Binwat 19:9 - Hanunuu

⁹ Dapat ti iba sa kanda maganit gid kanda tagipusuun, nagbugya sida maniwala. Sa atubangan kayamuan tawu nagbagaw waya sida daut tungkul sa ugali buhi kay itinudlu Panginuun. Nakan tinayakan yi lang sida ni Pablu. Tinaban niya ti manga nagsarig sa kan Hisus bag-u ati sa balay gadayan ni Tiranu nagpaliwanag siya sa manga tawu sirang-sirang.

Binwat 19:9 Iomraidhean Croise

2 Hari 17:14

Dapat unman sida magtupad. Maganit kanda manga ulu parihu sa kanda manga ginurang unman magsarig sa Panginuun nida Diyus.

2 Krunika 30:8

Nakan danga maganit kanyu ulu parihu sa kanyu manga ginurang, nu unman pagpasakup kamu sa Panginuun. Pag-atag kamu sa Balay Diyus kay pinabanal hanggan aban. Ag pagsirbi kamu sa Panginuun niyu Diyus, hampay madura ti masyadu niya pag galit sa kanyu.

2 Krunika 36:16

Dapat pinuyaan nida ti manga purupita Diyus, kinasarin-an, ag ipinalawuy kanda manga itinultul. Nakan nagalit ti Panginuun sa kanda, ag unman may makaampara sa kanya.

Nihimyas 9:29

Pagpasandaman nimu sida kuntay pagtupad maan sa kanmu Kasuguan, dapat marapalabaw sida ag unman nida pagtupadun kanmu manga sugu. Nagsalan sida laban sa kanmu manga sugu magpakaun tutuu pag buhi sa magtupad inda. Sa kaganitan nida manga ulu nagpatlikud sida sa kanmu, ag dayu sida mamatingi sa kanmu.

Kanta 95:8

danga pagpaganita kanyu manga tagipusuun parihu sa binwat niyu manga ginurang kaybi ati sa Miriba, kumun diman katpung ati sida sa may pangawakawaan Masa.

Kabagawan 8:34

Mapalad ti tawu buu kay naisipan tag sa kangku bag-u alistu siya mamatingi.

Isayas 8:14

Aku ti kanyu palalan-iban. Dapat sa manga taga Israil ag taga Huda, parihu aku sa usa ka batu karadayaanan makapatalakpa sa kanda. Ag para sa manga taga Hirusalim, parihu aku sa usa ka suduk.

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Matiyu 15:14

Pabay-ani niyu sida, buta pag manga manug-abat sida. Nu ti buta umabat sa kay kaparihu buta, minsan sida malagpak sa abwat.”

Matiyu 16:4

Daut kamu pag manga tawu sa inda pag tinubu tawu, unman matinupadun sa Diyus. Maghanap aw kamu tanda? Dapat unman pakakitan kamu tanda purya lang sa nangyari sa kan Hunas.” Bag-u kay tinayakan yi lang sida siyun.

Matiyu 26:55

Bag-u napasrangu siya atag sa manga tawu magkun, “Aku lugud tulisan aw, nakan nagsitay kamu may dara baladaw, manga pamakul hampay dakpun aku? Sirang-sirang diman waydi magtukaw aku sa Balay Diyus magtudlu, bati unman waydi niyu dinakup?

Huwan 12:40

“Binuta Diyus kanda manga mata agud unman sida makakit. Pinaganit Diyus kanda tagipusuun agud unman sida makaintindi. Sinabi Diyus magkun, nakan katida kang binwat sa kanda hampay sida unman bumalik tag sa kangku. Dayu waydi paayadun niku sida.”

Binwat 11:26

Pagka nakitan niya si Saulu, tinaban niya siya atag sa Antiyukya. Ati sida duwa sa sulud usa gid ka timpu magpakiusa sa iglisya. Mayamu tawu kanda tinudluan. Ati diman sa Antiyukya pag inumpisahan iningarnan Kiristiyanu ti manga napasakup sa kan Kiristu.

Binwat 14:4

Nakan ngani ti manga tawu sa banwa napabliwa ti iba sa manga Hudiyu, ti iba sa manga apustul.

Binwat 17:4

Ti iba manga manugpatingi nagarya, napaminsan sa kanda ni Pablu ni Silas. Kumun diman ti mayamu manga Giriyigu manga niabay sa surundanun manga Hudiyu hanggan ti manga babayi may katungkulan, balaw di pira, napaminsan waydi sa kanda.

