Binwat 17:5 - Hanunuu

⁵ Dapat ti manga Hudiyu magkadaut nakan kanda tinipun ti manga tawu unman masyadu may kabuluhan bag-u kanda ginulu ti banwa. Bag-u dinugma nida kan Hasun balay sa kanda magpakahanap gid sa kanda ni Pablu ni Silas hampay nu makitan yi, ipaatubang nida sa tawu banwa.

Binwat 17:5 Iomraidhean Croise

Kanta 35:15

Dapat katpung aku yi ti magkakurian, nagtipun sida magbarayaan. Ti manga tawu balaw niku kilala, nagtipun hampay aku unu-unuhun. Ag unman may apas kanda magpuya sa kangku.

Kanta 69:12

Paglibakun aku manga tawu matukawan sa puwirtahan banwa, ag ti manga langu magpathaw manga pangaway pag manga kanta tungkul sa kangku.

Kabagawan 14:30

Ti may kahusayan pag naisipan ikaayad bilug, dapat ti hirak parihu sa sakit mag-arit-it sa manga but-ul.

Isayas 26:11

Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Matiyu 27:18

Dahil alam ni Pilatu maghirak sida, nakan kanda ipinabahala si Hisus sa kanya.

Binwat 13:45

Dapat ay pagka nakitan manga Hudiyu ti kayamuan gid tawu, naghirak gid sida nakan pinahimudil lang nida kay manga pagsabihun ni Pablu, minura waya nida siya.

Binwat 14:19

Dapat ay may rinmas-ug ati sa Listara manga Hudiyu ginan sa Antiyukya hanggan ginan sa Ikunyu. Inudyukan nida ti manga tawu laban sa kan Pablu bag-u kanda binatu siya. Pagka kanda hantup tigbak yi si Pablu, kanda kinarudkud tag sa luwas banwa.

Binwat 14:2

Dapat may manga Hudiyu nagdayu sumarig sa kan Hisus. Pagka dugay inudyukan nida ti manga balaw Hudiyu hampay lumaban sa manga patar-ari.

Binwat 17:13

Dapat ay pagka nabaritaan manga Hudiyu sa Tisalunika kuntay itinudlu diman ni Pablu sa Biriya ti Bagaw Diyus, nag-ati sida inudyukan nida ti manga tawu banwa hampay magbuwat kaguluhan.

Binwat 17:6

Pagka unman nakitan nida sida ni Pablu ni Silas, kinarudkud nida si Hasun ag may iba waya pag manga patar-ari atag sa atubangan manga pinunu banwa bag-u kanda irininggit magkun, “Kanta banwa sinulud manga tawu magpan-gulu una lang naan pag rumas-ug sida.

Binwat 17:7

Kan Hasun pinasaka sida sa kay balay. Sida tanan maglabag sa manga batas Pangulu Hari, dahil pagsabihun nida may hari waya tuhay, kay ngaran si Hisus.”

Binwat 17:9

Pagka si Hasun hanggan kay manga kaibahan binul-an nida kuwarta, kanda maan pinalpasan.

Binwat 18:12

Pagka si Galyun pinatukaan sa pagkagubirnadur sa Akaya, nagkausa ti manga Hudiyu, dinakup nida si Pablu bag-u kanda ipinaatubang sa husgadu.

Binwat 19:40

Madala pag kahulugan. Nu kita idimanda sa inda pag kaguluhan taynguna pag sirang, kita ud may isagut dahil ud may pulus inda pag kaguluhan.”

Binwat 7:9

“Pagka dugay nainggit kanta manga kaapu-apuhan sa kanda patar-ari sa kan Husi, nakan kanda ipinabili siya hampay panawuhun yi siya ati sa daga Ihiptu. Dapat balaw siya pinabay-anan Diyus.

Ruma 16:21

Kang kaawat sa buruwatun si Timutiyu magpaingana nu kabitay kamu asan hanggan kang manga kaparihu Hudiyu sida ni Lusyu, ni Hasun, ni Susipatru magpaingana waydi.

1 Kurintu 3:3

Dahil una kainda kamu magpatingi waya sa kanyu sadili kagustuhan pagkatawu. Nu kamu maghirirakan hanggan magtalaluhan unman aw lugud kamu mag-ugali angay sa kanyu sadili kagustuhan pagkatawu? Unman aw lugud kanyu pagsundan ti manga kaugalian manga tawu magpatingi lang sa kanda sadili kagustuhan?

2 Kurintu 11:26

Sa tanan niku lakaw, nalabanan di niku ti tuhay-tuhay pag manga madala, ti manga sapa, ti manga tulisan, ti kang manga kaparihu Hudiyu, una ti manga balaw Hudiyu, manga madala sa manga banwa, sa pangawakawaan, sa dagat, sa manga tawu magpabalhinguun kuntay patar-ari.

Galasya 5:21

ti maghirirakan, ti maglangu, ti magkadara sa kasayahan, hanggan ti iba waya buwat parihu sa kainda pag buwat. Pagsabihan niku kamu parihu diman sa kaybi, balaw gid makapasakup sa kay paghari Diyus ti tawu nu buwatun niya ti katunda pag manga bagay.

Galasya 5:26

Danga kita palabi-labihun, maraaway, danga kita maghirirakan.

1 Tisalunika 1:6

Nag-ugali kamu naghuwad sa kanmi hanggan sa Panginuun. Tinanggap niyu ti Mayad pag Barita may kabayaan kay ipinakaun Ispiritu Banal sa kanyu, madi nakalakaw diman waydi kamu madala pag kakurian.

Santiyagu 4:5

Barang kanyu isip unman mahalaga ti nisurat sa Banal Kasuratan magkun, “Magkaibug gid ti Diyus magpakiusa sa manga tawu, dahil kay pinakan-an sida arup.”

Talaghusay 9:4

Pinakan-an nida si Abimilik 70 ka bilug pilak ginan sa balay diyus-diyusan ni Baal Birit, ag ginamit niya inda pansuhul sa manga tawu unman may pulus kanda pagbuwatun hampay sumunud sa kanya.