Binwat 15:4 - Hanunuu

⁴ Pagka rinmas-ug sa Hirusalim sida ni Pablu ni Birnabi hanggan kanda manga kaibahan, tinanggap sida iglisya hanggan manga apustul hanggan manga manug-asiwa iglisya bag-u itinultul nida ni Pablu sa kanda nu kabitay sida ginamit Diyus sa tanan niya buruwatun.

Binwat 15:4 Iomraidhean Croise

Matiyu 10:40

Magkun si Hisus, “Tigtanggap sa kanyu magtanggap diman sa kangku. Tigtanggap sa kangku kay tanggapun diman niya ti nagsugu sa kangku.

Binwat 11:30

Katunda yi ngani kanda binwat. Ipinabahala nida kanda pakaun sa kanda ni Birnabi ni Saulu imaw ti nagtibu atag sa manga manug-asiwa iglisya ati sa Hudiya.

Binwat 14:27

Pagka rinmas-ug sida sa Antiyukya, tinipun nida ti iglisya bag-u itinultul nida sa manga patar-ari nu kabitay sida ginamit Diyus sa tanan niya buruwatun ag nu kabitay ti Diyus nagbuwat paraan sa manga balaw Hudiyu hampay sida makasarig sa kan Hisus.

Binwat 15:12

Udyi nag-ingay sida tanan. Bag-u namatingi sida sa kanda ni Birnabi ni Pablu nanultul nu kabitay sida pinakan-an kamaskihan Diyus hampay makabuwat manga makadululaw pag tanda sa karaw-an manga balaw Hudiyu.

Binwat 15:2

Sida ni Pablu ni Birnabi balaw napatalu sa mahigpit pag kalatadlunganan sa kanda. Nakan pagka dugay pinagkausahan nida kailangan umati sa Hirusalim sida ni Pablu ni Birnabi may kumuyug manga patar-ari taga Antiyukya hampay manhampang sa manga apustul hanggan sa manga manug-asiwa iglisya tungkul sa inda pag kakurian.

Binwat 15:22

Nakan ngani pinagkausahan manga apustul, manga manug-asiwa iglisya hanggan buu iglisya hampay pumili sida ginan sa kanda gurupu manga masugu nida tabug sa Antiyukya, kaibahan nida ni Pablu ni Birnabi. Bag-u pinili ngani nida si Hudas, kay usa ka ngaran si Barsabas, hanggan si Silas, parihu sida takinan manga patar-ari sa Panginuun.

Binwat 15:3

Nakan sinugu ngani sida iglisya. Sa kanda maglakaw sa daga Pinisya hanggan sa Samarya itinultul nida nu kabitay ti manga balaw Hudiyu nagsarig yi waydi sa Diyus. Pagka nadnugan manga patar-ari inda pag manga barita, nakabaya gid ungud sida tanan.

Binwat 15:6

Nagharampangan ti manga apustul hanggan ti manga manug-asiwa iglisya hampay kanda pag-adalan inda pag kakurian.

Binwat 16:4

Sa kanda maglakaw ni Pablu sa manga banwa ipinadakit nida sa manga patar-ari ti manga paanyu ginan sa manga apustul hanggan ginan sa manga manug-asiwa iglisya sa Hirusalim. Bag-u sinabihan waya nida ti manga patar-ari kailangan kanda tupadun tunda pag manga paanyu.

Binwat 18:27

Pagka kay gustu ni Apulus dumipay atag sa Akaya, inawatan siya manga patar-ari sa Ipisu. Pinmadara sida surat tabug sa manga patar-ari sa Akaya hampay kanda gid tanggapun si Apulus. Pagka rinmas-ug si Apulus sa Akaya, mayad gid pinarig-un niya ti manga nagsarig sa kan Hisus dahil sa kay mayad nabubut-un Diyus.

Binwat 21:17

Pagka kami rinmas-ug sa Hirusalim, masulung gid ti manga patar-ari kanda nagtanggap sa kanmi.

Binwat 21:19

Pagka sida kinamusta ni Pablu, tinaluktukud itinultul niya sa kanda ti tanan binwat Diyus sa manga balaw Hudiyu dahil sa kay magsirbi sa buruwatun Panginuun.

Ruma 15:18

Dahil pinanghasan niku itinultul kay binwat lang ni Kiristu, ginamit niya aku hampay makabutung sa manga balaw Hudiyu tabug sa pagsunud sa Diyus dahil sa kang manga pagbagawun hanggan pagbuwatun,

Ruma 15:7

Nu kabitay kamu ungud tinanggap ni Kiristu, katunda diman waydi ti buwatun niyu sa kada usa hampay pagdayawun niyu ti Diyus.

1 Kurintu 15:10

Dapat dahil sa pangaawa Diyus, aku ngap apustul. Ag balaw inuyang ti ipinakaun niya sa kangku. Aku nagbudlay subra man sa kanda tanan, balaw sa kangku pag kakayahan nu unman sa awa ag awat Diyus.

2 Kurintu 5:19

Kanmi ibug sabihun, ginan sa kan Kiristu nipausa Diyus ti taga kalibutan sa kanya. Udyi pag-alalahanun niya kanda manga kasalanan. Ipiniyar Diyus sa kanmi inda pag barita hampay ti manga tawu ipausa ngani sa kanya.

2 Kurintu 6:1

Kami manga kaawat Diyus sa buruwatun. Nakan pagpakapaanyuan nimi kamu danga pagpasipalahan ti manga kaayadan kay ipinakaun Diyus sa kanyu.

Kulusas 4:10

Pagkamustahun kamu ni Aristarku, parihu diman pinirisu kami. Pagkamustahun diman kamu ni Markus kay pinsan ni Birnabi. May bilin yi aku sa kanyu tungkul sa kan Markus, tanggapa niyu siya kaayad nu rumas-ug siya asan sa kanyu.

2 Huwan 1:10

Una gid hintay ti rumas-ug sa kanyu nu bukun inda kay pag-itudlu, danga gid niyu tanggapun siya sa kanyu balay, danga gid niyu pagbatia.