Binwat 16:16 - Hanunuu

¹⁶ Pagka kami mag-atag maan sa rugar dararanginan, nasulang kami usa ka babayi suruguun inapuan labang manughula. Daka pag kuwarta ti pagtanggapun niya manga amu dahil sa kay maghula.

Binwat 16:16 Iomraidhean Croise

2 Hari 21:6

Isinagda niya kay sadili pag anak sa apuy. Binwat diman niya ti manga pagbuwatun manga panhirian hanggan manga manugpintu, ag nagpaingana siya sa manga pandaniwan maghampang sa karadwa manga namatay. Subra gid kay kasalanan sa Panginuun, pag-ikagalit inda Panginuun.

1 Krunika 10:13

Namatay si Saul dahil balaw siya matinupadun sa Panginuun. Unman niya tinupad ti sugu Panginuun, ag nandangup waya ngani siya sa manga pandaniwan

Isayas 8:19

Nu may magsabi sa kanyu paghagad kamu pasandam ginan sa manga namatay sa panab-anan manga panhirian ag manga pandaniwan magbudung-budung, danga niyu pagbuwata tida. Unman aw kailangan sa Diyus kamu paghumagad pasandam? Hayga sa manga namatay kamu pag mamaingana para sa buhi?

Libitiku 19:31

Danga kamu magdangup sa manga pandaniwan maghampang sa manga karadwa namatay, dahil nu buwatun niyu inda miminsan kamu sa mayagting. Aku ti Panginuun kanyu Diyus.

Libitiku 20:27

Nu may imaw sa kanyu pandaniwan maghampang sa karadwa manga namatay, kailangan gid bintukun siya tugka sa mamatay. Siya di waydi ti dahilan niya kamatayan.

Libitiku 20:6

Saadan diman niku ti manga magdangup ag magsunud sa manga pandaniwan maghampang sa karadwa manga namatay. Balaw niku sida kilalan-un nasakupan niyu.

Binwat 16:13

Pagka sa Sirang Pamahari nagluwas kami sa banwa, nag-ati kami sa pangpang sapa, kanmi isip barang ati may rugar dararanginan manga Hudiyu. Tinmukaw kami naghampang sa manga babayi nagtiripun ati.

Binwat 16:18

Imaw-imaw diman kay buwat tunda pag babayi suruguun sirang-sirang. Pagka dugay nauyamut si Pablu, nakan napasrangu siya tag sa babayi suruguun bag-u sinabi niya sa labang magkun, “Sa kamaskihan ngaran ni Hisu-Kiristu, kang pagsuguun kawu pagluwas yi kawu ginan sa inda pag babayi.” Susun yi ngani nagluwas ti labang ginan sa babayi suruguun.

Binwat 16:19

Pagka naalaman niya manga amu udyi masarigan mapakinabangan tunda pag babayi suruguun, dinuksulan nida sida ni Pablu ni Silas, kanda kinarudkud atag sa palasa kanda ipinaatubang sa manga pinunu.

Binwat 19:24

May usa ka manugpanday pilak ati, kay ngaran si Dimitriyu. Magpanday siya manga diit pag mustara balay simbahan ni diyus-diyusan Artimis. Si Dimitriyu hanggan kay manga kaawat may pagtanggapun daka pag kuwarta sa tunda pag tarabahu.

Galasya 5:20

ti magsamba sa diyus-diyusan, ti magpadaya, ti magkutub daut, ti magkagalit, ti mag-imun, ti magkaradat-an, ti maramuun, ti magkinanya-kanya yi isip, ti mag-arapinan,

1 Timutiyu 6:10

Dahil ti hangad sa kuwarta imaw ti gimpuunan tanan kadautan. Dahil may manga tawu maraibgun sa kuwarta nagsimray sa kanda pagsarig, nagpakaun sida kakurian sa kanda sadili buhi.

2 Timutiyu 3:8

Tunda pag manga lalaki magtudlu maglaban sa katutuuhanan parihu diman sa kanda ni Hanis ni Hambiris naglaban sa kan Muysis. Udyi sida may pag-isipun kaayadan, nakan nakilala kanda pagsarig kuntay unman may kabuluhan.

2 Pidru 2:3

Manga maramuun sida, nakan magpabalhinguun sida sa kanda tudlu hampay sida pakan-an niyu kuwarta. Ginan waya sa kabag-u ihinanda yi ti sintinsiya sa kanda, alistu yi sumintinsiya.

1 Samwil 28:3

Tunda katpung namatay yi si Samwil. Pagka namatay siya nanhimanglaw sa kanya ti buu Israil, ag ilinbung sa kay banwa ati sa Rama. Ati katpung pinaighit yi ni Saul ti manga pandaniwan hanggan manga manughula sa Israil.

1 Samwil 28:7

Bag-u magkun si Saul sa kay manga suruguun, “Hanapi niyu aku babayi pandaniwan ti mahimu niku mapaingan-an.” Sinmagut kay manga suruguun, “May imaw duy ati sa Indur.”