Binwat 15:3 - Hanunuu

³ Nakan sinugu ngani sida iglisya. Sa kanda maglakaw sa daga Pinisya hanggan sa Samarya itinultul nida nu kabitay ti manga balaw Hudiyu nagsarig yi waydi sa Diyus. Pagka nadnugan manga patar-ari inda pag manga barita, nakabaya gid ungud sida tanan.

Binwat 15:3 Iomraidhean Croise

Lukas 15:32

Dapat kailangan kita magbaya gid ag masulung lubus, dahil sitay tigbak kanmu ari ag taynguna buhi yi maan. Sitay nadura ag kainda nakitan maan.’ ”

Binwat 1:15

Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

Binwat 13:48

Pagka nadnugan manga balaw Hudiyu kay manga sinabi ni Pablu, nakabaya gid sida nagdayaw gid sida sa kay bagaw Panginuun. Tunda pag manga tawu kay pinili Diyus hampay makatanggap tutuu pag buhi unman may katapusan nagsarig ngani sa kan Hisus.

Binwat 13:52

Dapat ti manga nagsarig sa kan Hisus sa Antiyukya may kabayaan gid sa kanda tagipusuun, lubus sida sinuldan Ispiritu Banal.

Binwat 14:27

Pagka rinmas-ug sida sa Antiyukya, tinipun nida ti iglisya bag-u itinultul nida sa manga patar-ari nu kabitay sida ginamit Diyus sa tanan niya buruwatun ag nu kabitay ti Diyus nagbuwat paraan sa manga balaw Hudiyu hampay sida makasarig sa kan Hisus.

Binwat 15:1

May manga tawu nagluwang sa Antiyukya ginan sa Hudiya. Kanda tudlu sa manga patar-ari magkun, “Dayu mahimu kamu maribri nu unman kamu turiun dapu angay sa Kasuguan ni Muysis.”

Binwat 15:12

Udyi nag-ingay sida tanan. Bag-u namatingi sida sa kanda ni Birnabi ni Pablu nanultul nu kabitay sida pinakan-an kamaskihan Diyus hampay makabuwat manga makadululaw pag tanda sa karaw-an manga balaw Hudiyu.

Binwat 15:22

Nakan ngani pinagkausahan manga apustul, manga manug-asiwa iglisya hanggan buu iglisya hampay pumili sida ginan sa kanda gurupu manga masugu nida tabug sa Antiyukya, kaibahan nida ni Pablu ni Birnabi. Bag-u pinili ngani nida si Hudas, kay usa ka ngaran si Barsabas, hanggan si Silas, parihu sida takinan manga patar-ari sa Panginuun.

Binwat 15:32

Sida ni Hudas ni Silas manga purupita diman waydi, nakan nadugay waya sida ati nanudlu sa manga patar-ari hampay pagpabisugun kanda naisipan ag pagparig-unun kanda pagsarig.

Binwat 15:4

Pagka rinmas-ug sa Hirusalim sida ni Pablu ni Birnabi hanggan kanda manga kaibahan, tinanggap sida iglisya hanggan manga apustul hanggan manga manug-asiwa iglisya bag-u itinultul nida ni Pablu sa kanda nu kabitay sida ginamit Diyus sa tanan niya buruwatun.

Binwat 17:15

Ti manga nagtibu sa kan Pablu kinmuyug sa kanya hanggan tugka sa banwa Atinas. Bag-u nuli maan sida tag sa Biriya may padakit bilin ginan sa kan Pablu atag sa kanda ni Silas ni Timutiyu, pag-usig kunu sida sa kanya dag yi dugay.

Binwat 20:38

Lalu gid ungud sida rinmuku dahil sa kay sinabi magkun, udyi makitan nida siya aban. Bag-u kanda itinibu siya tag sa bangka.

Binwat 21:5

Pagka lawuy pitu ka yabi, nighit maan kami siyun ginan naparargu di kanmi lakaw. Itinibu kami nida tanan, hanggan kanda manga asawa manga anak, tabug sa luwas banwa. Pagka sa baybay yi, linmuhud kami tanan nandarangin.

Binwat 28:15

Pagka naalaman manga patar-ari sa Ruma tungkul sa kanmi lakaw, nag-atag sida ti iba tugka sa Palingkihan Apyu, ti iba tugka sa may Tulu ka Darayunan hampay magsulang sa kanmi sa dalan. Pagka nakitan ni Pablu ti manga patar-ari nagpasalamat siya sa Diyus, nagmabisug maan kay naisipan.

Binwat 8:14

Naalaman manga apustul ati sa Hirusalim ti manga tawu taga Samarya nagtanggap sa Bagaw Diyus. Nakan sinugu nida sida ni Pidru ni Huwan atag sa Samarya.

Ruma 15:24

Magtagasampaki gid aku sa kanyu kang atag sa Ispanya sa panab-anan mana niyu awat. Alam niku masulung gid aku sa kanta pagsampak una ngalay lang.

1 Kurintu 16:11

Una hintay pag tawu danga magpalabi-labi laban sa kanya. Lalu awatan ngapu niyu siya para masulung kay maglakaw hampay makasitay siya sa kangku. Dahil una aku una hanggan ti manga patar-ari maggagad yi gid sa kanya.

1 Kurintu 16:6

Dapat siguru aku madugay aban sa kanyu hanggan sa ud makalawuy ti amihanun, hampay aku awatan niyu sa kang paglakaw una naan tabug.

2 Kurintu 1:16

Kang gayak makalakaw gid aku sa kanyu kang atabug sa Masidunya, nu aban aku mag-uli ginan sa Masidunya asan di maan lakaw sa kanyu hampay aku kanyu diman waydi awatan sa kang maglakaw atabug sa Hudiya.

Titu 3:13

Danga nimu pabay-ani, awati di gid nimu si Aturni Sinas hanggan si Apulus hampay balaw maatrasadu kanda maglakaw. Pihua gid nimu pagkang-ud kanda manga balalunun.