Binwat 15:10 - Hanunuu

¹⁰ Hayga kanyu pagsubukan ti Diyus? Hayga kanyu pagpakan-an ti manga patar-ari kakurian ga baba mabuyat, unman diman nakaya nita una nita manga ginurang.

Binwat 15:10 Iomraidhean Croise

Pag-ighit 17:2

Nakan nangatadlungan sida sa kan Muysis ag magkun, “Pakan-i kami danum.” Sinmagut si Muysis, “Hayga kamu magpangatadlungan sa kangku? Hayga kanyu pagsubukan ti Panginuun?”

Isayas 7:12

Dapat sinmagut si Akas, “Balaw aku manhagad palatandaan. Balaw niku subukun ti Panginuun.”

Matiyu 23:4

Kanda pag-ipatupad sa kanyu ti makuri pag kasuguan, dapat sida ngap ti unman magtupad tunda.

Matiyu 4:7

Sinabi maan ni Hisus sa kanya, “Nisurat diman sa Banal Kasuratan magkun, ‘Danga pagsubuki nimu ti Diyus imaw kanmu Panginuun.’ ”

Binwat 5:9

Bag-u sinabi ni Pidru sa kanya magkun, “Hayga pinagkamhanan niyu subukan ti Ispiritu Panginuun nu ngatay siya humiling sa kanyu kasalanan? Pagpatingi kawu, sa ugsadan, yi ti manga tawu naglubung sa kanmu asawa ag kawu maan ti daran-un nida tag sa luwas.”

Galasya 4:9

Dapat taynguna kanyu yi nakilala ti Diyus, aw mayad man nu sabihun taynguna kamu nakilala yi Diyus. Hayga lugud kamu magbalik magsirbi maan sa manga kapangyarihan maghari sa kalibutan balaw may pulus ag unman waydi may kabuluhan. Hayga lugud kamu magkaibug maan magpasakup sa siyun pag manga kapangyarihan?

Galasya 5:1

Linukat kita ni Kiristu hampay kita balaw yi panawuhun Kasuguan. Pagpakarig-un ngani kamu danga yi kamu magpasnu buwatun maan panawuhun.

Hibriyu 3:9

Ati sinubukan aku niyu manga ginurang. Sinulay nida aku sa sulud upatpulu ka timpu madi nakitan nida kang manga buwat.

Hibriyu 9:9

Usa ka pahalimbawa tunda sa taynguna pag udas. Kay gustu sabihun ti manga kaluub hanggan manga hayup pagmatyun pag-isagda sa Diyus balaw lubus makalumpiyu sa tagipusuun hanggan sa naisipan manga tawu magsamba sa Diyus.