Binwat 18:5 - Hanunuu

⁵ Pagka rinmas-ug sida ni Silas ni Timutiyu ginan sa Masidunya, purus yi si Pablu sirang-sirang sa kay magtudlu Mayad pag Barita. Pag-itultul niya sa manga Hudiyu si Hisus imaw yi ti Pinili Diyus Manugribri pag Hari.

Binwat 18:5 Iomraidhean Croise

Hirimyas 20:9

Nu kas-a, mag-isip aku dayi lang aku manultul tungkul sa kanmu manga bagaw. Dapat balaw duy niku maampara, dahil kanmu bagaw ga apuy maglabdab sa kang tagipusuun hanggan but-ul. Udyi niku inda kaya maampara.

Hirimyas 6:11

Masyadu diman ti galit magkaramdaman niku parihu sa Panginuun ag balaw niku maampara.” Magkun ti Panginuun, “Ipadamdam niku kang galit hanggan sa manga anak magbuybuya sa karsada, sa manga kalay-awan lalaki magtiripnan, sa manga may asawa ag hanggan yi sa manga gurangun.

Isikil 3:14

Kinabyaw aku Ispiritu ag dinara tag sa arayu. Galit aku ag magtuhay kang naisipan, dapat pinigilan aku Panginuun.

Mikas 3:8

“Dapat aku pag-ulianan di Ispiritu Panginuun imaw ti mag-ayaw sa kangku kapangyarihan hampay maipatupad niku ti katadlungan, ag mag-ayaw sa kangku mabisug nalub-anan hampay masabi sa nasakupan Israil ag Huda kuntay nagsalan sida.

Lukas 12:50

May paglakawan waya aku aban usa ka tulbaw. May kabuyatan gid aku sa kang tagipusuun hanggan sa udwaya matupad kang tulbaw.

Lukas 16:28

Dahil may lima waya aku ka patar-ari lalaki. Pasandami niya sida tungkul sa kanmi kahamtangan atay, barang sida sitay tabug waydi sa rugar kakurian.’

Huwan 1:41

Susun yi hinanap ni Andiris kay patar-ari si Simun. Bag-u kan Andiris sinabi sa kanya magkun, “Nakitan duy nimi ti Pinili Diyus Manugribri pag Hari!” (Sa Giriyigu, Kiristu.)

Huwan 10:24

Pagka dugay nagtipun sa kay palibut ti manga Hudiyu. Sinabi nida sa kan Hisus magkun, “Kabitay waya kadugay duy pagpatalinduwahun nimu kami? Pagtapata yi nimu nu kawu ti Pinili Diyus Manugribri pag Hari.”

Huwan 15:27

Bag-u kamu tumultul diman tungkul sa kangku sa manga tawu, dahil kamu manga kaibahan niku ginan waya sa kabag-u kang nanudlu.

Huwan 3:28

Nakadnug diman gid kamu sa kang sinabi magkun, balaw aku ti Pinili Diyus Manugribri pag Hari. Sinugu lang aku hampay umuna sa kanya.

Binwat 10:42

Ibinilin niya sa kanmi pagbarita sa manga tawu kuntay si Hisus yi ngani ti pinili Diyus pag Manugpihu aban sa tanan tawu nu daut nu mayad, una sa manga buhi di waya ag sa manga namatay yi.

Binwat 15:22

Nakan ngani pinagkausahan manga apustul, manga manug-asiwa iglisya hanggan buu iglisya hampay pumili sida ginan sa kanda gurupu manga masugu nida tabug sa Antiyukya, kaibahan nida ni Pablu ni Birnabi. Bag-u pinili ngani nida si Hudas, kay usa ka ngaran si Barsabas, hanggan si Silas, parihu sida takinan manga patar-ari sa Panginuun.

Binwat 16:1

Nag-ati diman si Pablu sa banwa Dirbi hanggan sa banwa Listara. May usa ka tawu ati magsarig diman sa kan Hisus, kay ngaran si Timutiyu. Kay ina ni Timutiyu Hudiyu, napasakup diman sa kan Hisus. Kay ama Giriyigu.

Binwat 16:12

Ginan sa Niyapulis kami linmakaw tabug sa banwa Pilipus, sakup diman sa bahagi daga Masidunya. Ti banwa Pilipus ulian manga taga Ruma. Siyun kami manga pira ka sirang.

Binwat 16:9

Ati katpung pag yabi may ipinakakit ti Panginuun sa kan Pablu. May usa ka lalaki taga Masidunya matindugan ag magdangup sa kan Pablu magkun, “Pagluwang duy kawu atag sa Masidunya, awati nimu kami.”

