Binwat 2:1 - Hanunuu

¹ Pagka udas yi Pintikustis, ti tanan magsarig nagkaminsan sa usa ka balay.

Binwat 2:1 Iomraidhean Croise

2 Krunika 30:12

Nagpasandam diman ti Panginuun sa manga taga Huda hampay magkausa sida sa pagtupad sa sugu hari ag manga may kangaranan, angay sa sugu Panginuun.

2 Krunika 5:13

Ti manga manugkanta magdayaw ag magpasalamat sa Panginuun pagpatunugan manga turumpita, pumpiyang, ag iba waya pag manga kagamitan. Kaindaay kanda pagkantahun: “Mayad ti Panginuun; kay pagmahal balaw may katapusan.” Pagkatapus, may rurum sinmaput sa Balay Diyus Panginuun.

Kanta 133:1

Ga kabitay yi kaayad bantayun nu ti nasakupan Diyus magkabuhi may pagkarausa.

Pag-ighit 23:16

“Alalahana diman niyu ti Pista Tig-arani sa panab-anan pagdara sa kangku manga un-an pag tubas niyu tanman. Alalahana diman niyu ti Pista Uryan Ani sa katapusan timpu, nu tipunun yi niyu ti manga tubas sa kanyu tanman.

Pag-ighit 34:22

“Alalahana niyu ti Pista Tig-arani, dumara kamu sa kangku kanyu un-an inani tirigu, ag alalahana diman niyu ti Pista Uryan Ani sa katapusan timpu.

Hirimyas 32:39

Pakan-an niku sida pagkarausa hampay sambahun nida aku hanggan aban, para sa kanda sadili ikaayad ag sa kaayadan diman nida manga linahi.

Sipanyas 3:9

Pagkatapus, bag-uhun niku ti manga tawu, hampay magpakarani sida tanan sa kangku ag magkarausa mansirbi sa kangku.

Binwat 1:5

Si Huwan nagtulbaw sa danum dapat ay balaw yi dumugay kamu itulbaw yi sa Ispiritu Banal.”

Binwat 1:8

Dapat makatanggap kamu kapangyarihan nu lubus kamu suldan Ispiritu Banal. Bag-u kamu yi gid ti manga manugpadakit magtudlu tungkul sa kangku sa Hirusalim una sa bilug Hudiya hanggan sa Samarya, hanggan waya sa katugkaan daga.”

Binwat 2:46

Kanda ugali sirang-sirang magtiripun sa Balay Diyus ag magmirinsanan magkaun sa balay manga patar-ari, masulung kanda tagipusuun sa kanda magkaun.

Binwat 20:16

Dahil inisip ni Pablu udyi siya humapit sa banwa Ipisu hampay balaw yi mana siya dumugay sa Asya pag daga. Nagdali yi ngani siya hampay mana nu sa sirang Pintikustis pagsa Hirusalim yi siya.

Binwat 4:24

Pagka nadnugan manga patar-ari tunda pag manga barita, nagkarausa kanda manga tagipusuun, nagdarangin sida naghampang sa Diyus magkun, “Kawu duy Panginuun, ti naglalang langit, daga, dagat, hanggan ti tanan pag manga bagay asan sa kanda.

Binwat 4:31

Pagka nakadarangin yi sida nauyug ti balay kanda tinipunan, sida tanan lubus sinuldan Ispiritu Banal ag matutum kanda naisipan nanudlu sida Bagaw Diyus.

Binwat 4:32

Nagkabilug ti manga nagsarig sa Panginuun nagkausa sida sa tagipusuun hanggan sa naisipan. Unman sida nag-araminan kanda kasiyunan, kanda ngap inusa tanan.

Binwat 5:12

Pinakan-an Panginuun kapangyarihan ti manga apustul hampay magbuwat sida mayamu pag makadululaw ag lilingutan pag manga tanda sa atubangan manga tawu. Pirmi magtiripun ati sa Parat-ungan ni Sulumun ti tanan manga nagsarig sa kan Hisus.

Ruma 15:6

hampay mirinsan kanyu magdayaw sa Diyus sa Ama nita Panginuun Hisu-Kiristu.

1 Kurintu 16:8

Sitay waya dapu aku sa Ipisu tugka waya sa sirang Pintikustis.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 2:2

Nakan pagkarausa gid kamu sa kanyu naisipan katunda diman kanyu pagmahal sa usa kag sa usa. Pagkaraminsan kamu sa kanyu kagustuhan hanggan sa kanyu turunu hampay lubus yi aku magbaya dahil sa kanyu.