Binwat 18:8 - Hanunuu

⁸ Si Kirispu ti pangulu sa simbahan manga Hudiyu. Siya hanggan kay manga kasunu balay nagsarig sa Panginuun. Mayamu manga tawu taga Kurintu namatingi diman sa kan Pablu. Pagka nagsarig sida sa kan Hisus, napatulbaw sida.

Binwat 18:8 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Matiyu 28:19

Nakan pag-ati kamu buwata niyu tuludluan niku ti tanan linahi tawu. Itulbaw niyu sida ipasakup sa ngaran Ama, Anak, hanggan Ispiritu Banal.

Markus 5:22

Linmuwang si Hairu, ti pangulu simbahan manga Hudiyu. Pagka nakitan niya si Hisus napayuk-ub siya sa kay atubangan,

Markus 5:35

Magbagaw waya si Hisus, may rinmas-ug manga tawu ginan sa ulian pangulu simbahan manga Hudiyu. Magkun sida sa kan Hairu, “Udyi duy kanmu anak babayi. Danga yi lang kawu magbalag sa Maisturu.”

Binwat 10:2

Si Kurnilyu hanggan kay manga kasunu balay niabay sa surundanun manga Hudiyu, masipag sida magsamba sa Diyus. Magpakaun diman gid si Kurnilyu kuwarta sa manga Hudiyu nu may kakurian, pirmi diman siya magdarangin sa Diyus.

Binwat 11:14

Itudlu niya sa kanmu ti Mayad pag Barita hampay miribri kawu hanggan kanmu manga kasunu balay.’ ”

Binwat 13:15

Pagka binasa usa ka tawu ginan sa Kasuguan ni Muysis hanggan ginan sa Kasuratan manga Purupita, nagsabi ti pangulu simbahan ti manga Hudiyu sa usa ka tawu, sabihi sida ni Pablu magkun, “Manga kaparihu nimi Hudiyu, nu kamu may iadal sa ikarig-un manga tawu, tultula yi niyu.”

Binwat 16:34

Pagka nitulbaw yi, tinaban niya sida ni Pablu tag sa kay balay, bag-u kay hinayinan karan-unun. Lubus gid nakabaya ti bantay pirisuhan hanggan kay manga kasunu balay, dahil sida tinudluan ngani hampay sumarig sa Diyus.

Binwat 18:1

Pagka nakapaliwanag yi si Pablu sa manga kunsihal sa Ariyupagu, nighit siya ginan sa Atinas, nag-ati sa banwa Kurintu.

Binwat 18:17

Pagka sa luwas yi, kanda dinuksulan si Sustinis ti pangulu simbahan manga Hudiyu nida, bag-u kanda pinulpug sa sugkadan balay hurusayan. Dapat udyi nagbati si Galyun.

Binwat 19:1

Sa katpung si Apulus sa Kurintu waya, rinmas-ug maan si Pablu sa Ipisu, lakaw sa babaw pag dalan. Pagka siyun sa Ipisu, nikabta siya sa manga magsarig sa kan Hisus.

Binwat 8:12

Dapat ay pagka itinudlu ngani ni Pilipi ti Mayad pag Barita tungkul sa kay paghari Diyus, hanggan tungkul sa kay kapangyarihan ni Hisu-Kiristu, nagsarig yi ngap ti manga tawu sa kan Kiristu bag-u sida itinulbaw una lalaki una babayi.

1 Kurintu 1:2

Inda pag surat tabug sa kanyu, sa iglisya Diyus sa banwa Kurintu. Kamu manga banal dahil sa kanyu pakiusa sa kan Kiristu Hisus. Kamu ipinablag yi ginan sa kalibutan minsan sa tanan tawu sa kada rugar magsampit sa ngaran nita Panginuun Hisu-Kiristu, kanda Panginuun, kanta diman tanan Panginuun.

2 Kurintu 1:1

Inda ti may surat si Pablu kay pinili Diyus hampay kay apustul ni Kiristu Hisus, hanggan kanta patar-ari si Timutiyu. Inda pag surat tabug sa iglisya sa Kurintu hanggan sa manga banal mag-uli sa buu daga Akaya.

2 Kurintu 1:23

Maghiling di ti Diyus, una sa kang tagipusuun. Nakan balaw dap aku nag-asan sa Kurintu dahil kamu kang pagdahanan diman.

2 Kurintu 6:11

Talaghutan gid kanmi pagbagawun sa kanyu duy, sa manga taga Kurintu, sa kaluagan nimi tagipusuun.

2 Timutiyu 4:20

Si Irastu natayak di sa Kurintu, si Turupimu tinayakan niku sa Militu, dahil may sakit siya.

Huswi 24:15

Dapat nu dayu kamu manirbi sa Panginuun, mamili kamu taynguna pag sirang nu si unu kanyu sirbihan. Manirbi aw lugud kamu sa manga diyus pag sirbihan niyu manga ginurang sa baliw dipay Sapa Iyupratis, ngatay sa manga diyus manga Amuriyu kanda daga taynguna kanyu pag-ulian. Dapat aku inda hanggan kang magtal-anakan mansirbi sa Panginuun.”