Binwat 19:23

Ati katpung balaw basta pag nagkalaguluhan ti manga tawu sa banwa Ipisu tungkul sa ugali buhi kay itinudlu Panginuun.

Binwat 19:30

Magkaibug mana si Pablu umati waydi hampay umatubang sa kayamuan tawu, dapat inampara siya manga patar-ari.

Binwat 20:31

Nakan ngani, manga patar-ari, pag-ingat kamu, danga niyu malimtan kang nagtudlu sa kanyu sirang yabi sa sulud tulu ka timpu, tiniis niku ti mayamu pag kakurian.

Binwat 22:4

Inunu-unu niku ti manga magsunud sa inda pag bag-u ugali buhi, kang waya pinanmatay. Ipinapirisu niku sida una lalaki una babayi.

Binwat 24:21

Barang masabi nida aku nagsalan sa kang binagaw sa kanda atubangan magkun, ‘Taynguna aku idinimanda sa atubangan niyu dahil aku mag-asa buhiun maan Diyus ti manga namatay.’ ”

Binwat 28:22

Dapat gustu diman gid nimi pakidnugan nu kabitay kanmu manga sarabihun, dahil magkaalaman yi waydi nimi inda pag surundanun niyu paglabanan manga tawu una naan pag rugar.”

Binwat 7:51

Sigi waya gid kan Istiban paalaala sa Katipunan manga Pinunu magkun, “Tutuu maganit kanyu manga ulu. Kanyu tagipusuun parihu lang ga tawu unman nagsarig sa Diyus. Unman niyu pagpatingihan ti katutuuhanan. Unman waydi kamu magpaniwala sa pagsabihun Ispiritu Banal. Parihu yi lang gid kamu ga kanyu manga ginurang.

Binwat 9:2

Nanhagad siya manga surat hampay ipakilala siya sa manga pangulu simbahan manga Hudiyu ati sa banwa Damasku. Bag-u nu ati yi siya ag nu may makitan siya manga tawu, una lalaki una babayi magsunud sa bag-u itinudlu ni Kiristu, mahimu kay dakpun bag-u darahun tag sa Hirusalim.

Ruma 11:7

Kabitay nguna tunda? Unman nakarubtan ti buu nasyun Israil sa kay inasahan. Dahil ti iba, maganit kanda manga tagipusuun. Kay iba lang, ti manga pinili lang Diyus, ti nakakarubut tunda.

Ruma 9:18

Nakan ngani pagkaawaan Diyus nu kay gustu niya kaawaan, ag pagpaganitun niya ti tagipusuun tawu nu kay gustu niya paganitun.

1 Kurintu 16:9

Dahil may rugar gid aku magtudlu bagaw Panginuun sitay taynguna, hampay tumanggap ti manga tawu, dapat mayamu diman waydi tiglaban.

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

2 Timutiyu 1:15

Magkaalaman diman nimu sinukuan aku tanan manga patar-ari sa Asya. Una sida duwa ni Pigilu ni Hirmuginis udyi magpausa sa kangku.

2 Timutiyu 3:5

Magpabalhinguun sida kuntay maka-diyus, dapat nu sa ungud pag-itanggi nida ti kamaskihan Diyus. Pag-aman kawu sa katunda pag manga tawu.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

Hibriyu 3:13

Kailangan kamu magpararig-unan sirang-sirang hanggan may udas waya masabi taynguna. Barang una si unu sa kanyu dayaun di kasalanan ag gumanit kay tagipusuun laban sa Diyus.

2 Pidru 2:12

Dapat ay tunda pag pudilun pag manga manugtudlu parihu sa manga hayup simarun unman may buut, nianak sida hampay dakpun ag matyun. Ti manga bagay unman magkasalman nida imaw ngap ti kanda paglapastanganun, nakan parihu sa manga simarun hayup sida ipadamhak diman.

2 Pidru 2:2

Mayamu pag tawu sumunud aban sa kanda manga buwat makakaray-a, ag dahil sa kanda buwat daut puyaan yi ngap manga tawu ti mayad pag katutuuhanan ginan sa Diyus.

Hudas 1:10

Dapat tunda pag manga tawu magmuransa ngap sa unman nida magkasalman. Ti manga bagay kanda yi nataw-an parihu ga manga hayup unman may buut, imaw yi kanda paggamitun sa ikadamhak nida.