Binwat 16:2 - Hanunuu

² Ti manga patar-ari sa Listara ag sa Ikunyu sa kanda magkilala sa kan Timutiyu siya mayad pag tawu.

Binwat 16:2 Iomraidhean Croise

Binwat 1:15

Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

Binwat 13:51

Nakan pinagpag nida duwa ti galbuk ginan sa kanda lulud ga tanda laban sa manga tawu nag-unuunu sa kanda, bag-u nag-atag sida ni Pablu sa banwa Ikunyu.

Binwat 14:1

Katunda diman ti nangyari sa Ikunyu. Nag-ati sida ni Pablu ag ni Birnabi sa simbahan manga Hudiyu. Mahal gid kanda itinudlu sa manga tawu, nakan mayamu gid ti nagsarig sa kan Hisus una Hudiyu una balaw Hudiyu.

Binwat 14:21

Itinudlu nida ni Pablu ni Birnabi ti Mayad pag Barita sa banwa Dirbi. Mayamu tawu ati kanda binutung sa magsarig sa kan Hisus. Bag-u binmalik maan sida tag sa Listara, sa Ikunyu hanggan sa Antiyukya.

Binwat 14:6

Dapat ay pagka naalaman manga apustul sida paggayakun yi, nagpalagiw sida ginan sa Ikunyu, nag-ati sa banwa Listara hanggan banwa Dirbi, sakup sa Likaunya pag daga. Nag-ati diman sida sa manga rugar sa palibut.

Binwat 16:40

Pagka sida ni Pablu nagluwas yi ginan sa pirisuhan, inmati maan gid sida sa balay ni Lidya. Kanda naras-ugan ati ti manga patar-ari. Kanda binilinan sida magkun, “Pagpakarig-un kanyu pagsarig sa Panginuun.” Bag-u nighit sida ni Pablu ni Silas.

Binwat 6:3

Nakan manga patar-ari, pagpili kamu ginan sa kanyu sa manga patar-ari pitu ka lalaki tunda manga magkaalaman yi waydi kuntay mabuut ag lubus sinuldan Ispiritu Banal. Bag-u sida ti pakan-an nimi inda pag katungkulan sa mag-asikasu sa maghururayan pangailangan sa manga buranday.

Pilipus 2:22

Dapat ay naalaman yi waydi niyu matinupadun si Timutiyu. Inawatan niya aku sa kang magtudlu Mayad pag Barita, parihu ga anak mag-awat sa kay ama.

1 Timutiyu 3:7

Kailangan diman siya galangun manga tawu bukun kakampi sa iglisya hampay balaw siya mapuyaan ag dayu siya makasulun sa dit-ag ni Satanas.

1 Timutiyu 5:10

kailangan pagpatutuuhanan manga iba kuntay mayad kay buwat, mayad kay nagpadaka sa kay manga anak, mahusay kay nagtanggap sa manga nagsabang sa kay balay. Nagsirbi diman siya sa manga patar-ari sa Panginuun, nangawat sa manga may kakurian, ihinanda niya kay sadili sa tanan mayad pag buwat.

1 Timutiyu 5:25

Katunda diman waydi may marinu pag manga buwat madali mag-akitan sa tawu. Una unman mag-akitan madali, balaw diman waydi mitagu tunda hanggan aban.

2 Timutiyu 3:11

Alam diman nimu ti manga mag-unuunu sa kangku hanggan kang inagwanta sa Antiyukya, sa Ikunya, ag sa Listara. Masyadu gid inunu-unu aku ati katpung, dapat sa tanan pag manga kakurian tunda ipinaribri di aku Panginuun.

2 Timutiyu 3:15

Ginan sa diit di waya kawu, naanad yi kawu sa Banal Kasuratan, imaw ti makapakaun kadunungan sa kanmu sa ikaribri nimu nu kawu magsarig sa kan Kiristu Hisus.

Hibriyu 11:2

Kaybi pag manga ginurang pagbayaun Diyus dahil sa kanda pagsarig.