Binwat 17:3

Ipinaliwanag niya ti pagsabihun sa Banal Kasuratan. Itinultul niya kailangan mag-agwanta ti Pinili Diyus Manugribri pag Hari bag-u buhiun maan ginan sa kamatayan. Magkun siya, “Inda pag Hisus kang pag-itudlu sa kanyu imaw yi ngani ti Pinili Diyus Manugribri pag Hari.”

Binwat 18:28

Dahil udyi may sagut ti manga Hudiyu sa kay nangatadlungan ni Apulus sa kanda sa atubangan mayamu tawu. Ginan sa Banal Kasuratan itinultul niya si Hisus imaw ti Pinili Diyus Manugribri pag Hari.

Binwat 2:36

“Nakan ngani kamu ti buu nasyun Israil, pagpasnui yi niyu kuntay tunda pag Hisus kanyu ipinaku sa kurus imaw ngap ti binwat Diyus Panginuun. Siya yi ti Pinili Diyus Manugribri pag Hari.”

Binwat 20:21

Nangungud gid aku sa kang magpaliwanag sa manga Hudiyu una sa manga balaw Hudiyu, magkun kailangan gid sida pag-ampu sa kanda kasalanan sa atubangan Diyus, pagsarig sa kanta Panginuun Hisus.

Binwat 20:23

Inda lang kang magkaalaman, sa kada banwa may ipinasandam gid ti Ispiritu Banal sa kangku kang patabgan ati sa pirisuhan hanggan mahigpit pag kakurian.

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Binwat 4:20

Nu kami bay duy, dayu gid kami umapas kanmi magtultul tungkul sa kanmi nakitan ag kanmi nadnugan.”

Binwat 9:22

Dapat ay amat-amat lalu waya malinaw kan Saulu paliwanag. Naglingut ti manga Hudiyu nangulian sa Damasku dahil marig-un kay nagtultul tungkul sa kan Hisus siya yi ti Pinili Diyus Manugribri pag Hari.

2 Kurintu 1:19

Ti Anak Diyus si Hisu-Kiristu imaw ti itinudlu nimi ni Silbanu ni Timutiyu sa kanyu magkun unman magkatalinduwa si Kiristu, balaw may “hu”, may “unman,” nu “unman” tutuu yi gid “hu”.

2 Kurintu 11:9

Pagka aku naiwdan kang asan, unman diman aku nagpabyat sa una hintay sa kanyu, dahil rinmas-ug ti manga patar-ari ginan sa Masidunya kanda dinarahan aku kang-ud pag awat sa tanan niku pangailangan. Ginan waya sa kabag-u inamanan niku sa danga mabyatan kamu sa una hintay pag bagay. Ag inda pag ugali niku balaw umanun niku hanggan waya aban.

2 Kurintu 5:14

Dahil ngani kay pagmahal ni Kiristu tigpil-it sa kanmi. Kanmi ngani nasalman ti usa namatay tungkul sa tanan tawu. Nakan ngani masabi nita ti tanan tawu namatay.

Pilipus 1:23

Aku napil-it yi sa duwa ka bagay. Kang gustu aku mamatay hampay kaibahan yi ni Kiristu, dahil pihu gid imaw ti pinakamayad.

1 Tisalunika 3:2

ag nu suguun tag sa kanyu kanta patar-ari si Timutiyu. Parihu diman ga kanmi siya pinili waydi Diyus hampay manugtudlu Mayad pag Barita tungkul sa kan Kiristu. Sinugu nimi siya hampay parig-unun niya kamu ag hampay pabisugun kamu sa kanyu pagsarig sa Panginuun,

1 Tisalunika 3:6

Taynguna nakaras-ug yi maan si Timutiyu asan ginan. May dara siya marinu pag barita tungkul sa kanyu pagsarig hanggan kanyu pagmahal. Itinultul diman niya sa kanmi pirmi kami kanyu pag-isipun, magtagakakiti kamu sa kanmi parihu sa kanmi gustu makakit sa kanyu.

1 Pidru 5:12

Sa kang nagsurat inda sa kanyu aku inawatan ni Silbanu. Alam niku siya usa ka masarigan pag patar-ari. Sa inda ngani pag surat dag-ud dag-ud kang gustu pabisugun niku kanyu naisipan, ag kang diman pag-isabi sa kanyu inda ngani ti tutuu pag kaayadan kay ipinakaun Diyus. Dagkaanggihut kamu ginan sa inda pag pakaun kaayadan.