Binwat 18:6 - Hanunuu

⁶ Pagka dugay naglaban yi sida sa kanya naglibak hanggan. Nakan winagwag ni Pablu ti galbuk sa kay rutay kay tanda laban sa kanda magkun, “Kanyu yi sadili kasalanan nu kamu midamhak sa kaparusahan. Unman yi aku may saragtun. Taynguna ginan aku atag yi sa manga balaw Hudiyu.”

Binwat 18:6 Iomraidhean Croise

2 Samwil 1:16

Magkun si Dabid, “Kawu ti kailangan sisihun sa kanmu kamatayan. Kawu yi ngap ti nagkastigus laban sa kanmu sadili pagka kanmu sinabi minatay nimu ti hari pinili Panginuun.”

1 Hari 2:33

Siya hanggan kay manga linahi managut tugka aban sa pagkamatay inda pag manga tawu. Dapat kang ama si Dabid hanggan kay manga linahi ag kay kaharian pakan-an mayad pag kahamtangan tugka aban.”

Nihimyas 5:13

Ipinagpag niku kang kulimpay sa kang awak bag-u magkun, “Kainda mana ti buwatun Diyus sa kanyu balay hanggan kasiyunan nu unman niyu tupadun kanyu itinaratu. Mana duraun niya inda tanan sa kanyu.” Ti tanan tawu ati nagsagut, “Katida yi ngap!” Bag-u dinayaw nida ti Panginuun. Ag tinupad manga takinan hanggan manga may kangaranan kanda itinaratu.

Isikil 18:13

Magpautang siya may patubu. Mabuhi aw nguna siya? Unman! Mamatay gid inda pag tawu dahil sa tanan mayagting pag manga bagay niya binwat. Siya ti sisihun sa kay kamatayan.

Isikil 33:4

Una si unu ti makadnug budyung dapat unman nagpansin inda, bag-u namatay siya pagka ginira sida, siya ti may saragtun sa kay kamatayan.

Isikil 33:6

Dapat nu nakitan diman bantay magras-ug yi kanda manga kalaban dapat unman niya pinatunug ti budyung hampay pasandaman ti manga tawu, bag-u ginira sida ag may namatay sa kanda, suktun niku ti bantay sa kanda kamatayan una namatay sida dahil diman sa kanda kasalanan.”

Libitiku 20:9

Una si unu ti manmuransa sa kay ama hanggan sa kay ina kailangan matyun.

Matiyu 10:14

Nu balaw kamu tanggapun una patingihan sa usa ka balay aw ngatay banwa, pag-ighit yi kamu siyun ginan. Bag-u pagpagun niyu ti galbuk sa kanyu raprapa bilang pasandam laban sa kanda.

Matiyu 21:41

Sinabi manga manugpatingi sa kan Hisus, “Papasun unman may awa tunda pag manga tawu daut, bag-u iintirga maan niya ti ubasan sa iba pag manga manugtarabahu, sa manga magpakaun sa kay apu nu udas tig bururak.”

Matiyu 21:43

“Nakan ngani kang pagsabihun sa kanyu, bul-un ginan sa kanyu ti kaharian Diyus bag-u ipakaun sa usa ka nasyun tawu magtupad sa kagustuhan Diyus.

Matiyu 22:10

“Bag-u nag-ati yi ngani ti manga panawuhun sa manga karsada. Kanda tinipun ti tanan-tanan nida nakitan, una daut una mayad pag tawu. Nakan napnu tawu ti balay may apu pamasaruhan.

Matiyu 27:25

Sinmabi di gid maan ti manga tawu, “Saragtun nimi hanggan nimi manga anak kay kamatayan niya.”

Matiyu 8:11

Tandai niyu mayamu waya ti rumas-ug ginan sa butlakan hanggan ginan sa isalpan hampay dumulud atag sa karan-an kasaru nida ni Abraham, ni Isaak hanggan ni Hakub sa kaharian langit.

Lukas 22:65

Mayamu waya ti sinabi nida pag lapastangan sa kanya ag minuransa waya nida.

Lukas 9:5

Una naan pag banwa nu unman pagtanggapun kamu manga tawu, pag-ighit yi kamu siyun ginan, pagpaga niyu ti galbuk ginan sa kanyu manga lulud bilang puruyba sa kanda magdayu sa Diyus.”

Binwat 13:51

Nakan pinagpag nida duwa ti galbuk ginan sa kanda lulud ga tanda laban sa manga tawu nag-unuunu sa kanda, bag-u nag-atag sida ni Pablu sa banwa Ikunyu.

Binwat 26:11

Nanalapudan aku sa manga simbahan manga Hudiyu. Nu may nakitan aku manga napasakup sa kan Hisus, pinarusahan niku sida hampay pabul-iwun sida sa kanda pagsarig sa Panginuun. Sa mahigpit niku pangagalit sa kanda, nag-ati diman aku sa manga banwa luwas yi nita nasyun Israil hampay pag-unuunuhun di gid niku ti manga napasakup sa kan Hisus ati.

Binwat 26:20

Nanudlu aku sa Damasku dapu bag-u sa Hirusalim bag-u sa bilug daga Hudiya hanggan sa manga balaw Hudiyu. Namaliwanag aku sa manga tawu kailangan sida mag-ampu sa kanda manga kasalanan ag magpakarani sa Diyus. Bag-u ginan sa kanda mayad pag manga buwat kailangan makitan kanda nag-ampu yi sa kanda manga kasalanan.

Binwat 28:28

Bag-u sinabi waya ni Pablu magkun, “Kailangan pagmaalaman yi gid niyu, duy, inda pag barita ginan sa Diyus tungkul sa karibrihan ipadakit sa manga balaw Hudiyu. Nu bay sida gid pihu mamatingi.”

Ruma 3:29

Ti Diyus lugud Diyus lang aw manga Hudiyu? Unman aw lugud siya Diyus diman manga balaw Hudiyu? Balaw unman, Diyus diman ngap siya manga balaw Hudiyu.

1 Timutiyu 5:22

Danga magkadaldali sa magkupa kamang una sa kantapu hampay pakan-an siya katungkulan sa iglisya. Pagdahan kawu sa dayu kawu maabay sa kasalanan manga iba. Pagpirmi kawu unman may huput kasalanan.

2 Timutiyu 2:25

Kailangan pagmaalumanay siya nu magtamyaw sa manga maglaban sa kanya. Barang nu katida pag paraan, pakan-an sida Diyus rugar hampay makasisi ag makaampu sa kanda kasalanan, agud maalaman nida ti katutuuhanan.

1 Pidru 4:14

Papaladan kamu Diyus nu kamu pagmuransahun dahil kamu napasakup yi sa kan Kiristu, tutuu papaladan kamu dahil nangulian sa kanyu ti makamaskihan pag Ispiritu kadayawan, imaw ti Ispiritu Diyus.

1 Pidru 4:4

Maglingut ngani sida nu hayga nguna udyi kamu magpaminsan taynguna sa unman may kabuluhan pag manga ugali nida. Nakan pagkadat-an nida kamu.