Binwat 18:9 - Hanunuu

⁹ Pagka dugay napakakit ti Panginuun sa kan Pablu sa yabi. Magkun ti Panginuun, “Danga duy kawu magkadala. Sigi lang kawu sa kanmu magtudlu, danga gid mag-apas,

Binwat 18:9 Iomraidhean Croise

Isayas 58:1

Magkun ti Panginuun, “Paghuyaw kamu ka daka parihu sa budyung! Danga niyu pag-apasi! Sabiha niyu sa kang manga nasakupan manga linahi ni Hakub kanda manga kasalanan hanggan paglabag.

Hirimyas 1:17

Hirimyas, ialistu nimu kanmu sadili. Pag-ati kawu, sabihun nimu sa kanda ti tanan niku pagsabihun sa kanmu. Danga kawu magkadala sa kanda. Dahil nu kawu madala, lalu kawu kang padalaun sa atubangan nida.

Karukuan 3:57

Nagras-ug kawu pagka magtawag aku sa kanmu, ag magsabi kawu danga aku magkadala.

Hunas 3:2

Magkun siya, “Pag-ati kawu kainda sa Ninibi, ti daka pag banwa, bag-u sabiha nimu sa manga taga ati ti pag-ipatultul niku sa kanmu.”

Mikas 3:8

“Dapat aku pag-ulianan di Ispiritu Panginuun imaw ti mag-ayaw sa kangku kapangyarihan hampay maipatupad niku ti katadlungan, ag mag-ayaw sa kangku mabisug nalub-anan hampay masabi sa nasakupan Israil ag Huda kuntay nagsalan sida.

Binwat 16:9

Ati katpung pag yabi may ipinakakit ti Panginuun sa kan Pablu. May usa ka lalaki taga Masidunya matindugan ag magdangup sa kan Pablu magkun, “Pagluwang duy kawu atag sa Masidunya, awati nimu kami.”

Binwat 18:10

dahil aku sa kanmu di. Unman may umunu-unu sa kanmu, dahil mayamu kang manga sakup sa inda pag banwa.”

Binwat 22:18

Nakitan niku ti Panginuun bag-u sinabi niya sa kangku magkun, ‘Dag yi dugay kawu, pag-ighit yi kadali sitay ginan sa Hirusalim, dahil ti manga tawu sitay dayu maniwala sa kanmu pag-itultul tungkul sa kangku.’

Binwat 23:11

Ati katpung pag yabi tinmindug ti Panginuun sa kan Pablu arani magkun, “Pagmatutum duy kanmu naisipan. Nagtultul kawu tungkul sa kangku sa atubangan manga tawu sitay sa Hirusalim. Katunda diman kailangan tumultul kawu tungkul sa kangku sa banwa Ruma.”

Binwat 9:10

Ati sa Damasku may usa ka tawu nagsarig diman sa kan Hisus, kay ngaran si Ananiyas. Napakakit ti Panginuun sa kanya bag-u kay sinabi magkun, “Ananiyas.” Sinmagut si Ananiyas magkun, “Inda di aku, Panginuun.”

1 Kurintu 9:1

May makaampara aw lugud sa kangku? Bukun aw lugud aku apustul? Unman aw lugud nakitan niku si Hisus, kanta Panginuun? Unman aw kamu nakan nakatanggap sa Panginuun dahil kamu kang tinudluan?

1 Tisalunika 2:2

Alam niyu pagka kami sa Pilipus, inunu-unu kami ag minuransa waya. Dapat una katida pinabisug di nita Diyus kanmi manga tagipusuun hampay una mayamu ti manga kakurian, ilinantag di nimi ti Mayad pag Barita Diyus sa kanyu.