Binwat 15:2 - Hanunuu

² Sida ni Pablu ni Birnabi balaw napatalu sa mahigpit pag kalatadlunganan sa kanda. Nakan pagka dugay pinagkausahan nida kailangan umati sa Hirusalim sida ni Pablu ni Birnabi may kumuyug manga patar-ari taga Antiyukya hampay manhampang sa manga apustul hanggan sa manga manug-asiwa iglisya tungkul sa inda pag kakurian.

Binwat 15:2 Iomraidhean Croise

Pag-ighit 18:23

Alam niku inda ti gustu Diyus kanmu buwatun, nu sundun nimu inda, udyi kawu makurian. Ag makauli inda pag manga tawu may kahusayan.”

Binwat 10:23

Bag-u kan Pidru pinasaka sida sa balay magkun, “Pag-igya waya kamu sitay.” Pagka surip nag-alistu si Pidru bag-u kinmuyug siya sa kanda. May kaibahan waya siya manga patar-ari taga Hupi.

Binwat 11:12

Sinabi Ispiritu sa kangku danga kunu mag-alaala, pagkuyug yi lang aku sa kanda. Inda pag unum ka patar-ari taga Hupi nagkuyug diman sa kangku tabug sa Sisariya. Pagka kami rinmas-ug, nagsaka ngani kami sa balay ni Kurnilyu.

Binwat 11:30

Katunda yi ngani kanda binwat. Ipinabahala nida kanda pakaun sa kanda ni Birnabi ni Saulu imaw ti nagtibu atag sa manga manug-asiwa iglisya ati sa Hudiya.

Binwat 15:25

Nakan pinagkausahan nimi pumili kami manga masugu tabug sa kanyu, ipakuyug sa kanda ni Birnabi ni Pablu, kanta pagmayadun pag manga patar-ari,

Binwat 15:27

Nakan ngani sinugu nimi tag sa kanyu sida ni Hudas ni Silas, hampay itultul nida sa kanyu ti kanmi isinurat sa inda pag surat.

Binwat 15:4

Pagka rinmas-ug sa Hirusalim sida ni Pablu ni Birnabi hanggan kanda manga kaibahan, tinanggap sida iglisya hanggan manga apustul hanggan manga manug-asiwa iglisya bag-u itinultul nida ni Pablu sa kanda nu kabitay sida ginamit Diyus sa tanan niya buruwatun.

Binwat 16:4

Sa kanda maglakaw ni Pablu sa manga banwa ipinadakit nida sa manga patar-ari ti manga paanyu ginan sa manga apustul hanggan ginan sa manga manug-asiwa iglisya sa Hirusalim. Bag-u sinabihan waya nida ti manga patar-ari kailangan kanda tupadun tunda pag manga paanyu.

Binwat 21:18

Pagka sa usa ka sirang, nansabang kami ni Pablu sa kan Santiyagu. Siyun diman hanggan ti manga manug-asiwa iglisya.

1 Kurintu 1:1

Inda duy aku si Pablu ti may surat hanggan kanta patar-ari si Sustinis. Aku si Pablu napili Diyus hampay apustul ni Hisu-Kiristu angay sa kay kagustuhan Diyus.

2 Kurintu 11:5

Dapat kang isip aku balaw lang ga tunda kanyu pagkumnun mayad pag manga apustul.

Galasya 2:5

Dapat ay kami unman napasakup sa kanda kagustuhan una di ngalay-ngalay, hampay madahanan nimi ti katutuuhanan Mayad pag Barita para sa kanyu.

Hudas 1:3

Mahal niku pag manga patar-ari, kang gid mana gustu magsurat tag sa kanyu tungkul sa karibrihan nita tanan. Dapat ay pilit aku sumurat pumaanyu sa kanyu hampay kanyu ingatan ti katutuuhanan tungkul sa kanta pagsarig una may manga kalaban. Inda pag katutuuhanan kas-a lang ginan iinintirga sa manga napasakup sa Diyus.

1 Samwil 8:7

Magkun ti Panginuun sa kanya, “Buwata ti pagsabihun manga tawu sa kanmu, balaw kawu kanda pagdayuun nu unman aku ngap.