu si unu aku, balaw lang ga sa kan Huwan itinultul tungkul sa kangku. Pagbuwatun niku ti iinintirga Ama pag buruwatun sa kangku. Nakan tunda ngani pag buruwatun tigpakilala nu si unu aku. Sa kang manga buruwatun pag makitan diman niyu aku sinugu Ama.

Huwan 6:14

Pagka nakitan manga tawu tunda pag tanda kay binwat ni Hisus, sinabi nida magkun, “Inda yi ngani ti Purupita ti itinaratu kaybi ti sumitay.”

Huwan 6:27

Danga kamu magbudlay tungkul lang sa karan-unun magkabangsiw. Pagmasigasid kamu hampay matanggap niyu ti karan-unun unman magkabangsiw, imaw ti makapakaun tutuu pag buhi unman may katapusan. Tunda ngani pag karan-unun ti ipakaun Anak Tawu sa kanyu dahil may tinanggap siya karampatan ginan sa Diyus Ama.”

Huwan 7:31

Dapat sa kayamuan tawu mayamu ti nagsarig sa kanya magkun, “Nu rumas-ug ti Pinili Diyus Manugribri pag Hari, buwatun aw lugud niya lalu waya mayamu pag tanda bukun lang ga tunda pag tawu kay binwat? Dayu ngap mahimu.”

Huwan 9:33

Unman diman may mabuwat tunda pag tawu purya lang nu siya ginan sa Diyus.”

Binwat 13:16

Nakan tinmindug si Pablu, pinaamanan niya ti manga tawu danga sida umingay bag-u namaliwanag siya magkun, “Kamu duy pag manga kaparihu niku Israilita hanggan kamu pag manga balaw Hudiyu manga niabay yi sa surundanun Hudiyu, kamu tanan pagpatingi sa kang paliwanag.

Binwat 14:27

Pagka rinmas-ug sida sa Antiyukya, tinipun nida ti iglisya bag-u itinultul nida sa manga patar-ari nu kabitay sida ginamit Diyus sa tanan niya buruwatun ag nu kabitay ti Diyus nagbuwat paraan sa manga balaw Hudiyu hampay sida makasarig sa kan Hisus.

Binwat 2:19

Pumakakit aban aku manga makadululaw sa langit ati sa tungud ag manga tanda sa sirung langit sa babaw daga, dugu ngani, apuy ag magtalimbuuk pag anus.

Binwat 2:43

Pirmi nagbuwat ti manga apustul manga makadululaw pag tanda dahil sa kapangyarihan kanda tinanggap ginan sa Diyus. Nakan lubus naglingut ag magkadala ti tanan tawu.

Binwat 21:28

Namagrit sida magkun, “Kamu duy pag manga Israilita, awati niyu kami. Inda yi ngani pag tawu tigtudlu sa tanan manga tawu una naan pag rugar laban sa nasyun Israil, laban sa Kasuguan ni Muysis ag laban diman sa inda pag Balay Diyus. Tuhay waya siti, nagtaban waya siya manga balaw Hudiyu atag sa sulud Balay Diyus. Nilapastangan niya inda ti banal pag rugar.”

Binwat 22:8

Pinmaingana aku magkun, ‘Si unu kawu duy, Panginuun?’ Sinmagut siya magkun, ‘Aku si Hisus taga Nasarit, ti kanmu pag-unuunuhun.’

Binwat 24:5

Dahil naintindihan nimi inda pag tawu magpan-gulu. Pagguluhun niya ti manga Hudiyu una naan pag rumas-ug siya. Takinan siya manga tawu magsunud sa surundanun Nasarinu.

Binwat 26:26

Unman aku kailangan magkadala maghampang sa kanmu duy, Hari Agripa, dahil magkaalaman yi waydi nimu inda tanan-tanan. Pihu gid nabaritaan nimu daan inda pag manga itinultul niku taynguna, dahil inda nangyari balaw sa lihim, unman diman sa arayu pag rugar.

Binwat 26:9

“Inisip diman niku kaybi kailangan labanan niku sa mayamu paraan kay ngaran ni Hisus taga Nasarit.

Binwat 3:12

Pagka nakitan ni Pidru ti kayamuan tawu, sinabi niya sa kanda magkun, “Kamu pag manga Israilita, hayga nadulaw kamu masyadu sa inda pag nangyari? Hayga kamu magpakaturun sa kanmi? Kanyu aw lugud hantup pinalakaw nimi siya dahil sa kanmi sadili kamaskihan, aw ngatay dahil kami manga maka-diyus?

Binwat 3:6

Bag-u magkun si Pidru, “Unman aku may kuwarta una di. Dapat may tuhay pag kaayadan aku, kang ngap ipakaun sa kanmu. Sa ngaran ni Hisu-Kiristu taga Nasarit, kawu duy paglakaw yi.”

Binwat 4:10

Kailangan maalaman niyu hanggan tanan manga Israilita, inda pag tawu taynguna matindugan sa kanyu atubangan dahil sa ngaran ni Hisu-Kiristu taga Nasarit. Imaw ti nagpaayad sa kanya. Imaw diman pag Hisus kanyu ipinaku sa kurus dapat siya binuhi uman Diyus.

Binwat 5:35

Bag-u sinabi niya sa manga Pinunu, “Kamu duy pag manga kaparihu niku Israilita, isipa gid niyu kaayad-ayad nu hintay kanyu buwatun sa inda pag manga tawu.

Binwat 6:14

Nadnugan gid nimi kay magsabi magkun, tunda pag tawu si Hisus taga Nasarit tulagun niya aban ti Balay Diyus ag ilsan niya ti manga ugali kanta minana ginan sa kan Muysis.”

2 Kurintu 12:12

Unman diman aku inmapas nagbuwat puruyba sa kanyu kuntay aku tutuu apustul. Ipinakakit niku ti manga makamaskihan hanggan makadululaw pag manga tanda.

Hibriyu 2:4

Ipinakakit diman waydi Diyus bilang puruyba ti manga makadululaw ag lilingutan pag manga tanda ag ti tuhay-tuhay pag mamaski buwat hanggan ti may manga pakaun Ispiritu Banal kay ihinuray sa iglisya angay sa kay sadili kagustuhan.