Binwat 19:1 - Hanunuu

¹ Sa katpung si Apulus sa Kurintu waya, rinmas-ug maan si Pablu sa Ipisu, lakaw sa babaw pag dalan. Pagka siyun sa Ipisu, nikabta siya sa manga magsarig sa kan Hisus.

Binwat 19:1 Iomraidhean Croise

Binwat 18:1

Pagka nakapaliwanag yi si Pablu sa manga kunsihal sa Ariyupagu, nighit siya ginan sa Atinas, nag-ati sa banwa Kurintu.

Binwat 18:8

Si Kirispu ti pangulu sa simbahan manga Hudiyu. Siya hanggan kay manga kasunu balay nagsarig sa Panginuun. Mayamu manga tawu taga Kurintu namatingi diman sa kan Pablu. Pagka nagsarig sida sa kan Hisus, napatulbaw sida.

Binwat 19:17

Nabaritaan inda tanan manga tawu sa banwa Ipisu, una manga Hudiyu una manga balaw Hudiyu. Nadala gid ungud sida tanan, lalu nagdayaw gid sida sa makapangyarihan pag ngaran Panginuun Hisus.

Binwat 19:26

Taynguna tandai niyu ti kanyu nakitan ag nadnugan. Dahil tunda ngani pag tawu si Pablu magtudlu sa manga tawu magkun, ‘Ti manga diyus-diyusan binwat tawu kamang balaw ungud manga diyus, unman may kapangyarihan.’ Masyadu mayamu yi tawu ginarya yi ni Pablu, naniwala sida sa kay pagsabihun, una sitay sa banwa Ipisu una sa harus tanan rugar sa buu daga Asya.

Binwat 20:16

Dahil inisip ni Pablu udyi siya humapit sa banwa Ipisu hampay balaw yi mana siya dumugay sa Asya pag daga. Nagdali yi ngani siya hampay mana nu sa sirang Pintikustis pagsa Hirusalim yi siya.

Binwat 20:18

Pagka sida rinmas-ug, sinabi ni Pablu sa kanda magkun, “Alam yi waydi niyu duy, nu kabitay kang ugali buhi kang di waya sa kanyu, ginan waya sa sirang kang kabag-u rinmas-ug sa purubinsiya Asya.

Binwat 21:29

Nakan katida kanda sinabi, dahil nakitan nida si Pablu sa banwa kay kaibahan si Turupimu taga Ipisu. Kanda hantup dinara ni Pablu si Turupimu tag sa sulud Balay Diyus.

1 Kurintu 1:12

Inda kang gustu sabihun, ti kada usa hayga magsabi magkun, “Aku sa kan Pablu,” ti iba magkun, “Aku sa kan Apulus,” magkun maan ti usa, “Aku sa kan Pidru,” bag-u may magsabi waya gid, “Aku sa kan Kiristu.”

1 Kurintu 15:32

Nu angay lang sa kang pagkatawu aku naglaban sa manga simarun sitay sa Ipisu, hintay kang pakinabangun. Nu abi ti manga namatay unman buhiun uman, “Pagkaun ag pag-inum yi lang kita, aldaw mamatay yi waydi.”

1 Kurintu 16:12

Dapat inda aku may isabi waya sa kanyu tungkul sa kanta patar-ari sa kan Apulus. Balaw di kas-a sinabihan niku siya pag-asan siya mana sa kanyu, kaibahan manga patar-ari. Udwaya may gustu siya kainda asan tag sa kanyu. Dapat umasan siya nu may rugar aban.

1 Kurintu 16:8

Sitay waya dapu aku sa Ipisu tugka waya sa sirang Pintikustis.

1 Kurintu 4:6

Manga patar-ari, kami ni Apulus ti binwat niku halimbawa agud masalman niyu kay ibug sabihun magkun, “Danga magpasubra sa isinurat sa Banal Kasuratan.” Danga ti usa lang ti pagmayadun bag-u ti usa pagdautun.

Ipisu 1:1

Inda ti may surat si Pablu, kay apustul ni Kiristu Hisus angay sa kagustuhan Diyus, tabug sa manga banal sa Ipisu, sa manga matinupadun sa kanda pakiusa sa kan Kiristu Hisus.