Binwat 18:7 - Hanunuu

⁷ Tinayakan ngani niya ti manga Hudiyu, nag-ati siya sa balay usa ka balaw Hudiyu niabay sa surundanun Hudiyu, magsamba sa Diyus, kay ngaran si Tisyu Hustu. Ati pag nagdayun si Pablu. Kay balay ni Tisyu mataidan sa simbahan manga Hudiyu.

Binwat 18:7 Iomraidhean Croise

Huwan 9:31

Alam nita ti Diyus unman magpatingi sa tawu nu siya makasalanan. Dapat nu ti tawu magsamba sa Diyus ag magtupad sa kay kagustuhan, pihu gid patingihan Diyus.

Binwat 10:2

Si Kurnilyu hanggan kay manga kasunu balay niabay sa surundanun manga Hudiyu, masipag sida magsamba sa Diyus. Magpakaun diman gid si Kurnilyu kuwarta sa manga Hudiyu nu may kakurian, pirmi diman siya magdarangin sa Diyus.

Binwat 10:22

Sinmagut sida magkun, “Kami duy sinugu ngani ni Kapitan Kurnilyu. Mayad siya pag tawu, niabay yi sa surundanun manga Hudiyu. Paggalangun diman siya tanan manga Hudiyu. Sinabihan siya anghil Diyus kawu yi ngani kunu ti ipabuul niya atag sa kay balay hampay makapatingi siya sa kanmu manga pagsabihun.”

Binwat 13:42

Pagka magluwas yi sa simbahan manga Hudiyu sida ni Pablu ni Birnabi, sinabi manga tawu sa kanda magkun, “Kailangan duy pagpaliwanag maan kamu sa kanmi tungkul sa inda pag manga katutuuhanan sa atubangan pag Sirang Pamahari.”

Binwat 13:43

Pagka ginminan sida sa simbahan manga Hudiyu mayamu tawu ti kinmuyug sa kanda ni Pablu ni Birnabi, una manga Hudiyu una manga balaw Hudiyu manga niabay sa surundanun Hudiyu. Bag-u pinaliwanagan waya sida ni Pablu magkun, “Pagparargu kamu sa kanyu pagsarig sa kay pangaawa Diyus.”

Binwat 13:50

Dapat ay nag-udyuk ti manga Hudiyu sa manga mayaman pag babayi manga niabay sa surundanun Hudiyu hanggan sa manga lalaki may kangaranan sa banwa hampay unu-unuhun nida sida ni Pablu ni Birnabi. Bag-u tinulak ngani sida siyun ginan pag manga rugar.

Binwat 16:14

May usa ka babayi namatingi diman sa kanmi kay ngaran si Lidya taga Tiyatira. Magtinda siya manga pisahan ga dukut dungun ubi. Magsamba siya sa Diyus. Pinalug-ud Panginuun kay tagipusuun hampay maniwala siya sa kay itinudlu ni Pablu.

Binwat 17:4

Ti iba manga manugpatingi nagarya, napaminsan sa kanda ni Pablu ni Silas. Kumun diman ti mayamu manga Giriyigu manga niabay sa surundanun manga Hudiyu hanggan ti manga babayi may katungkulan, balaw di pira, napaminsan waydi sa kanda.

Kulusas 4:11

Pagkamustahun diman kamu ni Huswi kay bansag si Hustu. Sida lang ti manga Hudiyu sitay magsarig sa kan Kiristu ti mag-awat mayad sa kangku sa magtudlu tungkul sa kay maghari Diyus. Pinasulung gid nida kang naisipan.